Abu Nasr ibn as-Sariy
| Abu Nasr ibn as-Sariy ابو نصر بن السري | |
|---|---|
| Misr noibi | |
|
Mansab davri 820 – 822 | |
| Monarx | al-Ma’mun |
| Oʻtmishdoshi | As-Sariy ibn al-Hakam az-Zuttiy |
| Vorisi | Ubaydulloh ibn as-Sariy |
| Shaxsiy maʼlumotlari | |
| Tavalludi | noma’lum |
| Vafoti |
822 Misr |
| Otasi | As-Sariy ibn al-Hakam az-Zuttiy |
Abu Nasr Muhammad ibn as-Sariy[1][2] (arabcha: أبو نصر بن السري) (822-yil yanvarda vafot etgan) 820-yildan vafotiga qadar Abbosiylar xalifaligining Misrdagi noibi lavozimida ishlagan.
Faoliyati
Abu Nasr 816-yilda hamda 817—820-yilda Misr noibi boʻlgan as-Sariy ibn al-Hakamning oʻgʻli. Otasi 820-yil noyabr oyida vafot etgach, mazkur lavozimni egallagan. Abu Nasr noibligi davrida Misr al-Amin va al-Ma’mun oʻrtasidagi fuqarolar urushi tufayli paydo boʻlgan hokimiyat boʻshligʻidan foydalanib, boshqaruvni egallagan turli guruhlar oʻrtasida boʻlingan holda qoldi. Abu Nasrning hokimiyati asosan viloyatning janubiy qismi bilan cheklangan edi. Quyi Misrning katta qismi esa as-Sariyning sobiq raqibi Abdulaziz ibn al-Vazir al-Jaraviyning oʻgʻli Ali ibn Abdulaziz al-Jaraviy qoʻlida edi[3][1][2].
Abu Nasr tayinlanganidan soʻng, Abu Nasr va al-Jaraviy mamlakat ustidan hukmronlik qilish uchun otalari davridagi raqobatni davom ettirishdi. Shatnuf va Damanhurda boʻlib oʻtgan ikki jang kamida yetti ming kishi halok boʻlishi hamda Abu Nasrning ukasi Ahmad boshchiligidagi qoʻshinning yoʻqotishlari bilan tugagan. Al-Jaraviyning odamlari keyinchalik poytaxt Fustatga bostirib kirib, shaharni yoqib yuborish bilan tahdid qilishdi, ammo shahar aholisidan murojaat kelib tushgach, al-Jaraviy sulh tuzishga koʻndirildi[4].
Abu Nasr Misrda oʻn toʻrt oylik noiblik qilgandan soʻng, 822-yilda vafot etgach, oʻrniga ukase Ubaydulloh ibn as-Sariy tayinlandi[5][2].
Manbalar
- ↑ 1,0 1,1 Al-Kindi 1912, s. 172.
- ↑ 2,0 2,1 2,2 Ibn Taghribirdi 1930, s. 178.
- ↑ Kennedy 1998, ss. 80–81.
- ↑ Al-Kindi 1912, ss. 172–73.
- ↑ Al-Kindi 1912, s. 173.
Adabiyotlar
- Ibn Taghribirdi, Jamal al-Din Abu al-Mahasin Yusuf. Nujum al-zahira fi muluk Misr wa'l-Qahira, Volume II. Cairo: Dar al-Kutub al-Misriyya, 1930.
- Kennedy, Hugh „Egypt as a province in the Islamic caliphate, 641–868“, . Cambridge History of Egypt, Volume One: Islamic Egypt, 640–1517. Cambridge: Cambridge University Press, 1998 — 62–85-bet. ISBN 0-521-47137-0.
- Al-Kindi, Muhammad ibn Yusuf. The Governors and Judges of Egypt (Arabic). Leyden and London: E. J. Brill, 1912.