Avcılar markaziy katta masjidi
| Masjid | |
Avcılar markaziy katta masjidi
| |
 | |
Avcılar markaziy katta masjidi (turkcha: Avcılar Merkez Ulu Cami) — Turkiyaning Istanbul shahri yaqinidagi Avcılar munitsipalitetida joylashgan masjid. Avval ham shu joyda masjid boʻlgan, biroq bino zilzilaga chidamli qilib qurilmagani sababli 2011-yil aprel oyida yopilib, buzib tashlangan va oʻrniga yangi bino qurilgan.
Tarixi
Eski Markaziy masjid 1999-yilgi Izmit zilzila oqibatida shikastlangan. Viloyat hukumati va shahar maʼmuriyati tomonidan oʻtkazilgan tekshiruvlardan soʻng binoni buzib, oʻrniga yangisini qurishga qaror qilingan[1][2]. Qurilish ishlari 2013-yilda boshlangan[3]. Masjid yertoʻlasi 2014-yilda ilk bor namoz oʻqilishi uchun ochilgan, majmuaning qurilish ishlari esa 2018-yilda yakunlangan[4]. 2019-yil may oyida masjid Istanbul muftiysi Hasan Komil Yılmaz, oʻrinbosari Ömer Erden, Avcılar muftiysi Bekir Derin hamda sobiq sogʻliqni saqlash vaziri Mehmet Müezzinoğlu tomonidan rasman ochib berilgan[5].
Jihozlari
Masjid qariyb 1500 m2 maydonga ega boʻlib, bir vaqtning oʻzida 5000 nafar namozxonni sigʻdira oladi. Shuningdek, masjidda 500 kishiga moʻljallangan konferensiya zali va 150 kishilik seminar zali mavjud[2]. Bino Avcılar madaniyat, sanʼat va ijtimoiy taʼlim jamgʻarmasi (AKSEV) tomonidan qurilgan, binoni ichki jihozlash ishlari esa Istanbul shahar hokimiyati tomonidan moliyalashtirilgan[4].
Havolalar
 |
Vikiomborda „Avcılar markaziy katta masjidi“ mavzusi boʻyicha mediafayllar bor. |
- Istanbul muftiyati idorasi Din ishlari boshqarmasi raisligi (turkcha) veb-saytida
Manbalar
- ↑ „Avcılar Merkez Ulu Cami Ramazan Ayının İlk Cumasında Tekbirlerle Dualarla İbadete Açıldı“ (tr). Diyanet İşleri Başkanlığı (2019-yil 13-may). Qaraldi: 2026-yil 10-aprel.
- ↑ 2,0 2,1 Doğan Haber Ajansı. „Depreme dayanıksız cami yıkıldı, yerine 5 bin kişilik cami yapıldı“ (tr). Hürriyet (2019-yil 19-may). Qaraldi: 2026-yil 10-aprel.
- ↑ „Avcılar Merkez Cami Statik Projesi“ (tr). Art Universal Group. Qaraldi: 2026-yil 12-may.
- ↑ 4,0 4,1 „Hakkımızda“ (tr). Avcılar Kültür Sosyal Sanat ve Eğitim Vakfı (AKSEV). Qaraldi: 2026-yil 10-aprel.
- ↑ „Avcılar Merkez Ulu Camii dualarla açıldı“ (tr). Diyanet İşleri Başkanlığı (2019-yil 10-may). Qaraldi: 2026-yil 10-aprel.
