Andijon qishloq xoʻjaligi va agrotexnologiyalar instituti
Аndijon paxtachilik instituti | |
|
Tasvir yaratishda xatolik: Andijon qishloq xoʻjaligi va agrotexnologiyalar instituti qish faslida | |
Xalqaro nomi |
Andijan Institute of Agriculture and Agrotechnologies |
|---|---|
| Turi | institut |
| Asos solingan sanasi | 1964-yil |
| Rektori | Komilov Komiljon Sobirovich |
| Fakultetlar | 5 |
| Veb-sayti | andqxai.uz |
Andijon qishloq xoʻjaligi va agrotexnologiyalar instituti — Andijon viloyati Andijon tumanida joylashgan institut hisoblanadi. Institut 1964-yil iyun oyida Toshkent irrigatsiya va qishloq xoʻjaligini mexanizatsiyalash injenerlari institutining Andijon filiali bazasida Andijon paxtachilik instituti nomi bilan tashkil etilgan. Institut tuzilmasida 5 ta fakultet, 21 ta kafedra, magistratura va maxsus-sirtqi boʻlimlari, axborot-resurs markazi hamda akademik litsey mavjud.
Tarixi
Andijon qishloq xoʻjaligi va agrotexnologiyalar instituti 1964-yil Toshkent davlat agrar universiteti negizida Andijon paxtachilik instituti nomi bilan tashkil etilgan edi[1].
1992-yil Oʻzbekiston Respublikasi Birinchi Prezidenti I. A. Karimovning 1992-yil 15-martdagi farmoniga asosan Andijon paxtachilik instituti negizida Andijon qishloq xoʻjalik instituti tashkil etildi.
2018-yil — Oʻzbekiston Respublikasi Prezidenti Shavkat Mirziyoevning 2018-yil 8-maydagi „Toshkent davlat agrar universitetida oliy maʼlumotli kadrlar tayyorlash tizimini tubdan takomillashtirish chora-tadbirlari toʻgʻrisida“gi PQ-3704-son qarori asosida Andijon qishloq xoʻjalik instituti negizida Toshkent davlat agrar universiteti Andijon filiali tashkil etildi.
2020-yil — Shavkat Mirziyoevning 2020-yildagi PQ-4795-son qarori asosida Toshkent davlat agrar universiteti Andijon filiali negizida Andijon qishloq xoʻjaligi va agrotexnologiyalar instituti tashkil etildi[2].
Oʻquv faoliyati
Institut tuzilmasida 5 ta fakultet, 21 ta kafedra, magistratura va maxsus-sirtqi boʻlimlari, axborot-resurs markazi hamda akademik litsey mavjud.
Fakultetlar:
- Qishloq xoʻjaligi mahsulotlarini saqlash va qayta ishlash fakulteti
- Oʻsimliklar himoyasi va agrokimyo fakulteti
- Agrobiznes va raqamli iqtisodiyot fakulteti
- Agrobiologiya fakulteti
- Agroinjeneriya va Gedromelioratsiya fakultetiti
Oʻqish muddati:
Bakalavriatura: kunduzgi — 4 yil, sirtqi — 5 yil, maxsus sirtqi — 3 yil
Magistratura — 2 yil;
Fan va tadqiqotlar: Ilmiy yoʻnalishlar va olimlar
Andijon qishloq xoʻjaligi va agrotexnologiyalar institutining xodimi Abdullayev Orifjon Odiljon oʻgʻli Qozogʻiston Respublikasida boʻlib oʻtgan „Turk dunyosining eng yaxshi oʻqituvchilari“ xalqaro tanlovida gʻolib boʻldi[3].
Manbalar
- ↑ „Taʼlim muassasasi 1964-yil iyun oyida tashkil etilgan“. 2023-yil 5-iyunda asl nusxadan arxivlangan. Qaraldi: 2023-yil 5-iyun.
- ↑ „Andijon qishloq xo‘jaligi va agrotexnologiyalar instituti tashkil etiladi“.
- ↑ „Andijon qishloq xoʻjaligi va agrotexnologiyalar institutining yosh xodimi “Turk dunyosining eng yaxshi oʻqituvchilari” xalqaro tanlovida gʻolib qoʻlga boʻldi“. 2023-yil 5-iyunda asl nusxadan arxivlangan. Qaraldi: 2023-yil 5-iyun.
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |