Rise Like a Phoenix
| „Rise Like a Phoenix“ | ||||
|---|---|---|---|---|
| Conchita Wurst singli | ||||
| Conchita albomidan | ||||
| Chiqarilgan sanasi | 2014-yil 18-mart | |||
| Yozilgan sanasi | 2013-yil | |||
| Janr | Operatik pop | |||
| Davomiyligi | 3:01 | |||
| Leybl | ORF-Enterprise | |||
| Qoʻshiq muallif(lar)i | Charlie Mason, Joey Patulka, Ali Zuckowski, Julian Maas | |||
| Conchita Wurst singllari xronologiyasi | ||||
| ||||
„Rise Like a Phoenix“ — avstriyalik xonanda Conchita Wurst tomonidan ijro etilgan qoʻshiq. U Joey Patulka, Alexander Zuckowski, Julian Maas hamda Charlie Mason tomonidan yozilgan. Tarona Daniyaning Kopengagen shahrida boʻlib oʻtgan Eurovision qoʻshiq tanlovi 2014da Avstriya sharafini himoya qilgan hamda mamlakatga tanlov tarixidagi ikkinchi gʻalabani taqdim etgan.
Yaralish tarixi
Konsepsiyasi va saralanishi
Bastakor Alexander Zuckowski ushbu qoʻshiqni dastlab boshqa loyiha uchun yozgan edi, biroq Avstriyadagi barcha yirik ovoz yozish leybllari „Rise Like a Phoenix“ni ishlab chiqarishni rad etgan. ORF teleradiokompaniyasi Eurovision uchun qoʻshiq taklif qilishni soʻraganida, Zuckowski darhol ushbu taronani yuborishni oʻylagan. U: „Men ushbu qoʻshiq bilan hali buyuk voqealar sodir boʻlishini bilardim“, — deya oʻz qarorini izohlagan. Qoʻshiq Eurovision uchun ORF ichki saralash jarayoniga kiritilgan.
2013-yil 10-sentyabrda ORF xonanda Conchita Wurstni (Thomas Neuwirth) Eurovision 2014 tanlovida Avstriya vakili sifatida ichki saralash orqali tanlaganini eʼlon qildi[1]. 2014-yil 18-martda esa „Rise Like a Phoenix“ tanlov uchun Avstriyaning rasmiy taronasi sifatida eʼlon qilindi[2].
Chiqarilishi
Qoʻshiq 2014-yil 18-martda ORF tomonidan chiqarildi. Xuddi shu kuni uning musiqiy videosi YouTubeda premyera qilindi, qoʻshiqning oʻzi esa ORF veb-saytida yuklab olish uchun taqdim etildi. 21-mart kuni Wurst ushbu taronani ilk bor ORF telekanalining „Dancing Stars“ shousida jonli ijroda taqdim etdi.
Eurovision qoʻshiq tanlovi
2014-yil 8-may kuni Kopengagendagi „B&W Hallerne“ arenasida Eurovisionning ikkinchi yarim finali boʻlib oʻtdi. Tanlovga Daniya teleradiokompaniyasi (DR) mezbonlik qildi. Conchita Wurst oltinchi boʻlib chiqish qildi. Yarim final natijalariga koʻra, qoʻshiq 169 ball bilan birinchi oʻrinni egalladi hamda finalga yoʻllanma oldi[3].
10-may kuni boʻlib oʻtgan finalda Wurst oʻn birinchi boʻlib sahnaga chiqdi. Ovoz berish yakunida „Rise Like a Phoenix“ 290 ball toʻplab, tanlov gʻolibiga aylandi[4]. Bu Avstriyaning 1966-yildagi (Udo Jürgens) gʻalabasidan keyingi ikkinchi muvaffaqiyati boʻldi.
Tanlovdan soʻng
2015-yil 31-mart kuni Wurst ushbu qoʻshiqni Londonda oʻtkazilgan Eurovisionning 60 yilligiga bagʻishlangan „Eurovision Song Contest's Greatest Hits“ shousida ijro etdi.
Gʻolib teleradiokompaniya sifatida ORF Eurovision 2015 tanloviga mezbonlik qilish masʼuliyatini oldi. Tanlovga Wurstning oʻzi hammualliflik qildi hamda 2015-yil 19-mayda oʻtkazilgan birinchi yarim finalni „Rise Like a Phoenix“ taronasi bilan ochib berdi.
Tanqidiy qabul
„Stern“ nashri qoʻshiqni 5 yulduzdan 4 yulduz bilan baholadi. Avstriyaning 1966-yilgi gʻolibi Udo Jürgens taronani „ajoyib musiqiy tuzilishga ega va yaxshi yozilgan qoʻshiq“ deb atagan hamda qoʻshiq matni kabi „kuldan qayta tugʻilish“ maʼnosini yuqori baholagan[2].
Trek-list
- Raqamli yuklab olish
- „Rise Like a Phoenix“ — 3:01
Release tarixi
| Hudud | Sana | Format | Leybl |
|---|---|---|---|
| Avstriya | 2014-yil 18-mart | Raqamli yuklab olish | ORF-Enterprise |
| Yevropa | |||
| AQSh | |||
| Buyuk Britaniya | 2014-yil 11-may |
Chartlar
Haftalik chartlar
| Chart (2014) | Eng yuqori oʻrin |
|---|---|
| Avstriya (Ö3 Austria Top 40) | 1 |
| Belgiya (Flandriya) | 8 |
| Belgiya (Valloniya) | 19 |
| Daniya (Hitlisten) | 6 |
| Finlandiya (Suomen virallinen lista) | 2 |
| Fransiya (SNEP) | 39 |
| Germaniya (Official German Charts) | 5 |
| Vengriya (Mahasz) | 9 |
| Islandiya (RÚV) | 8 |
| Irlandiya (IRMA) | 10 |
| Italiya (FIMI) | 26 |
| Lyuksemburg Digital Songs (Billboard) | 2 |
| Niderlandiya (Single Top 100) | 3 |
| Shotlandiya (Official Charts Company) | 18 |
| Sloveniya (SloTop50) | 13 |
| Ispaniya (PROMUSICAE) | 8 |
| Shvetsiya (Sverigetopplistan) | 27 |
| Shveysariya (Schweizer Hitparade) | 2 |
| Birlashgan Qirollik (UK Singles Chart) | 17 |
| Birlashgan Qirollik Independent (Official Charts Company) | 1 |
Yillik chartlar
| Chart (2014) | Oʻrni |
|---|---|
| Avstriya (Ö3 Austria Top 40) | 19 |
Sertifikatlar
| Hudud | Sertifikat | Sotuvlar |
|---|---|---|
| Avstriya (IFPI Austria) | Platina | 30,000 |
Manbalar
- ↑ „Conchita Wurst beim Song Contest“ (de). orf.at. Österreicher Rundfunk (2014-yil 10-sentyabr). Qaraldi: 2014-yil 25-noyabr.
- ↑ 2,0 2,1 „Record companies rejected "Rise Like A Phoenix"“. www.stern.de.
- ↑ „Official Eurovision Song Contest 2014 second semi-final scoreboard“. Eurovision Song Contest.
- ↑ „Official Eurovision Song Contest 2014 grand final scoreboard“. Eurovision Song Contest.