Marija Šerifović
Marija Šerifović | |
|---|---|
.jpg) Šerifović 2012-yilda | |
| Umumiy maʼlumot | |
| Tavalludi |
1984-yil 14-noyabr |
| Kelib chiqishi | Serbiyalik |
| Janrlar | |
| Kasbi |
|
| Faoliyat yillari | 1998–hozirgacha |
| Leybllar |
|
Marija Šerifović (1984-yil 14-noyabrda tugʻilgan) — serbiyalik qoʻshiqchi. Šerifović Kragujevac shahrida tugʻilgan va 2007-yilgi Eurovision qoʻshiq tanlovida „Molitva“ qoʻshigʻi bilan gʻolib boʻlgani bilan tanilgan. U Serbiyaning Eurovision tanlovidagi ilk va hozirgacha yagona gʻolib ishtirokchisiga aylangan.
Šerifović oʻzining musiqiy debyutini 1998-yilda amalga oshirgan. U oltita studiyaviy albom hamda koʻplab mustaqil qoʻshiqlarni chiqargan. Bundan tashqari 2015–2025-yillar oraligʻida Serbiyadagi qoʻshiqchilik boʻyicha realiti-shou musobaqasi boʻlgan Zvezde Granda dasturida hakam sifatida faoliyat yuritgan. U „Molitva“ qoʻshigʻi uchun badiiy Marcel Bezençon Award mukofoti va mintaqaviy „Music Awards Ceremony“ mukofotining ikki karra sovrindori boʻlgan. Asosan ballada janridagi qoʻshiqlari bilan tanilgan Šerifović koʻpincha Serbiyaning eng yaxshi ayol pop vokalistlaridan biri sifatida eʼtirof etiladi[1][2].
Yoshligi
Šerifović 14-noyabr 1984-yil Kragujevac shahrida tugʻilgan. U musiqachilar Verica Šerifović va Rajko Šerifovićning yagona farzandidir. Verica Marijaga toʻqqiz oylik homilador boʻlganida, Rajko Vericani boshqa bir ayol uchun tark etgan. Keyinchalik oʻsha ayoldan qoʻshiqchi va vokal murabbiyi boʻlgan Danijel Pavlović ismli oʻgʻil farzand dunyoga kelgan. Marijaning taʼkidlashicha, uning otasi zoʻravon va ichkilikka ruju qoʻygan inson boʻlgan hamda muntazam ravishda onasini kaltaklagan[3]. „The Guardian“ gazetasi sharhlovchisi Germaine Greerning maqolasiga koʻra, Šerifović loʻlilardan kelib chiqqan boʻlib, va 2004-yildan beri lezbiyan sifatida tanilgan[4]. Šerifović Kragujevacdagi birinchi gimnaziyani tamomlagan[5].
1998-yilda u onasi bilan birgalikda yozilgan „Moje bube“ qoʻshigʻini televizion dasturda ijro etib, oʻzining ilk musiqiy debyutini amalga oshirgan[6].
Faoliyati
2003–2006: Faoliyatining boshlanishi, Naj, Najbolja va Bez ljubavi
Uning debyut albomi Naj, Najbolja 2003-yilda City Records tomonidan chiqarilgan. Keyingi yili Šerifović Budva shahrida oʻtkazilgan Pjesma Mediterana musiqa festivalida „Bol do ludila“ qoʻshigʻi bilan ishtirok etib, birinchi mukofotini qoʻlga kiritgan. 2006-yilda u oʻzining ikkinchi albomi — Bez Ljubavini chiqargan. Bir yil oʻtib ushbu albom Belgradedagi Sava Centarda boʻlib oʻtgan ilk yakkaxon konserti orqali targʻib qilingan.
2007–2010: Eurovision qoʻshiq tanlovi, Nisam anđeo va Anđeo
2007-yil mart oyida Šerifović Eurovision qoʻshiq tanlovi 2007 uchun Beovizija deb nomlangan Serbiya milliy tanlov festivalida „Molitva“ qoʻshigʻi bilan ishtirok etgan. 8-mart kuni boʻlib oʻtgan finalda u tomoshabinlar ovozi boʻyicha eng koʻp ovoz toʻplagan va hakamlar ovozida ikkinchi oʻrinni egallagan. Natijada u 2006-yilda mustaqil suveren davlat sifatida qayta tiklangan Serbiyaning Eurovision tanlovidagi ilk vakiliga aylangan[7]. Eurovision tanlovining 10-may kuni boʻlib oʻtgan yarim finalida Šerifović 15-raqam ostida sahnaga chiqqan va 298 ochko bilan birinchi oʻrinni egallagan[8]. Shundan soʻng 12-may kuni boʻlib oʻtgan katta finalda u 17-raqam ostida chiqish qilgan. Uning „Molitva“ qoʻshigʻi 268 ochko toʻplagan va Eurovision tanlovining 52-mavsumi gʻolibi deb eʼlon qilingan[9]. Vataniga qaytganidan soʻng Šerifovićni City Assembly of Belgrade binosi oldida taxminan 70 ming kishi kutib olgani xabar qilingan[10][11].
2008-yilda u oʻzining uchinchi studiyaviy albomi — Nisam anđeoni chiqargan. Albom 120 ming nusxada sotilgan[12]. Bir yil oʻtib uning ortidan Anđeo albomi chiqarilgan. Ushbu albom 100 ming nusxada sotilgan[13]. Shu yilning oʻzida Šerifović 2009-yil 11-may kuni Belgrade Arenada yakkaxon konsert berishini eʼlon qilgan[14]. 2010-yilda u reality television janridagi Farma dasturining ikkinchi mavsumida ishtirok etgan. Biroq u 27 kundan soʻng loyihani oʻz ixtiyori bilan tark etgan[15].
Manbalar
- ↑ N. M. „Anketa: Koja naša pop pevačica ima najbolji vokal“ (Sr). Tracara.com (2017-yil 4-may). Qaraldi: 2022-yil 22-dekabr.
- ↑ Vesović, M. „One su vlasnice moćnih vokala! Koja je naša najbolja pop pevačica?“ (Sr). Pulsonoline.rs (2017-yil 9-noyabr). Qaraldi: 2022-yil 22-dekabr.
- ↑ „MARIJA ŠERIFOVIĆ OTKRIVA: Lezbijka sam, seks sa devojkom je divan! (FOTO)“ (sr). Telegraf.rs (2013-yil 27-noyabr). Qaraldi: 2024-yil 16-dekabr.
- ↑ Greer, Germaine. „Go, Marija! Eurovision's triumphant lesbian Gypsy“. The Guardian (2007-yil 21-may). Qaraldi: 2020-yil 14-noyabr.
- ↑ Sabotinovski, A.. „MARIJA ŠERIFOVIĆ JEDVA ZAVRŠILA SREDNJU ŠKOLU Sad ima jednu od najuspešnijih karijera, a išla na razredne ispite: "VIŠE SAM BILA ISPRED NEGO U ŠKOLI"“ (sr). Blic.rs (2022-yil 27-oktyabr). Qaraldi: 2022-yil 21-dekabr.
- ↑ „Prvi nastup: Marija Šerifović kao tinejdžerka“ (Sr). Tracara.com (2018-yil 12-yanvar). Qaraldi: 2022-yil 22-dekabr.
- ↑ Iker, Z. „Serbia: Marija Šerifović to Helsinki“. Esctoday.com (2007-yil 9-mart). Qaraldi: 2023-yil 4-mart.
- ↑ „Semi-Final of Helsinki 2007“. European Broadcasting Union. 2021-yil 22-aprelda asl nusxadan arxivlangan. Qaraldi: 2022-yil 22-dekabr.
- ↑ „Grand Final of Helsinki 2007“. European Broadcasting Union. 2021-yil 22-aprelda asl nusxadan arxivlangan. Qaraldi: 2022-yil 22-dekabr.
- ↑ Dejanović, M.. „Kako je Srbija 2007. godine slavila pobedu na Evroviziji“ (sr). Nova.rs (2021-yil 21-may). Qaraldi: 2021-yil 30-noyabr.
- ↑ D. B.. „СРБИЈА "ОДУВАЛА" ЕВРОПУ: Пре 13 година Марија је победила на Евровизији - "Молитва" одзвањала широм земље“ (sr). Novosti.rs (2021-yil 22-may). Qaraldi: 2023-yil 4-mart.
- ↑
- First series: Nisam anđeo [Zvučni snimak] (sr). ISBN 978-86-7808-545-1. Qaraldi: 2023-yil 4-mart.
- Second series: Nisam anđeo [Zvučni snimak II] (sr). ISBN 978-86-7808-544-4. Qaraldi: 2023-yil 4-mart.
- Second series: Nisam anđeo [Zvučni snimak III] (sr). ISBN 978-86-7808-551-2. Qaraldi: 2022-yil 4-mart.
- ↑
- First series: Anđeo [Zvučni snimak] (sr). ISBN 978-86-7808-740-0. Qaraldi: 2023-yil 4-mart.
- Second series: Anđeo [Zvučni snimak II] (sr). ISBN 978-86-7808-710-3. Qaraldi: 2023-yil 4-mart.
- ↑ „Koncert Marije Šerifović pomeren za 11. maj“ (sr). Blic.rs (2010-yil 12-aprel). Qaraldi: 2022-yil 22-dekabr.
- ↑ „MARIJA ŠERIFOVIĆ UŠLA U REALITY I ODMAH NAPRAVILA HAOS: Objavljen video, ovo niko nije očekivao“ (Bosnian). Novi.ba (2018-yil 27-dekabr). Qaraldi: 2022-yil 22-dekabr.