JJ (qoʻshiqchi)
JJ (qoʻshiqchi) | |
|---|---|
 JJ 2026-yilda | |
| Umumiy maʼlumot | |
| Tavalludi |
Johannes Pietsch 2001-yil 29-aprel |
| Janrlar | |
| Kasbi |
|
| Cholgʻular | Vokal |
| Faoliyat yillari | 2020–hozirgacha |
| Leybllar | Manifester |
Johannes Pietsch (talaffuzi: Yohannes Pich; 2001-yil 29-aprelda tugʻilgan[1]), shuningdek, JJ taxallusi bilan tanilgan — avstriyalik xonanda. U „Wasted Love“ qoʻshigʻi bilan Eurovision qoʻshiq tanlovi 2025da Avstriya nomidan ishtirok etib, tanlov gʻolibiga aylangan.
Yoshligi
Pietsch 2001-yil 29-aprelda Vena shahrida tugʻilgan. Uning otasi avstriyalik, onasi esa filippinlikdir. U bolaligining asosiy qismini Birlashgan Arab Amirliklarining Dubay shahrida oʻtkazgan. Bu yerda u oilasi bilan oʻtkazilgan karaoke kechalari orqali pop musiqasi bilan, otasi orqali esa opera bilan tanishgan. Ushbu ikki janr uning hozirgi pop-opera uslubiga katta taʼsir koʻrsatgan[1]. 2016-yilda uning oilasi Vena shahriga qaytib koʻchib oʻtgan[2].
Musiqiy faoliyati
2020-yilda Pietsch „The Voice UK“ loyihasining toʻqqizinchi mavsumida ishtirok etgan[1]. U oʻz ustozi will.i.am yordamida loyihaning „Nokaut“ (Knockouts) bosqichiga qadar yetib borgan. Keyingi yili u „Starmania“ telekoʻrsatuvining beshinchi mavsumida qatnashib, birinchi final bosqichigacha borgan[3]. U Vena davlat operasining opera maktabida tahsil olganidan soʻng, Vena shahri musiqa va sanʼat universitetida (Music and Arts University of the City of Vienna) oʻqishni davom ettirgan.
2025-yil 30-yanvarda Pietsch tomonidan JJ taxallusi ostida ijro etilgan „Wasted Love“ qoʻshigʻi ORF tomonidan Eurovision qoʻshiq tanlovi 2025da Avstriya nomidan ishtirok etishi eʼlon qilingan. Qoʻshiq JJ, Avstriyaning 2023-yilgi vakili Teodora Špirić va musiqiy prodyuser Thomas Thurner tomonidan hamkorlikda yozilgan hamda 2025-yil 6-martda chiqarilgan[4]. 17-may kuni boʻlib oʻtgan finalda u 436 ball toʻplab, gʻalaba qozongan[5]. U hakamlar ovozida 258 ball, tomoshabinlar ovozida esa 178 ball olgan. U Eurovision tarixida gʻolib boʻlgan birinchi janubi-sharqiy osiyolik, shuningdek, 2000-yillarda va XXI asrda tugʻilgan birinchi yakkaxon gʻolib boʻldi.
2025-yil dekabr oyida JJ Eurovision Awards mukofotining „Eng yaxshi vokal“ (Outstanding Vocals) va „Yilning eng yaxshi muqovasi“ (#ALBM Cover of the Year) nominatsiyalarida gʻolib chiqqan. Ushbu muvaffaqiyatga u Conchita Wurst bilan birgalikda ijro etgan „Rise Like a Phoenix“ va „Wasted Love“ qoʻshiqlarining mashupi orqali erishgan[6].
Musiqiy uslubi
Pietschning musiqiy uslubi opera va pop elementlarini oʻzida birlashtiradi. U sopranist (yuqori soprano pardalariga chiqa oladigan kontratenor turi) sifatida har ikki janrni ham kuchli va ekspressiv vokal hamda talqin orqali oʻrganadi[7].
Shaxsiy hayoti
Pietsch nemis, ingliz va tagal tillarida soʻzlashadi. U oʻzini queer deb bilishini hamda Avstriyadagi kvir hamjamiyatining ovozi boʻlishni istashini taʼkidlagan. Eurovisiondagi gʻalabasidan keyin oʻtkazilgan matbuot anjumanida u sevgilisi borligini aytgan[8].
Tanlovdan soʻng Pietsch 2025-yilgi tanlovda Isroilning ishtirok etishidan „hafsalasi pir boʻlgani“ni bildirgan. U „El País“ nashriga bergan intervyusida: „Men keyingi yil Eurovision Vena shahrida oʻtkazilishini xohlardim, lekin Isroilsiz. Qaror Yevropa teleradioittifoqi (EBU) qoʻlida. Biz, artistlar, faqat bu borada oʻz ovozimizni koʻtarishimiz mumkin“, — deya taʼkidlagan[9].
Diskografiyasi
EP (mini-albomlar)
- Into the Unknown (2026-yil 14-mayda chiqarilgan)
Singllar
| Sarlavha | Yil | Chart (AUT)[10] | Albom |
|---|---|---|---|
| „Wasted Love“ | 2025 | 1 | Into the Unknown |
| „Back to Forgetting“ | 2025 | 61 | |
| „Haunting Me“ | 2025 | — |
Mukofotlar va nominatsiyalar
| Yil | Mukofot | Turkum | Natija | Manba |
|---|---|---|---|---|
| 2025 | Eurovision Awards | Outstanding Vocals | Gʻolib boʻlgan | [6] |
| #ALBM Cover of the Year | Gʻolib boʻlgan | |||
| 2026 | Amadeus Austrian Music Awards | Ö3 Yil qoʻshigʻi | Nomzodlikka qoʻyilgan | [11] |
Manbalar
- ↑ 1,0 1,1 1,2 Christian Ude. „Johannes Pietsch alias JJ: Junger Countertenor singt für Österreich beim ESC“ (de). Kleine Zeitung (2025-yil 30-yanvar). Qaraldi: 2025-yil 30-yanvar.
- ↑ „Voix de fausset et gueule d'ange : qui est JJ, l'Autrichien vainqueur de l'Eurovision ?“ (fr). Le HuffPost (2025-yil 18-may). Qaraldi: 2025-yil 20-may.
- ↑ „Countertenor: JJ bringt Pop und Oper zum Song Contest“ (de). ORF (2025-yil 30-yanvar). Qaraldi: 2025-yil 30-yanvar.
- ↑ „JJ – Von der Staatsoper in den ESC-Zirkus“ (de-AT). Hitradio Ö3 (2025-yil 30-yanvar). Qaraldi: 2025-yil 30-yanvar.
- ↑ Picheta, Rob „Austria’s JJ wins Eurovision 2025 with ‘Wasted Love’“. CNN (2025-yil 17-may). Qaraldi: 2025-yil 27-iyun.
- ↑ 6,0 6,1 „Vote now in the Eurovision Awards 2024“. eurovision.tv. European Broadcasting Union (2025-yil 12-noyabr). Qaraldi: 2026-yil 7-yanvar.
- ↑ „Meet Austria's artist for Basel - JJ“ (en). eurovision.tv (2025-yil 30-yanvar). Qaraldi: 2025-yil 30-yanvar.
- ↑ „Eurovision 2025 winner's press conference with JJ“. eurovision.tv (2025-yil 18-may). Qaraldi: 2025-yil 18-may.
- ↑ „Austria's Eurovision winner JJ calls for Israel to be banned from contest“. Euronews (2025-yil 22-may). Qaraldi: 2025-yil 22-may.
- ↑ „Discographie JJ“. Ö3 Austria Top 40. Qaraldi: 2025-yil 26-sentyabr.
- ↑ „Die Nominierten in allen Kategorien der Amadeus Austrian Music Awards 2026“. FM4 (2026-yil 12-yanvar). Qaraldi: 2026-yil 21-yanvar.