Grethe va Jørgen Ingmann

Grethe va Jørgen Ingmann
Grethe & Jørgen Ingmann (1963) Grethe & Jørgen Ingmann (1963)
Umumiy maʼlumot
Kelib chiqishi	Daniya
Janrlar	Pop
Sobiq aʼzolar	Grethe Ingmann Jørgen Ingmann

Grethe va Jørgen Ingmann daniyalik qoʻshiqchilar va musiqachilar edi. Ular birgalikda 1963-yilda Dansk Melodi Grand Prix tanlovida gʻolib boʻlishdi. Bu tanlovda ular „Dansevise“ („Raqs qoʻshigʻi“) qoʻshigʻi bilan sihtiroq etishgan. Qoʻshiq musiqasi Otto Francker va soʻzlari Sejr Volmer-Sørensen tomonidan yozilgan. Mazkur qoʻshiq bilan 1963-yilgi Eurovision qoʻshiq tanlovi 1963da Daniya nomidan ishtirok etishdi. Qoʻshiq musobaqada gʻalaba qozondi. Shundan keyin hech bir boshqa daniyalik qoʻshiq yana Eurovision tanlovida 2000-yilgacha birinchi oʻrinni ololmadi. 2000-yilgi tanlovda Olsen Brothers oʻzlarining „Fly on the Wings of Love“ („Sevgi qanotlarida uch“) qoʻshigʻi bilan gʻalaba qozonishdi, 2013-yilda esa Emmelie de Forest „Only Teardrops“ („Faqat koʻz yoshlar“) qoʻshigʻi bilan gʻolib boʻldi.

Jørgen Ingmann 1925-yil 26-aprelda Daniyaning Kopengagen shahrida tugʻilgan. Grethe Clemmensen esa 1938-yil 17-iyunda Kopengagenda tugʻilgan. Ular 1955-yilda tanishishgan, 1956-yilda turmush qurishgan va 1975-yilda ajrashishgan. Grethe Ingmann Eurovision gʻoliblari orasida birinchi boʻlib vafot etgan boʻlib, u 1990-yil 18-avgust kuni Daniyada saraton kasalligidan vafot etgan, Jørgen Ingmann esa 2015-yil 21-mart kuni Daniyada vafot etgan.

Jörgen Ingmannning Jerry Lordan ijro etgan „Apache“ asarining instrumental talqiniga AQShda erishgan muvaffaqiyati (u 1961-yilda AQSh singllar roʻyxatida 1-oʻrinni egallagan) asosan EMI kompaniyasining The Shadows guruhining asl 1960-yilgi versiyasini oʻz vaqtida AQShda chiqarmagani bilan bogʻliq edi. Daniyalik ijrochining cover-versiyasi birinchi boʻlib paydo boʻldi va The Shadows guruhining xit qoʻshigʻi AQShda u bilan raqobatlasha olmadi. Keyingi yillarda Jerry Lordan The Shadows guruhi uchun yana koʻplab instrumental xitlarni yozdi („Wonderful Land“, Atlantis, Maroc 5). The Shadows guruhi hech qachon AQSh bozorida toʻliq muvaffaqiyat qozona olmadi, hatto 1960-yillarning oʻrtalaridagi „British Invasion“ toʻlqini davrida ham bunga erishish ularga nasib qilmadi.