France Gall

France Gall
	; Gall 1969-yilda
Tavalludi	Isabelle Geneviève Marie Anne Gall; 9-oktyabr 1947-yil; Parij, Fransiya
Vafoti	7-yanvar 2018-yil ; (70 yoshda); Neuilly-sur-Seine, Fransiya
Kasbi	Xonanda
Faoliyat yillari	1963–1997-yillar
Mashhur ishlari	France Gall diskografiyasi
Turmush oʻrtogʻi	Michel Berger; (turm. 1976; vaf. 1992)
Bolalari	2 nafar, jumladan Raphaël Hamburger
Otasi	Robert Gall
Qarindoshlari	Paul Berthier (bobosi); Jacques Berthier (tog'asi);

Isabelle Geneviève Marie Anne Gall (1947-yil 9-oktyabr — 2018-yil 7-yanvar) — France Gall (fransuzcha talaffuzi: [fʁɑ̃s ɡal]) taxallusi bilan tanilgan fransiyalik yé-yé va pop-musiqa xonandasi. 1965-yilda, 17 yoshida, u Lyuksemburg nomidan ishtirok etib, „Poupée de cire, poupée de son“ qoʻshigʻi bilan Eurovision qoʻshiq tanlovining oʻninchi mavsumida gʻolib boʻlgan. Keyinchalik u qoʻshiqchi va bastakor Michel Berger bilan hamkorlik qilgan hamda 1976-yilda unga turmushga chiqqan. Uning eng muvaffaqiyatli singllari qatoriga „Il jouait du piano debout“, „Ella, elle l’a“ va „Évidemment“ qoʻshiqlari kiradi.

Yoshligi

Isabelle Geneviève Marie Anne Gall (France Gall) 1947-yil 9-oktyabrda Parijning 12-okrugida tugʻilgan^[1]. U musiqachilar oilasida ulgʻaygan. Uning otasi Robert Gall (1918–1990) Édith Piaf va Charles Aznavour kabi ijrochilar uchun qoʻshiq matnlari yozgan lirik shoir boʻlgan^[2]. Uning onasi, xonanda Cécile Berthier esa Parijdagi mashhur „The Little Singers of Paris“ xor jamoasining hammuassisi boʻlgan Paul Berthierning qizi edi^[2].

Oiladagi yagona qiz farzand boʻlgan Gallning Patrice va Philippe ismli egizak akalari bor edi^[3]. U Paul Valéry litseyida tahsil olgan, biroq oʻqishdan yiqilib, sinfda qoldirilgach, oʻqishni tashlab ketgan^[3].

Karyerasi

1963–1964-yillar: Faoliyatining boshlanishi

Otasining qoʻllab-quvvatlashi bilan Gall 1963-yilda musiqiy faoliyatini boshlagan va „Champs-Élysées“ teatrida boʻlib oʻtgan tinglovdan soʻng „Philips Records“ ovoz yozish studiyasi bilan shartnoma imzolagan^[1]^[4]. Oʻsha davrda tanilib ulgurgan xonanda Isabelle Aubret bilan adashtirmasliklari uchun badiiy rahbar Denis Bourgeois unga France Gall sahna taxallusi ostida ijod qilishni taklif etgan^[2]^[3]. Ushbu taxalludni tanlashda Fransiya va Uels (fransuzcha: France–Galles) terma jamoalari oʻrtasida boʻlib oʻtgan regbi oʻyinidan ilhomlanilgan^[2].

Xonandaning oʻn olti yoshga toʻlgan kunida uning „The Laurie Sisters“ guruhining „Stand a Little Closer“ taronasiga ishlangan va „Ne sois pas si bête“ deb nomlangan debyut singli Fransiya radiosida ilk bor efirga uzatilgan hamda qisqa vaqt ichida katta muvaffaqiyat qozongan^[1]. Shundan soʻng Bourgeois oʻsha davrda Michèle Arnaud va Juliette Gréco kabi sanʼatkorlarga qoʻshiq yozib, tanilib ulgurgan Serge Gainsbourgga murojaat qilib, Gall uchun ham taronalar yozib berishni soʻragan. Uning qalamiga mansub „Nʼécoute pas les idoles“ kompozitsiyasi xonandaning ikkinchi singli sifatida taqdim etilgan va 1964-yil mart oyida musiqiy chartlarda birinchi oʻringa koʻtarilgan^[1].

Koʻp oʻtmay u jonli ijrodagi konsertlarini boshlagan va Belgiyada Sacha Distelning dasturlarida birinchi boʻlib sahnaga chiqib, oʻzining debyut chiqishini qilgan^[3]. Gainsbourg, Alain Goraguer va Jacques Datin kabi qoʻshiq mualliflari bilan hamkorlik qilish orqali u turli janrlarni qamrab olgan boy repertuar shakllantirdi. Uning ijodida jazz, bolalar qoʻshiqlari hamda boshqa musiqiy yoʻnalishlar oʻzaro uygʻunlashgan holda rivojlandi^[1]. Uning Gainsbourg bilan hamkorligi muvaffaqiyatli davom etib, bir qator mashhur singllarning yaratilishiga sabab boʻldi, jumladan 1964-yilda chiqqan „Laisse tomber les filles“ xiti ham shular jumlasidandir.

Manbalar

↑ ^1,0 ^1,1 ^1,2 ^1,3 ^1,4 Williams, Richard „France Gall obituary“. The Guardian (2018-yil 8-yanvar). Qaraldi: 2025-yil 29-noyabr.
↑ ^2,0 ^2,1 ^2,2 ^2,3 „Portrait: France Gall a rayonné pendant 50 ans sur la chanson française“ (fr-FR). Ouest-France.fr (2018-yil 7-yanvar). Qaraldi: 2025-yil 29-noyabr.
↑ ^3,0 ^3,1 ^3,2 ^3,3 „Une vie bien remplie: 15 anecdotes que vous ne connaissiez (sans doute) pas sur France Gall“ (fr). infos.rtl.lu (2018-yil 8-yanvar). Qaraldi: 2025-yil 29-noyabr.^{[sayt ishlamaydi]}
↑ „Biographie officielle de France Gall“ (fr-FR). francegallcollection.fr (2004-yil 26-oktyabr). Qaraldi: 2025-yil 29-noyabr.

[Guardian-1] 1,0 ^1,1 ^1,2 ^1,3 ^1,4 Williams, Richard „France Gall obituary“. The Guardian (2018-yil 8-yanvar). Qaraldi: 2025-yil 29-noyabr.

[Ouest-2] 2,0 ^2,1 ^2,2 ^2,3 „Portrait: France Gall a rayonné pendant 50 ans sur la chanson française“ (fr-FR). Ouest-France.fr (2018-yil 7-yanvar). Qaraldi: 2025-yil 29-noyabr.

[RTL-3] 3,0 ^3,1 ^3,2 ^3,3 „Une vie bien remplie: 15 anecdotes que vous ne connaissiez (sans doute) pas sur France Gall“ (fr). infos.rtl.lu (2018-yil 8-yanvar). Qaraldi: 2025-yil 29-noyabr.^{[sayt ishlamaydi]}

[FGCbio-4] „Biographie officielle de France Gall“ (fr-FR). francegallcollection.fr (2004-yil 26-oktyabr). Qaraldi: 2025-yil 29-noyabr.

[1]

[2]

[3]

[4]