Jizzax aviatsiya oliy harbiy bilim yurti

O‘zbekiston Respublikasi oliy harbiy aviatsiya bilim yurti

Turi	bilim yurti
Asos solingan sanasi	1994
Veb-sayti	https://airforce.uz/

O‘zbekiston Respublikasi oliy harbiy aviatsiya bilim yurti — O‘zbekiston Respublikasi Qurolli Kuchlariga harbiy uchuvchi va aviatsiya muhandislik mutaxassislarini tayyorlovchi oliy harbiy oʻquv yurti.

Bilim yurti dastlab O‘zbekiston Respublikasi Vazirlar Mahkamasining 1994-yil 20-iyundagi 310-41-sonli qaroriga binoan Jizzax shahrida tashkil etilgan. O‘quv yurtida oliy harbiy maxsus maʼlumotga ega ofitserlar tayyorlash, O‘zbekiston Respublikasi Harbiy havo kuchlari|harbiy havo kuchlarining uchuvchi va aviatsiya muhandis tarkibini qayta tayyorlash hamda malakasini oshirish, shuningdek, harbiy-ilmiy ishlar olib boriladi.

Bilim yurtida samolyot va vertolyotlarning uchuvchi-muhandisi, shaxsiy tarkib bilan ishlash ofitseri, shturman va jangovar boshqaruv ofitseri, samolyot hamda vertolyot dvigatellari texnigi, aviatsiya, radioelektron jihozlar va aviatsiya qurollari texnigi ixtisosliklari boʻyicha ofitserlar tayyorlanadi.

Kursantlarning taʼlim jarayoni nazariy va uchish tayyorgarliklaridan iborat boʻlib, ular bosqichma-bosqich amalga oshiriladi. Uchish tayyorgarliklari — uchuvchi-instruktorlar bilan nazorat parvozlarini bajarish va mustaqil parvozlardan iborat boʻlib, umumiy parvoz vaqti 180 soatni tashkil etadi.

Tarix

Bilim yurti O‘zbekiston mustaqilligi|mustaqillikning dastlabki yillarida milliy aviatsiya kadrlarini tayyorlash maqsadida tashkil etilgan. 1995-yilda dargohga O‘zbekiston Respublikasi Birinchi Prezidenti tomonidan Jangovar bayroq tantanali ravishda topshirilgan.

O‘zbekiston Respublikasi Prezidentining 2018-yil 18-yanvardagi qaroriga muvofiq, Jizzax oliy harbiy aviatsiya bilim yurti Qarshi shahriga koʻchirildi va unga nomi „O‘zbekiston Respublikasi oliy harbiy aviatsiya bilim yurti“ deb qayta berildi.