Kontent qismiga oʻtish

Toshkent davlat iqtisodiyot universiteti

ZiyoSfera, erkin ensiklopediya
Toshkent davlat iqtisodiyot universiteti
Xalqaro nomi
 Tashkent State University of Economics
Ilgarigi nomi
 Toshkent xalq xoʻjaligi instituti
Turi Davlat universiteti
Asos solingan sanasi 1931-yil
Rektori Toʻlqin Teshaboyev
Fakultetlar 14
Talabalari ~48 653[1]
Bakalavriat 4 yil
Magistratura 2 yil
Aspirantura bor
Doktorantura bor
Fan doktorlari 225
Professorlari 232
Oʻqituvchilari 1 355
Manzili
Islom Karimov koʻchasi 49
,
Toshkent
,
100066
,
Oʻzbekiston

41°17′57″N 69°16′08″E / 41.2992°N 69.2689°E / 41.2992; 69.2689
Veb-sayti tsue.uz
Toshkent davlat iqtisodiyot universiteti is located in Uzbekistan
Toshkent davlat iqtisodiyot universiteti
Toshkent davlat iqtisodiyot universitetining joylashuvi

Toshkent davlat iqtisodiyot universiteti (TDIU) — Oʻzbekiston Respublikasining Toshkent shahrida joylashgan davlat tadqiqot universiteti hamda iqtisodiyot, moliya, biznes, boshqaruv va soliq sohalarida mutaxassislar tayyorlashga ixtisoslashgan oliy taʼlim muassasasi. 1931-yil 13-avgustda Oʻrta Osiyo moliya-iqtisod instituti sifatida tashkil etilgan universitet Oʻzbekiston va Markaziy Osiyodagi eng yirik iqtisodiy oliy taʼlim muassasalaridan biri hisoblanadi.

Universitetning tarixi Turkiston xalq universiteti huzurida 1918-yilda tashkil etilgan savdo sohasi mutaxassislarini tayyorlash kurslariga borib taqaladi. XX asr davomida muassasa bir necha bor qayta tashkil etilib, Toshkent moliya-iqtisodiyot instituti va Toshkent xalq xoʻjaligi instituti nomlari ostida faoliyat yuritgan. 1991-yilda unga Toshkent davlat iqtisodiyot universiteti nomi berilgan[2].

TDIU bakalavriat, magistratura va doktorantura bosqichlarida taʼlim dasturlarini amalga oshiradi hamda iqtisodiyotning turli tarmoqlari uchun ilmiy va pedagogik kadrlar tayyorlaydi. Universitet tarkibiga fakultetlar, kafedralar, ilmiy-tadqiqot markazlari, akademik litsey va texnikumlar kiradi. 2024-yilda universitet qayta tashkil etilib, uning tarkibiga Toshkent moliya instituti va Fiskal institut qoʻshilgan[3][4].

Tarixi

Tashkil etilishi tarixi

Toshkent davlat iqtisodiyot universiteti tarixi 1918-yilda Turkiston xalq universitetida savdo sohasi mutaxassislari uchun qisqa muddatli kurslar tashkil etilishi bilan boshlangan[5].

1924-yilga kelib ushbu kurslar negizida universitet qoshida ijtimoiy-iqtisodiyot fakulteti ochilgan. Mazkur tuzilma 1925-yilda Ijtimoiy fanlar fakultetiga aylantirilib, uning tarkibida mahalliy iqtisodiyot va huquq fakulteti faoliyatini boshlagan.

Oʻzbekistonda iqtisodiy taʼlimni tizimlashtirish maqsadida 1931-yilda Toshkentda rejalashtirish institutini tashkil etish toʻgʻrisida qaror qabul qilingan. Ushbu muassasa keyinchalik Oʻrta Osiyo davlat savdo va kooperatsiya instituti bilan birlashtirilib, Oʻzbekiston xalq xoʻjaligi instituti nomi bilan yuritila boshlangan. Shu yilning 13-avgustida Oʻrta Osiyo moliya-iqtisod instituti ham tashkil etilib, keyinchalik u Toshkent moliya-iqtisodiyot institutiga aylantirilgan.

Ikkinchi jahon urushi yillarida Olmaotaga evakuatsiya qilingan Leningrad hisob-iqtisod instituti 1946-yilda Toshkent moliya-iqtisodiyot institutiga qoʻshilgach, muassasada kredit-iqtisod hamda buxgalteriya hisobi-iqtisod fakultetlari ochilgan. 1947-yilda tashkil etilgan rejalashtirish-iqtisod fakulteti Oʻrta Osiyo va Qozogʻiston respublikalarida sanoat hamda qishloq xoʻjaligi uchun mutaxassislar tayyorlashni boshlagan.

Iqtisodchilarni bevosita ishlab chiqarishdan ajralmagan holda oʻqitish maqsadida 1948-yilda kechki, 1955-yilda esa sirtqi fakultetlar faoliyati yoʻlga qoʻyilgan. Sirtqi boʻlim keyinchalik umumiy iqtisodiyot hamda buxgalteriya hisobi va moliya mutaxassisliklariga ajratilgan.

Toshkent xalq xoʻjaligi instituti

Toshkent moliya-iqtisodiyot instituti 1962-yilda Toshkent xalq xoʻjaligi instituti deb qayta nomlangan va 1991-yilgacha shu nom ostida faoliyat koʻrsatgan.

Oʻquv jarayonlarini kengaytirish doirasida 1967-yilda tayyorgarlik kurslari, 1970-yilda esa tayyorgarlik boʻlimi ochilgan. 1968-yilda tashkil etilgan iqtisodiy kibernetika fakultetida matematik fanlar ulushini oshirish hisobiga talabalarni tayyorlash boʻyicha oʻquv dasturlari mustahkamlangan.

1970-yilda savdo-iqtisod fakulteti tashkil etilib, keyinchalik amaliy fanlarni olish maqsadida biznes yoʻnalishlari boʻyicha oʻquv rejalari kengaytirilgan, bu esa institut tomonidan tayyorlanayotgan kadrlar assortimentini sezilarli darajada oshirgan.

Institutning hududiy tarmoqlari ham rivojlanib, 1973-yilda Toshkent toʻqimachilik kombinatida kechki fakultet tarkibida filial, biroz vaqt oʻtgach esa Samarqand va Qarshi oʻquv-maslahat markazlari, Andijon va Qoʻqon filiallari hamda umumiy iqtisodiy sirtqi fakultetning yangi boʻlimlari ochilgan. 1981-yilda esa savdo-iqtisod fakultetidan ajralib chiqqan mehnat va taʼminot iqtisodiyoti fakulteti tashkil etilgan.

Universitet maqomi va zamonaviy davr

Oliy taʼlim muassasasi 1991-yil 19-iyundan boshlab Toshkent davlat iqtisodiyot universiteti nomini olgan. Tarkibiy qismini kengaytirish maqsadida 1993-yilda Samarqand shahrida universitet filiali ochilgan[6]. 1999-yildan boshlab esa magistratura tashkil etilgan[7].

Hozirgi kunda universitet tarkibida iqtisodiyot, buxgalteriya hisobi va audit, turizm, menejment va raqamli iqtisodiyot kabi fakultetlar, magistratura va sirtqi boʻlim hamda 24 ta kafedra mavjud. Universitet qoshida pedagog kadrlarni qayta tayyorlash va ularning malakasini oshirish tarmoq markazi, Oʻzbekiston iqtisodiyotini rivojlantirishning ilmiy asoslari va muammolari ilmiy tadqiqot markazi, axborot-resurs markazi, axborot texnologiyalari markazi hamda universitet tarixi muzeyi faoliyat olib bormoqda.

Oʻzbekiston Respublikasi Prezidenti Shavkat Mirziyoyevning 2024-yil 7-fevraldagi qaroriga binoan Toshkent davlat iqtisodiyot universiteti tubdan qayta tashkil etildi[8]. Ushbu islohot doirasida Toshkent moliya instituti hamda Davlat soliq qoʻmitasi huzuridagi Fiskal institut universitet tarkibiga birlashtirilgan[9].

Taʼlim yoʻnalishlari

Kunduzgi taʼlim yoʻnalishlari

Toshkent davlat iqtisodiyot universiteti 2025/2026 oʻquv yili — bakalavriat kunduzgi taʼlim shakli[10]
Shifr Taʼlim yoʻnalishi Oʻtish bali (davlat granti) Oʻtish bali (toʻlov-kontrakt)
Oʻzbek Rus Oʻzbek Rus
60410100 Iqtisodiyot 185.50 185.70 169.30 157.40
60410200 Buxgalteriya hisobi 181.60 182.40 148.20 127.30
60410300 Soliqlar va soliqqa tortish 178.00 178.90 126.40 114.70
60410500 Moliya va moliyaviy texnologiyalar 184.10 184.60 157.20 140.60
60410600 Bank ishi 182.40 182.40 157.50 131.40
60410700 Statistika 170.50  — 120.90 —
60410800 Menejment 179.10 179.30 140.80 135.50
60410900 Biznesni boshqarish 180.20 180.20 135.70 130.00
60411000 Inson resurslarini boshqarish 169.90  — 114.40 —
60411100 Jahon iqtisodiyoti va xalqaro iqtisodiy munosabatlar 186.80 186.80 173.20 161.40
60411200 Marketing 175.10 175.30 130.80 124.20
60411300 Savdo ishi 174.30  — 120.00 —
60610100 Axborot tizimlari va texnologiyalari 151.00 163.50 106.90 66.60
60610200 Axborot xavfsizligi 166.70 173.30 131.10 70.70
60610500 Sunʼiy intellekt 149.90 152.20 91.50 59.80
61010100 Turizm va mehmondoʻstlik 162.80 169.80 126.80 128.80
61010400 Logistika 168.80  — 116.70 —

Masofaviy taʼlim yoʻnalishlari

Toshkent davlat iqtisodiyot universiteti 2025/2026 oʻquv yili — bakalavriat masofaviy taʼlim shakli
Shifr Taʼlim yoʻnalishi Oʻtish bali (toʻlov-kontrakt)
Oʻzbek Rus
60410100 Iqtisodiyot 112.70 116.00
60410200 Buxgalteriya hisobi 82.10 98.20
60410300 Soliqlar va soliqqa tortish 59.80 74.00
60410500 Moliya va moliyaviy texnologiyalar 79.10 102.10
60410600 Bank ishi 93.50 102.10
60410700 Statistika 56.70 —
60410800 Menejment 74.80 95.00
60410900 Biznesni boshqarish 75.90 102.00
60411000 Inson resurslarini boshqarish 56.80 —
60411200 Marketing 76.90 104.30
60411300 Savdo ishi 56.80 —
61010100 Turizm va mehmondoʻstlik 78.90 99.00
61010400 Logistika 65.50 —

Kechki taʼlim yoʻnalishlari

Toshkent davlat iqtisodiyot universiteti 2025/2026 oʻquv yili — bakalavriat kechki taʼlim shakli
Shifr Taʼlim yoʻnalishi Oʻtish bali (toʻlov-kontrakt)
Oʻzbek Rus
60410100 Iqtisodiyot 154.70 130.20
60410200 Buxgalteriya hisobi 138.80 118.70
60410500 Moliya va moliyaviy texnologiyalar 142.60 122.20
60410600 Bank ishi 143.50 121.30
60410800 Menejment 135.40 120.40
60410900 Biznesni boshqarish 131.30 —
60411000 Inson resurslarini boshqarish 119.20 —

Qoʻshma taʼlim dasturlari

Hozirgi kunda universitet dunyoning turli mintaqalaridagi 14 ta yetakchi oliy taʼlim muassasasi bilan qoʻshma taʼlim dasturlarini amalga oshirmoqda:

Ushbu taʼlim dasturlarini muvaffaqiyatli tamomlagan talabalar Toshkent davlat iqtisodiyot universiteti hamda hamkor universitetning ikki tomonlama (dual) diplomiga ega boʻladilar[39].

Reytinglar

Universitet QS Stars 5 yulduziga ega boʻlgan Markaziy Osiyodagi ikkinchi va Oʻzbekistondagi birinchi oliy taʼlim muassasasidir[40].

Xalqaro reytinglardagi oʻrinlar
Reyting 2023 2024 2025 2026 Izoh
QS World University Rankings  —  — 1001–1200-oʻrin 1201–1400-oʻrin 2026-yil 18-iyun holatiga koʻra[41]
QS Asia University Rankings  — 451-450-oʻrin 357-oʻrin  274-oʻrin Oʻzbekistonda 3-oʻrin, Markaziy Osiyoda 15-oʻrin (2025-yil nashr)[42][43]
QS Sustainability Rankings  — 1161-1180-oʻrin 951-oʻrin  — Barqaror rivojlanish boʼyicha jahondagi yetakchi universitetlar reytingi[44]
QS by Subject
(Iqtisodiyot va ekonometrika)		  —  — 401–450-oʻrin 251-300-oʻrin Iqtisodiyot va ekonometrika fanlarini oʻqitish borasida dunyo reytingi[45]
Times Higher Education (THE)
(Universitetlarning barqaror rivojlanish reytingi)		 1001+oʻrin 801–1000-oʻrin 401–600-oʻrin  101-200-oʻrin Universitetlarning barqaror rivojlanish reytingi[46]
UI Greenmetric 365-oʻrin 300-oʻrin 250-oʻrin  — Ekologik barqarorlik sohasida Oʻzbekistonda 1-oʻrin[47]
Webometrics  —  —  —  Oʻzbekistonda 1-oʻrin Raqamli makondagi faollik boʻyicha[48]
QS Stars Oʻzbekistonda birinchi, Markaziy Osiyoda ikkinchi 5 yulduzli universitet[49]

Ilmiy faoliyat

Ilmiy salohiyat

Bugungi kunda universitet asosiy shtatida 1355 nafar professor-oʻqituvchilar faoliyat olib bormoqda va universitetning ilmiy salohiyati 63,4 foizni tashkil etmoqda. Universitetda jami 1940 nafar izlanuvchi faoliyat olib bormoqda: 26 nafar doktorant, 306 nafar tayanch doktorant, 4 nafar stajor-tadqiqotchi, 301 nafar mustaqil izlanuvchilar (DSc) va 1303 nafar mustaqil izlanuvchilar (PhD). Universitet huzurida 5 ta ilmiy darajalar beruvchi ilmiy kengash faoliyat yuritib, 12 ta ixtisoslik boʻyicha yuqori malakali ilmiy kadrlar tayyorlash yoʻlga qoʻyilgan. 2025-yil davomida 271 nafar tadqiqotchi tomonidan dissertatsiya ishlari muvaffaqiyatli himoya qilingan: 53 nafari fan doktori (DSc) va 218 nafari falsafa doktori (PhD) ilmiy darajasini qoʻlga kiritgan.

Ilmiy nashrlar

Professor-oʻqituvchilar tomonidan 2025-yilda 224 ta monografiya, 2809 ta ilmiy maqola va respublika miqyosidagi ilmiy anjumanlar toʻplamida 1600 dan ortiq tezis nashr qilindi.

Scopus bazasidagi publikatsiyalar soni 2021-yildagi 130 tadan 2025-yilga kelib 926 taga yetdi — besh yil ichida 7,1 barobar oʻsdi. Jurnallar toifasi boʻyicha tarkib ham oʻzgardi: 2021-yilda maqolalarning 44,6 foizi Q4, 25,4 foizi Q3 toifali jurnallarda chop etilgan boʻlsa, 2025-yilda Q1 ulushi 43,4 foizni, Q2 ulushi 16,9 foizni tashkil etgan; Q4 ulushi esa 6 foizga tushgan.

Web of Science bazasida indekslangan jurnallarda 2023-yilda 181 ta, 2024-yilda 320 ta va 2025-yilda 400 ta — jami 901 ta ilmiy maqola chop etilgan. Xalqaro kollaboratsiya asosidagi publikatsiyalar soni 1420 tani, iqtiboslar soni esa 13 523 tani tashkil etib, har bir xalqaro hamkorlikdagi publikatsiyaga oʻrtacha 9,5 ta iqtibos toʻgʻri kelmoqda. Scopus bazasidagi publikatsiyalarga jami iqtiboslar soni 17 191 ni, soʻnggi 5 yillikdagi oʻrtacha iqtibos chastotasi esa 7,3 ni tashkil qiladi.

Scopus bazasida maqolalari nashr etilgan professor-oʻqituvchilar soni 1335 nafarni tashkil qilib, shundan 91 nafari h-indeksi 5 va undan yuqori boʻlgan olimlardir (jami chop etgan oʻqituvchilar ichidagi ulushi — 6,8%).

Talabalar yutuqlari

2025–2026–oʻquv yilida universitetning 1 nafar magistranti biznes va boshqaruv yoʻnalishi boʻyicha Prezident stipendiyasi, 1 nafar talaba Oʻzbekiston Respublikasi Prezidenti stipendiyasi, 1 nafar talaba Islom Karimov nomidagi davlat stipendiyasi, 1 nafar talaba Abu Rayhon Beruniy nomidagi davlat stipendiyasi, 21 nafar talaba Alisher Navoiy nomidagi davlat stipendiyasi hamda 1 nafar talaba Prezident granti sohibi boʻlgan.

Shu oʻquv yilida 101 nafar talaba xalqaro olimpiadalarda, 47 nafari respublika fan olimpiadalari va tanlovlarida, 95 nafari esa universitet olimpiadalari hamda tanlovlarida gʻolib boʻlgan.

Innovatsiya va tadqiqot infratuzilmasi

Universitet huzuridagi „Digital Finance“ akseleratsiya markazida talabalar va yosh tadqiqotchilar ishtirokida 58 ta startap loyiha shakllantirilib, 750 dan ortiq ishtirokchi jalb etildi. Eng istiqbolli loyihalarni rivojlantirish uchun 1,2 mlrd soʻm miqdorida moliyaviy mablagʻlar ajratilgan.

Universitetda „Eksperimental Iqtisodiyot“ laboratoriyasi faoliyat yuritadi. Laboratoriyada Moodyʻs Analytics tashkiloti bilan hamkorlik doirasida ORBiS moliyaviy maʼlumotlar bazasiga toʻliq kirish taʼminlangan boʻlib, 600 milliondan ortiq tashkilotning moliyaviy, egalik va yuridik maʼlumotlarini olish imkoniyati mavjud. Bazadagi taxminan 400 million tashkilot faol statusga ega boʻlib, bu empirik tadqiqotlar uchun keng qamrovli va ishonchli maʼlumotlar manbai hisoblanadi.

Ijtimoiy hayoti

Klublar faoliyati

Universitetda 2022-yildan buyon turli yoʻnalishdagi klublar faoliyati yoʻlga qoʻyilgan. Hozirgi kunda ularning umumiy soni 22 tani tashkil etmoqda:

  • Sport club
  • Art club
  • Zakovat klubi[50]
  • Tomchi volontyorlar harakati
  • Tsue Wiki Club[51]
  • Networking community
  • Debate club
  • Travel club
  • IT club
  • Book club
  • Iqtisodchi yulduzlar klubi[52]
  • Studentsʼ Union
  • Handmade club
  • Iqtisodchilar klubi
  • Running club
  • Speaking club
  • Eco club
  • International club
  • Kibersport klubi
  • Mushoira klubi
  • Ijodkor klubi
  • TDIU Rekordlar kitobi[53]

Xalqaro hamkorlik

Xalqaro shartnomalar va memorandumlar

Toshkent davlat iqtisodiyot universiteti 200 dan ortiq xorij oliy taʼlim muassasalari bilan ikki va koʻp tomonlama xalqaro shartnomalar, oʻzaro anglashuv memorandumlari hamda kelishuv xatlari imzolagan. Shartnomalar asosan xalqaro reytinglarning TOP-1000 taligi roʻyxatiga kiruvchi universitetlar bilan tuzilgan.

Hamkorlik oʻrnatilgan universitetlar qatoriga AQShning MIT universiteti (QS-2), Italiyaning Sapienza universiteti (QS-128), Xitoyning Uhan universiteti (QS-186) va Shanxay universiteti (QS-465), Yaponiyaning Tsukuba universiteti (QS-350), Malayziyaning Mara texnologiya universiteti (QS-542), Indoneziyaning Padjajaran universiteti (QS-515), Ruminiyaning Buxarest Iqtisodiy tadqiqotlar universiteti (QS-351–400), AQShning Kent davlat universiteti (THE-801–1000) kiradi.

Shartnoma va memorandumlar qoʻshma taʼlim dasturlarini tashkil etish, investitsiya mablagʻlarini jalb etish, ilmiy-amaliy markazlar tashkil etish, professor-oʻqituvchilarni malaka oshirish va stajirovakalarga yuborish hamda talabalar akademik almashinuvi yoʻnalishlarini qamrab olgan.

Xorijiy professor-oʻqituvchilar

2025-yilda universitetning oʻquv jarayoniga jami 152 nafar xorijiy professor-oʻqituvchi jalb qilingan: shundan 129 nafari yetakchi xorijiy oliy taʼlim muassasalari pedagog xodimlari va mutaxassislari, 23 nafari chet elda faoliyat yuritayotgan vatandoshlar (onlayn va oflayn tarzda). Jalb etilgan xorijiy pedagoglar orasida Buyuk Britaniyaning University College London (QS-9), Shvetsiyaning Lund universiteti (QS-72), Xitoyning Uhan universiteti (QS-186), Yaponiyaning Tsukuba universiteti (QS-350) va Malayziyaning Universiti Utara Malaysia (QS-441) kabi universitetlarning vakillari bor.

Xorijiy talabalar

2025/2026-oʻquv yilida universitetda bakalavriatura, magistratura va doktorantura bosqichlarida 610 nafar xorijlik talaba tahsil oladi. Bu koʻrsatkich oldingi yilga nisbatan 56 foizga oshgan.

Xorijiy talabalar 15 ta davlatni qamrab olgan: Afgʻoniston, Belarus, Germaniya, Hindiston, Falastin, Ozarbayjon, Qirgʻiziston, Qozogʻiston, Rossiya, Tojikiston, Turkiya, Turkmaniston, Indoneziya, Ukraina va Xitoy.

2025-yilda TDIU va Tojikiston huquq, biznes va siyosat universiteti oʻrtasidagi qoʻshma taʼlim dasturi orqali 124 nafar tojikistonlik talaba qabul qilingan (oʻsish — 7,8 foiz). Xitoydan 51 nafar (oʻsish — 142 foiz), Ozarbayjondan esa Boku shahrida oʻtkazilgan xalqaro taʼlim koʻrgazmasida universitetning ishtiroki natijasida 51 nafar talaba qabul qilingan. Universitetning 100 nafardan ortiq xorijiy talabalariga talabalat turar joylaridan joy ajratilgan.

Talabalar almashinuvi

2025-yilda 150 nafarga yaqin talaba xorijiy oliy taʼlim muassasalariga oʻqishga yuborilgan: shundan 98 nafari akademik almashinuv dasturlari doirasida bir semestr davomida (oldingi yilga nisbatan 2,7 barobarga koʻp), 43 nafari qisqa muddatli almashinuv dasturlarida ishtirok etgan.

Talabalar yuborilgan universitetlar qatoriga Xitoyning Pekin universiteti (QS-14) va Uhan universiteti (QS-186), Malayziyaning Malaya universiteti (QS-58), Italiyaning Rim Sapienza universiteti (QS-128), Slovakiyaning Bratislava Komeniy universiteti (QS-650–700), Koreyaning Kemyung (QS-1001) va Kyungdong universitetlari kiradi.

Talabalar Yevropa Ittifoqining Erasmus dasturi, Slovakiyaning milliy stipendiya dasturi, Koreya Respublikasining Global Koreya stipendiyalari dasturi, Germaniyaning Saksoniya oliy taʼlim muassasalari ittifoqi taʼlim grantlari va Avstriyaning Krems universiteti bilan tuzilgan kelishuvlar asosida yuborilgan.

Oʻz navbatida, 2025-yilda TDIU xorijiy universitetlardan 100 nafardan ortiq talabani almashinuv dasturlari va „yozgi va qishki maktablar“ loyihalari doirasida qabul qilgan. Qabul qilingan talabalar Tojikiston, Qirgʻiziston, Belarus, Xitoy va Indoneziya kabi davlatlardan kelgan.

Professor-oʻqituvchilarni malaka oshirish

2025-yilda 210 nafar professor-oʻqituvchi AQSh, Xitoy, Shvetsiya, Chexiya, Koreya, Turkiya, Germaniya va Malayziya oliy taʼlim muassasalariga malaka oshirish va stajirovakalarga yuborilgan. Bu koʻrsatkich universitetning asosiy shtatidagi professor-oʻqituvchilar soniga nisbatan 15,8 foizni tashkil etgan (Oʻzbekiston Respublikasi oliy taʼlimini 2030-yilgacha rivojlantirish kontseptsiyasida belgilangan maqsadli koʻrsatkich — 15 foiz). 2025-yilda ushbu koʻrsatkich oldingi yilga nisbatan 40 foizga oshgan.

Stajirovka va malaka oshirish dasturlarida ishtiroki uchun yuborilgan universitetlar qatoriga Shvetsiyaning Lund universiteti (QS-72), Estoniyaning Tartu universiteti (QS-362), Rossiyaning Buyuk Pyotr nomidagi Sankt-Peterburg politexnika universiteti (QS-609), Koreyaning Gachon universiteti (QS-701), Ispaniyaning Rovira va Virjili universiteti (QS-770), AQShning Vayoming universiteti (THE-801) va Chexiyadagi Yevropa amaliy fanlar va menejment instituti kiradi.

Hamkorlik markazlari

Malayziyaning Mara texnologiya universiteti bilan imzolangan kelishuv asosida TDIUda Inklyuziv taʼlim markazi tashkil etildi. Markazning uslubiy taʼminoti xorijiy oliy taʼlim muassasasi tomonidan amalga oshirilgan. 2025-yilda 10 nafar professor-oʻqituvchiga trenerlik sertifikati berildi. Malayziyadagi xalqaro inklyuziv taʼlim forumida TDIU professor-oʻqituvchisi tomonidan tayyorlangan „Uygʻun taʼlim“ ijtimoiy-iqtisodiy infratuzilmasi loyihasi 50 dan ziyod loyiha ichida ikki nominatsiyada oltin va kumush sovrinlarni qoʻlga kiritgan.

Germaniyaning Anhal amaliy fanlar universiteti bilan tuzilgan memorandum asosida TDIUda „Yashil iqtisodiyot markazi“ faoliyati yoʻlga qoʻyilgan. Markazda yashil iqtisodiyot loyihalarini amalga oshirish uchun xorijiy universitetning professor-oʻqituvchisi ekspert sifatida jalb qilingan.

Oʻzbekiston Respublikasi Oliy taʼlim, fan va innovatsiyalar vazirligi orqali Polshaning Gdansk universiteti bilan hamkorlikda polyak tili boʻyicha mutaxassis jalb etilgan.

Rektorlari

1931—1962-yillar: Oʻrta Osiyo moliya-iqtisod instituti/
Toshkent moliya-iqtisodiyot instituti
№ Rektorning ismi familiyasi Faoliyat yillari
1 Holiqov I. U. 1931—1934-yillar
2 Seyduzov S. S. 1934—1938-yillar
3 Sirixov K. A. 1938—1940-yillar
4 Popov M. G. 1940—1943-yillar
5 Vlasenko 1943—1945-yillar
6 Karakozov E. A. 1945—1947-yillar
7 Tursunov M. T. 1947—1952-yillar
8 Qoriyev M. M. 1952—1974-yillar
1962—1991-yillar: Toshkent xalq xoʻjaligi instituti
№ Rektorning ismi familiyasi Faoliyat yillari
8 Qoriyev M. M. 1952—1974-yillar
9 Iskandarov I. I. 1974—1976-yillar
10 Sharifxoʻjaev M.Sh. 1976—1986-yillar
11 Zoidov M. A. 1986—1988-yillar
12 Gʻulomov S. S. 1988—1998-yillar
1991-yildan hozirgacha: Toshkent davlat iqtisodiyot universiteti
№ Rektorning ismi familiyasi Faoliyat yillari
12 Gʻulomov S. S. 1988—1998-yillar
13 Alimov R. H. 1998—2004-yillar
14 Gʻulomov S. S. 2004—2006-yillar
15 Xodiyev B.Yu. 2006—2010-yillar
16 Jumayev N. X. 2010—2012-yillar
17 Vahabov A. V. 2012—2014-yillar
18 Usmanov B. B. 2014—2015-yillar
19 Boltabayev M. R. 2015—2016-yillar
20 Xodiyev B.Yu. 2016—2019-yillar
21 Sharipov K. A. 2019—2024-yillar
22 Teshabayev T. Z. 2024-yildan hozirgacha

Mashhur bitiruvchilari

Gallereya

  • Toshkent davlat iqtisodiyot universiteti hududidan kadrlar:

Manbalar

  1. ↑ „"Narxoz", Moliya va Fiskal oliygohlari birlashtirildi - talabalar qayerga ko'chadi?“. www.youtube.com. Qaraldi: 26-mart 2024-yil.
  2. ↑ „Toshkent davlat iqtisodiyot universiteti haqida“. Qaraldi: 2026-yil 26-iyun.
  3. ↑ „Toshkent davlat iqtisodiyot universiteti qayta tashkil etildi. Unga Toshkent moliya hamda Fiskal institutlari qo‘shildi“ (9-fevral). Qaraldi: 2026-yil 24-iyun.
  4. ↑ tarkibiga-otkazildi „Moliya va Fiskal institutlari «Narxoz» tarkibiga o‘tkazildi“ (2024-yil 8-fevral). Qaraldi: 2026-yil 24-iyun.
  5. ↑ „О ташкентском государственном экономическом университете“ (ru). Tsue.uz.
  6. ↑ Oʻzbekiston Respublikasi Vazirlar Mahkamasining 2019-yil 28-maydagi „Toshkent davlat iqtisodiyot universitetining Samarqand filialini tashkil etish toʻgʻrisida“ 438-son qarori
  7. ↑ Toshkent davlat iqtisodiyot universitetida magistratura tashkil qilinishi [1]
  8. ↑ „Oʻzbekiston Respublikasi Prezidentining 07.02.2024 yildagi PQ-62-son qarori“.
  9. ↑ „Oʻzbekistondagi uchta OTM bitta universitetga birlashtiriladi“.
  10. ↑ „Toshkent davlat iqtisodiyot universiteti bakalavriat taʼlim yo'nalishlari hamda magistratura mutaxassisliklarida 2025/2026 o'quv yili uchun qayta taqsimotga ko'ra ajratiladigan taʼlim grantlari tasdiqlandi“ (2025-yil 4-aprel).
  11. ↑ „Toshkent davlat iqtisodiyot universiteti London universiteti bilan qo'shma dasturni yo'lga qo'ydi“. Kun.uz (2021-yil 15-mart). Qaraldi: 2026-yil 21-iyun.
  12. ↑ „Tashkent State University of Economics — University of London Teaching Centre“. University of London. Qaraldi: 2026-yil 21-iyun.
  13. ↑ „TDIU va IMC Krems amaliy fanlar universiteti qo'shma ta'lim dasturi“. TDIU rasmiy sayti. Qaraldi: 2026-yil 21-iyun.
  14. ↑ „IMC University of Applied Sciences Krems — Rankings“. QS Top Universities. Qaraldi: 2026-yil 21-iyun.
  15. ↑ „TDIU xalqaro qo'shma ta'lim dasturlari ro'yxati“. O'zbekiston Davlat Qabul Komissiyasi. Qaraldi: 2026-yil 21-iyun.
  16. ↑ „Prague University of Economics and Business — Rankings“. QS Top Universities. Qaraldi: 2026-yil 21-iyun.
  17. ↑ „Indoneziya ta'lim universiteti va TDIU o'rtasida qo'shma ta'lim dasturi“. TDIU rasmiy sayti. Qaraldi: 2026-yil 21-iyun.
  18. ↑ „Universitas Pendidikan Indonesia — Rankings“. QS Top Universities. Qaraldi: 2026-yil 21-iyun.
  19. ↑ „TDIU va Ural davlat iqtisodiyot universiteti qo'shma ta'lim dasturi“. O'zbekiston Davlat Qabul Komissiyasi. Qaraldi: 2026-yil 21-iyun.
  20. ↑ „Ural State University of Economics — Rankings“. QS Top Universities. Qaraldi: 2026-yil 21-iyun.
  21. ↑ „TDIU xalqaro qo'shma ta'lim dasturlari ro'yxati“. O'zbekiston Davlat Qabul Komissiyasi. Qaraldi: 2026-yil 21-iyun.
  22. ↑ „Belarusian State University — Rankings“. QS Top Universities. Qaraldi: 2026-yil 21-iyun.
  23. ↑ „TDIU xalqaro qo'shma ta'lim dasturlari ro'yxati“. O'zbekiston Davlat Qabul Komissiyasi. Qaraldi: 2026-yil 21-iyun.
  24. ↑ „Kyrgyz Economic University named after M. Ryskulbekov — Rankings“. QS Top Universities. Qaraldi: 2026-yil 21-iyun.
  25. ↑ „TDIU xalqaro qo'shma ta'lim dasturlari ro'yxati“. O'zbekiston Davlat Qabul Komissiyasi. Qaraldi: 2026-yil 21-iyun.
  26. ↑ „Tajik State University of Law, Business and Politics — Rankings“. QS Top Universities. Qaraldi: 2026-yil 21-iyun.
  27. ↑ „TDIU va Padjadjaran universiteti o'rtasida hamkorlik memorandumi imzolandi“. TDIU rasmiy sayti. Qaraldi: 2026-yil 21-iyun.
  28. ↑ „Universitas Padjadjaran — Rankings“. QS Top Universities. Qaraldi: 2026-yil 21-iyun.
  29. ↑ „Transformatsiyalashuv va innovatsion yondashuv xalqaro e'tirof va muvaffaqiyatga yo'l ochmoqda“. Yuz.uz (2023-yil 2-dekabr). Qaraldi: 2026-yil 21-iyun.
  30. ↑ „Financial University under the Government of the Russian Federation — Rankings“. QS Top Universities. Qaraldi: 2026-yil 21-iyun.
  31. ↑ „Transformatsiyalashuv va innovatsion yondashuv xalqaro e'tirof va muvaffaqiyatga yo'l ochmoqda“. Yuz.uz (2023-yil 2-dekabr). Qaraldi: 2026-yil 21-iyun.
  32. ↑ „National Research Nuclear University MEPhI — Rankings“. QS Top Universities. Qaraldi: 2026-yil 21-iyun.
  33. ↑ „World Economy and International Economic Relations — TDIU va Wuhan University hamkorligi“. TDIU rasmiy sayti. Qaraldi: 2026-yil 21-iyun.
  34. ↑ „Wuhan University — Rankings“. QS Top Universities. Qaraldi: 2026-yil 21-iyun.
  35. ↑ „Universitet vakillari Ozarbayjon davlat iqtisodiyot universiteti faoliyati bilan tanishmoqda“. TDIU rasmiy sayti. Qaraldi: 2026-yil 21-iyun.
  36. ↑ „Azerbaijan State University of Economics — Rankings“. QS Top Universities. Qaraldi: 2026-yil 21-iyun.
  37. ↑ „TDIU xalqaro qo'shma ta'lim dasturlari ro'yxati“. O'zbekiston Davlat Qabul Komissiyasi. Qaraldi: 2026-yil 21-iyun.
  38. ↑ „All-Russian Academy of Foreign Trade — Rankings“. QS Top Universities. Qaraldi: 2026-yil 21-iyun.
  39. ↑ „TDIU qo'shma ta'lim dasturi — ikki diplom imkoniyati“. Kun.uz (2021-yil 3-avgust). Qaraldi: 2026-yil 21-iyun.
  40. ↑ „Toshkent Davlat Iqtisodiyot Universiteti - O'zbekistondagi ilk 5 yulduzli oliy ta'lim muassasasiga aylandi“. Kun.uz (2023-yil 27-avgust). Qaraldi: 2026-yil 21-iyun.
  41. ↑ „Tashkent State University of Economics“. QS Top Universities. Qaraldi: 2026-yil 21-iyun.
  42. ↑ „Tashkent State University of Economics“. QS Top Universities. Qaraldi: 2026-yil 21-iyun.
  43. ↑ „QS Asia University Rankings 2026“. PR Newswire (2025-yil 4-noyabr). Qaraldi: 2026-yil 21-iyun.
  44. ↑ „Toshkent davlat iqtisodiyot universiteti xalqaro reytinglarda koʻrsatgan natijalari eʼtirof etildi“. Gov.uz (2025-yil 8-iyul). Qaraldi: 2026-yil 21-iyun.
  45. ↑ „8 rankings of Tashkent State University of Economics 2026“. University Guru. Qaraldi: 2026-yil 21-iyun.
  46. ↑ „Sustainability Impact Ratings 2026: results announced“. Times Higher Education (2026-yil 24-iyun). Qaraldi: 2026-yil 25-iyun.
  47. ↑ „Tashkent State University of Economics – UI GreenMetric“. UI GreenMetric. Qaraldi: 2026-yil 25-iyun.
  48. ↑ „Ranking Web of Universities – Asia“. Webometrics. Qaraldi: 2026-yil 21-iyun.
  49. ↑ „Tashkent State University of Economics – Rankings“. QS Top Universities. Qaraldi: 2026-yil 21-iyun.
  50. ↑ „TDIU Zakovat Klubi tomonidan super yangilik“ (2023-yil 23-fevral). Qaraldi: 2026-yil 20-iyun.
  51. ↑ „TDIUda "WikiClub" o'z faoliyatini boshladi“. TDIU rasmiy sayti (2024-yil 2-aprel).
  52. ↑ „TDIU "Iqtisodchi yulduzlar" klubi tomonidan 8-mart konsert dasturi tashkil etiladi“ (2024-yil 5-mart).
  53. ↑ „TDIU “Rekordlar kitobi" loyiha jamoasi tomonidan navbatdagi musobaqa oʻyinlari tashkil etildi“ (2024-yil 14-aprel).
  54. ↑ „САИДОВ Бахтиер Одилович | TsentrAziya“. centrasia.org. Qaraldi: 2021-yil 18-noyabr.
  55. ↑ https://centrasia.org/person2.php?st=1013880384
  56. ↑ „Nazarov Vosiljon Shuhratovich“. 2024-yil 29-mayda asl nusxadan arxivlangan. Qaraldi: 30-may 2024-yil.
  57. ↑ „DMITRIY SHOKIN“. 2018-yil 23-avgustda asl nusxadan arxivlangan. Qaraldi: 2026-yil 22-iyun.
  58. ↑ „Toshkent davlat iqtisodiyot universitetida "Talabalar ligasi" sport musobaqalarining ochilish marosimi bo'lib o'tdi“ (2024-yil 27-sentyabr). Qaraldi: 2026-yil 22-iyun.e
  59. ↑ „ГЕВОРГЯН ИРИНА МУРАДОВНА“. OOO "SEHRLI SHAHMAT" veb-sayti. 2023-yil 3-oktyabrda asl nusxadan arxivlangan. Qaraldi: 2023-yil 26-avgust.
  60. ↑ „KARIMOV BAXTIYOR RAHMANOVICH (Falsafa fanlari doktori, professor)“. Qaraldi: 2026-yil 22-iyun.
  61. ↑ Oʻzbekistonning taniqli olimlari ensiklopediyasi, 2-tom (oʻzbekcha), Toshkent: Science and Innovation, 2023 — 383-bet. 
  62. ↑ „Saidahmedova Nodira“.

Havolalar

"https://ziyosfera.uz/index.php?title=Toshkent_davlat_iqtisodiyot_universiteti&oldid=826341" dan olindi