Kontent qismiga oʻtish

Suvaysh muhofazasi

Koordinatalari: 29°59′0″N 32°33′0″E / 29.98333°N 32.55000°E / 29.98333; 32.55000
ZiyoSfera, erkin ensiklopediya
Suvaysh muhofazasi

arabcha: محافظة السويس‎‎
Muḥāfāzah as-Suways
Muhofaza
Skyline of Suvaysh muhofazasi
Suvaysh muhofazasi
Bayroq
Suvaysh muhofazasi
Gerb
29°59′0″N 32°33′0″E / 29.98333°N 32.55000°E / 29.98333; 32.55000
Mamlakat Misr
Hukumat
 • Voliy Hany Rashod[1]
Maydon 9,002 km2 (3,476 kv mi)
Aholisi
 (2023-yil yanvar)
 843 385[2]
Zichligi 93,69 kishi/km2
Vaqt mintaqasi UTC+2
Avtomobil kodi EG-SUZ
Suvaysh muhofazasi xaritada
Suvaysh muhofazasi
Suvaysh muhofazasi

Suvaysh muhofazasi (arabcha: محافظة السويس‎‎, Muḥāfāzah as-Suways) — Misr muhofazalaridan biri. Mamlakatning shimoli-sharqiy qismida joylashgan boʻlib, hududi Suvaysh shahri hududi bilan bir xil chegaraga ega. Muhofaza Suvaysh qoʻltigʻining shimolida joylashgan.

Suvaysh muhofazasi Qohira va Port-Said qatori Misrdagi eng yuqori darajada urbanizatsiyalashgan hududlardan biri hisoblanadi. Muhofazada bir qator sanoat zonalari, jumladan, yengil va ogʻir sanoat zonalari, shuningdek, yangi shahar aholi punktlari qoshidagi sanoat zonalari mavjud. Muhim voqealardan biri sifatida 2018-yil oʻrtalarida Rossiya va Misr oʻrtasida ushbu muhofaza hududida Rossiya sanoat zonasini tashkil etish boʻyicha erishilgan kelishuvni qayd etish mumkin.

Suvayshda beshta muhim port ham joylashgan: Ayn Suxna porti, Suvaysh porti, Adabiya porti, neft terminali porti va Al Atka baliqchilik porti. Ushbu portlar muhofaza iqtisodiyotida muhim oʻrin tutadi. Iqtisodiyot, shuningdek, ohaktosh, loy, koʻmir, neft, marmar va ohak kabi tabiiy boyliklar hisobiga ham rivojlangan. Hududning asosiy eksport mahsuloti — papayya.

Turizm Suvaysh muhofazasida muhim soha hisoblanadi. Bu yerda dam olish va davolanish maskanlari bilan mashhur Ayn Suxna, Muso buloqlari va Al-Xurdagi Yahudiylar tepaligi kabi diqqatga sazovor joylar mavjud. Bundan tashqari, 1975-yilda tashkil etilgan Suvaysh jamoat erkin zonasi (hududi Suvaysh porti va Adabiya oʻrtasida taqsimlangan) mintaqa iqtisodiy salohiyatini yanada oshiradi.

Maʼmuriy boʻlinishi

Muhofaza munitsipal boʻlinmalarga ajratilgan boʻlib, 2023-yil yanvar holatiga koʻra umumiy taxminiy aholi soni 788 421 kishini tashkil etadi[2].

Munitsipal boʻlinmalari
Oʻzbekcha nomi Asl nomi Arabcha transliteratsiyasi Aholisi
(2023-yil yanvar tax.)		 Turi
Arbayin قسم الأربعين Al-Arba'īn 287,620 Qism (toʻliq shahar)
Janoyin قسم الجناين Al-Janāyin 142,504 Qism (toʻliq shahar)
Suvaysh قسم السويس As-Suways 88,356 Qism (toʻliq shahar)
Atoqa قسم عتاقة Atāqah 75,698 Qism (toʻliq shahar)
Faysal قسم فيصل Fayṣal 194,243 Qism (toʻliq shahar)
Suvaysh porti politsiya departamenti إدارة شرطة ميناء السويس Idārah Shurṭah Mīnā' as-Suways Politsiya maʼmuriy hududi

Aholisi

Aholi soni boʻyicha taxminlarga koʻra, 2015-yilda muhofazaning barcha 622 859 nafar aholisi shahar hududlarida istiqomat qilgan. Urbanizatsiya darajasi 100 foizni tashkil etishi bilan Suvaysh muhofazasi Qohira va Port-Said qatori mamlakatdagi eng yuqori urbanizatsiya darajasiga ega hududlardan biri hisoblanadi[3].

Sanoat zonalari

Investitsiyalar va erkin zonalar boʻyicha boshqaruv organi (GAFI) maʼlumotlariga koʻra, Suvayshda quyidagi sanoat zonalari joylashgan[4]:

Sanoat zonasi
Shimoliy Atoqa Suyavsh qo'ltig'i sanoat zonasi
Shimoliy Atoqa sanoat zonasi
Neft-kimyo zonasi (Shimoliy Sumed quvuri)
G'arbiy Atoqa sanoat zonasi


2018-yil oʻrtalarida Rossiya va Misr oʻrtasida Rossiya sanoat zonasini rivojlantirish boʻyicha kelishuv imzolangan[5][6][7].

Portlari

Suvayshda beshta muhim port ham joylashgan: Ayn Suxna porti, Suvaysh porti, Adabiya porti, neft terminali porti va Al Atka baliqchilik porti.

Tabiiy boyliklari

Suvaysh muhofazasidagi tabiiy boyliklar qatoriga ohaktosh, loy, koʻmir, neft, marmar va ohak kiradi.

Eksporti

Suvayshning asosiy eksport mahsuloti — papayya.

Diqqatga sazovor joylari

Ayn Suxnaga olib boruvchi yoʻl.
  • Ayn Suxna — dam olish va davolanish uchun mashhur maskan.
  • Muso buloqlari
  • Al-Xurdagi Yahudiylar tepaligi

Umumiy erkin zona

1975-yilda Suvaysh umumiy erkin zonasi tashkil etilgan. U ikkita asosiy hududga boʻlingan: Suvaysh porti va Adabiya.

Yana qarang

Manbalar

  1. ↑ Samir, Farah „Egypt Announces New Governors for Cairo, Alexandria and Other Cities | Egyptian Streets“ (2024-yil 4-iyul).
  2. ↑ 2,0 2,1 „عـــدد السكــان التقديرى للأقســام“ (ar). www.capmas.gov.eg (2023-yil 1-yanvar). 2023-yil 18-martda asl nusxadan arxivlangan. Qaraldi: 2023-yil 22-iyul.
  3. ↑ „Egypt in Figures 2015“. CAPMAS. 2015-yil 19-oktyabrda asl nusxadan arxivlangan. Qaraldi: 2016-yil 23-oktyabr.
  4. ↑ „Industrial Zones of Governorate“. Ministry of Investment Egypt. Qaraldi: 2025-yil 18-mart.
  5. ↑ Wahish, Niveen. „Russia gets the go ahead: New industrial zone to bring investment, jobs and technology to Egypt“. Ahram Online (2018-yil 3-iyun). 2018-yil 24-noyabrda asl nusxadan arxivlangan. Qaraldi: 2018-yil 24-noyabr.
  6. ↑ „Egypt and Russia sign the largest contract in the history of Egyptian railways“. Al Masry Al Youm (2018-yil 18-oktyabr). 2018-yil 18-oktyabrda asl nusxadan arxivlangan. Qaraldi: 2018-yil 18-oktyabr.
  7. ↑ „Egypt, Russia to sign MoU to establish industrial zone in Suez Gulf area“. Ahram Online (2016-yil 25-yanvar). 2018-yil 18-oktyabrda asl nusxadan arxivlangan. Qaraldi: 2018-yil 18-oktyabr.

Havolalar

"https://ziyosfera.uz/index.php?title=Suvaysh_muhofazasi&oldid=1239215" dan olindi