Chirchiq davlat pedagogika universiteti
Toshkent viloyati Chirchiq davlat pedagogika universiteti | |
 | |
Xalqaro nomi |
Chirchik state pedagogical university |
|---|---|
| Turi | universitet |
| Asos solingan sanasi | 2017-yil |
| Rektori | Gʻofurjon Muhamedov[1] |
| Fakultetlar | 10ta |
| Bakalavriat | 4 yil |
| Magistratura | 2 yil |
| Aspirantura | 3 yil |
| Doktorantura | 3 yil |
| Joylashuvi |
, Oʻzbekiston |
| Veb-sayti | cspu.uz |
Chirchiq davlat pedagogika universiteti (ChDPU) – Toshkent viloyati Chirchiq shahrida joylashgan, pedagogika yoʻnalishi boʻyicha taʼlim beruvchi universitet.
Tarixi
Oʻzbekiston Prezidentining 2017-yil 27-iyuldagi qaroriga asosan, oliy maʼumotli pedagog kadrlar tayyorlash tizimini joylarda tashkil etishni yanada takomillashtirish va taʼlim sifatini yaxshilash maqsadida tashkil etilgan.
Faoliyati
Taʼlim jarayoni Oʻzbekiston hukumati tomonidan belgilangan ikki turda tashkil etilgan: universitetda oʻqishning birinchi turi kontrakt asosida boʻlishi belgilangan. Barcha oʻquv yigʻimlari Oʻzbekiston hukumati standartlari bilan belgilangan boʻlib, universitetda shartnoma asosida tahsil olayotgan har bir talaba toʻlov-shartnomani oʻz vaqtida toʻlashi lozim. Chirchiq davlat pedagogika universitetida oʻqishning ikkinchi turi grant asosida boʻlishi belgilangan. ChDPUda oʻqish muddati bakalavr darajasini olish uchun 4 yil, magistratura uchun 2 yil etib belgilangan. Oʻquv dasturlari va darsliklar talabalar uchun Oʻzbekiston Respublikasi oliy taʼlim standartlariga asosan ishlab chiqilgan boʻlib, oʻquv jarayoni Oʻzbekiston Respublikasi Oliy va oʻrta maxsus taʼlim vazirligi tomonidan nazorat qilinadi. Universitetning administrativ qismi Oʻzbekistonning boshqa milliy universitet va institutlari bilan bir xil. Universitet rahbari rektor hisoblanib, universitetda 4ta prorektor faoliyat koʻrsatadi. Barcha fakultetlar dekanlar tomonidan, kafedralar esa mos ravishda professor-oʻqituvchilar tomonidan nazorat qilinadi.
Fakultetlari
Universitet quyidagi 10ta fakultetdan tashkil topgan:
- Aniq fanlar fakulteti
- Tabiiy fanlar fakulteti
- Gumanitar fanlar fakulteti
- Pedagogika fakulteti
- Maktabgacha taʼlim fakulteti
- Boshlangʻich taʼlim fakulteti
- Turizm fakulteti
- Sport va chaqiriqqacha harbiy taʼlim fakulteti
- Sanʼatshunoslik fakulteti
Sport jamoalari
ChDPUda mini-futbol bo‘yicha Oliy va o‘rta maxsus ta’lim vaziri kubogi musobaqalari o‘tkazilgan. Universitet terma jamoasi voleybol (erkaklar va ayollar), stritbol (erkaklar va ayollar), futbol va stol tennisi sport turlarida muvaffaqiyatli ishtirok etishgan[2].
ChDPUning „Chirchiq pedagog“ jamoasi futbol boʻyicha 2025-yilgi Coca-Cola Students Cup musobaqasida 3-oʻrinni egallagan[3][4].
Yana qarang
Manbalar
- ↑ „Chirchiq davlat pedagogika institutiga rektor tayinlandi“. https://kun.uz. Kun.uz. Qaraldi: 2024-yil 26-mart.
- ↑ „Universitet terma jamoasi “Besh tashabbus olimpiadasi”ning respublika bosqichiga yo‘l olishdi!“.
- ↑ 🔴 Coca-Cola Students Cup. 3-oʻrin uchun bahs
- ↑ 🔴 Coca-Cola Students Cup. Stars International university jamoasi musobaqa gʻolibi!
Havolalar
- Chirchiq davlat pedagogika universiteti Telegram sahifasi
- Chirchiq davlat pedagogika universiteti Instagram sahifasi
- Chirchiq davlat pedagogika universiteti Facebook sahifasi
- Rasmiy sayti (Wayback Machine saytida 2024-03-25 sanasida arxivlangan)
 |
Vikiomborda „Toshkent viloyati Chirchiq davlat pedagogika universiteti“ mavzusi boʻyicha mediafayllar bor. |