Abu Tashfin Abdurahmon I
| Abu Tashfin Abdurahmon I | |
|---|---|
| Tilimsan sultoni | |
| Saltanat | 1318–1337[1]. |
| Oʻtmishdoshi | Abu Hammu Muso I |
| Davomchisi | Abu Said Usmon II va Abu Sobit I[2]. |
| Farzandlari | |
Abu Tashfin Abdurahmon I (arabcha: أبو تاشفين ابن أبو حمو موسى الأول; Abu Tashfin Abdurahmon ibn Abu Hammu Muso al-avval) — hozirgi Jazoir hududida joylashgan Tilimsan qirolligini boshqargan Zayyoniylar sulolasining sultoni boʻlgan[3][4][5].
U oldingi Tilimsan sultoni Abu Hammu Muso Ining oʻgʻli edi[6].
1318-yilda u otasini taxtdan agʻdarib, oʻzi bu taxtga egalik qiladi.
1329-yilda Abu Tashfin Abdurahmon I qoʻshinlarini sharqqa, Ifriqiyaga boshlab bordi. U Jazoir shahrini egalladi. Ar-Rayis jangida Zayyoniylar Hafsiylar ustidan gʻalaba qozonishadi. Soʻngra ular Hafsiylar poytaxti Tunisni ishgʻol qiladilar.
Shundan keyin Abu Tashfin mariniylar va hafsiylar oʻrtasida tuzilgan ittifoqqa duch keldi; bu ittifoq hafsiy malikasi Mariniylar sultoni Abu al-Hasanga turmushga berilishi orqali mustahkamlangan edi. Bu esa 1335–1337-yillardagi Tilimsan qamaliga olib keldi. Abu Tashfin I Tilimsan qamali chogʻida mariniylar va hafsiylar tomonidan oʻldirilgan.
Tilimsan Mariniylar sulolasi vakili Abu al-Hasan Ali ibn Usmon tomonidan 1337-yildan 1348-yilgacha bosib olindi. 1348-yilda esa Abu Tashfinning oʻgʻillari Abu Said Usmon va Abu Sobit tomonidan shahar qayta zabt etildi[2].
Zayyoniylar Magʻribning oʻzlariga qarashli qismida madrasalar qurilishini homiylik qilgan ilk hukmdorlar boʻlgan. Tilimsandagi eng mashhur madrasalardan biri Abu Tashfin asos solgan Tashfiniya madrasasi edi.
Manbalar
- ↑ Ilahiane, Hsain. Historical Dictionary of the Berbers (Imazighen) (en). Scarecrow Press, 2006-07-17. ISBN 9780810864900.
- ↑ 2,0 2,1 Marçais, G. (24 Apr 2012). ʿAbd al-Wādids. doi:10.1163/1573-3912_islam_SIM_0129. http://dx.doi.org/10.1163/1573-3912_islam_SIM_0129. Qaraldi: 3 Jan 2022.Abu Tashfin Abdurahmon I]]
- ↑ رحلة ابن بطوطة
- ↑ Qantara
- ↑ Ibn Khaldûn (1332-1406), Le livre des exemples, Volume I, Éditions Gallimard, Collection la Pléiade, (ISBN 2-07-011425-2), 1560 pages
- ↑ Lara, Fundación José Manuel. IBN JALDUN: STUDIES (en). Fundación El legado andalusì, 2006 — 84-bet. ISBN 9788496556348.
