Katta masjid (Tarsus)

Masjid
Tarsus Katta masjidi turkcha: Tarsus Ulu Cami
Mamlakat	Turkiya
Hudud	Mersin viloyati, Oʻrta Yer dengizi mintaqasi
Koordinatalar	36°54′56″N 34°53′51″E
Yoʻnalishi	Ahl as-Sunna val-Jamoa
Meʼmoriy uslub	Usmoniylar meʼmorchiligi
Binokorlik sanasi	1579-yil
Holati	amaldagi

Tarsus Katta masjidining ichki qismi

Tarsus Katta masjidi (turkcha: Tarsus Ulu Cami) – Turkiyaning Mersin viloyati Tarsus shahridagi masjid.

Joylashuvi

Masjid Tarsus viloyati markazida, Camii Nur mahallasida joylashgan boʻlib, shahardagi eng katta masjid hisoblanadi. Bino Avliyo Paul cherkoviga yaqin boʻlib, u yerdan toʻgʻri chiziq boʻylab atigi 180 metr (590 ft) masofada joylashgan.

Tarixi

Qoʻshimcha maʼlumotlar: Roshidun xalifaligi, Umaviylar xalifaligi, Abbosiylar xalifaligi, Saljuqiylar imperiyasi, Ayyubiylar, va Mamluklar davlati

Masjid 1579-yilda Usmoniylar hukmronligi davrida qurilgan. Masjid homiysi Ramadoniylar sulolasidan boʻlgan Ibrohim bey boʻlib, ushbu turkman sulolasi 1517-yilgacha mintaqani boshqargan va XVI asrning qolgan qismida Usmoniylar imperiyasining vassali sifatida faoliyatini davom ettirgan. Ammo masjid maʼlumotlariga koʻra, Katta masjid oʻrnida IX asrda Abbosiylar (arablar) hukmronligi davrida qurilgan eski masjid boʻlgan. Tarsus Vizantiya imperiyasi tomonidan bosib olingandan soʻng, eski masjid cherkovga aylantirilgan. XIV asrda Ramazanogʻullari Tarsusni qoʻlga kiritgan, 1579-yilda esa masjid qayta qurilgan. Shuningdek, masjidni qoʻllab-quvvatlash maqsadida 1579-yilda Kırkkaşık Bedesten yopiq bozori qurilgan.

Meʼmorchiligi

Tarsus masjididagi soat minorasi

Masjid hovlisiga binoning shimoliy tomonida qurilgan ulugʻvor marmar darvoza orqali kirish mumkin. Jami 14 ta ustunlar 16 ta gumbazni koʻtarib turadi. Masjid minbari marmardan qilingan.

Qabrlar

Masjidning sharqiy tomonida Maʼmun, Luqmon va Odam atoning oʻgʻli deb hisoblanilagan Shitning qabrlari joylashgan.