Shahzoda Mehmed Nizomiddin
| Shahzoda Mehmed Nizomiddin | |||||||||
|---|---|---|---|---|---|---|---|---|---|
 | |||||||||
| Tugʻilishi |
18-dekabr 1908-yil Beshiktosh saroyi, Konstantinopol, Usmoniylar imperiyasi (hozirgi Istanbul, Turkiya) | ||||||||
| Vafoti |
19-mart 1933-yil (24 yoshda) Lokarno, Shveysariya | ||||||||
| Dafn etilgan joy | |||||||||
| |||||||||
| Sulola | Usmoniylar | ||||||||
| Otasi | Shahzoda Yusuf Izzeddin | ||||||||
| Onasi | Leman xonim | ||||||||
| Dini | Islom, sunniylik | ||||||||
| |||||||||
Shahzoda Mehmed Nizomiddin afandi (usmonli turkcha: شهزادہ محمد نظام الدین; 1908-yil 18-dekabrda tugʻilgan — 1933-yil 19-martda vafot etgan) — Usmoniylar shahzodasi, shahzoda Yusuf Izzeddinning oʻgʻli, sulton Abdulazizning nabirasi.
Hayoti
Shahzoda Mehmed Nizomiddin 1908-yil 18-dekabrda Beshiktosh saroyida tugʻilgan. Uning otasi Usmoniylar imperiyasi sultoni Abdulaziz va uning rafiqasi Dürrinev Kadınning oʻgʻli Shahzoda Yusuf Izzeddin boʻlgan. Onasi cherkas millatiga mansub Leman xonim edi[1][2]. Nizomiddinning oʻzidan ikki yosh katta Hadicha Shukriya Sulton[3] ismli opasi va yetti yosh kichik Mehrishoh Sulton[4] ismli singlisi boʻlgan[5]. U Izzeddining uchinchi farzandi va ikkinchi oʻgʻli, Leman xonimning esa ikkinchi farzandi edi[6].
Otasi 1916-yilda oʻz joniga qasd qilgach, Nizomiddin onasi va opa-singlisi bilan birga sulton Mehmed V dan marhum otasining mulkini taqsimlab berishni soʻrab yurgan paytda toʻrt oy davomida Dolmabahçe saroyida mehmon sifatida yashagan[7]. U shahzodalar maktabida taʼlim olgan[1]. 1918-yilga kelib Nizomiddin Usmoniylar armiyasida ikkinchi bosh shtab tarkibidagi piyoda qismida serjant boʻlib xizmat qilgan[8].
1924-yil mart oyida Usmoniylar oilasi surgun qilingach, Nizomiddin va singlisi Mehrishoh Ruminiyaga joylashdi. Surgunda Nizomiddin nosogʻlom hayot kechirib, kasal boʻlib qoldi. Shundan soʻng onasi bir muddat uning yonida turdi. Opasi Shukriya esa singlisi Mehrishohni oʻzi bilan Misrning Qohira shahriga olib ketdi. Nizomiddin ichkilik ichishni boshlagan va sil kasalligiga chalingan edi. Shifokor tavsiyasiga koʻra, Nizomiddin 1931-yilda davolanish uchun Shveysariyaning Lokarno shahriga bordi. Biroq bu paytga kelib uning kasalligi davolab boʻlmaydigan darajaga yetgan edi[9].
Shahzoda Usmon Fuad Shveysariyada uni koʻrishga keldi. Biroq Nizomiddin 1933-yil 19-martda vafot etdi, Usmon Fuad esa uning jasadini Misrning Qohira shahriga olib bordi va oʻsha yerda dafn etdi[4]. 1967-yil 16-avgustda Nizomiddinning jasadi Istanbulning Divanyolu hududida joylashgan ulugʻ bobosi sulton Mahmud II maqbarasiga qayta dafn etildi[1].
Mukofotlari
- Usmoniylar uyi ordeni[8].
Harbiy tayinlovlar
Harbiy unvonlar va armiya lavozimlari
- Usmoniylar armiyasi piyoda qoʻshinlarida serjanti, tax.1918-yil.
Nasabi
| Shahzoda Mehmed Nizomiddin | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Manbalar
- ↑ 1,0 1,1 1,2 Ünlü 2019, s. 24.
- ↑ Ünlü 2019, s. 14.
- ↑ Ünlü 2019, s. 23.
- ↑ 4,0 4,1 Ünlü 2019, s. 25.
- ↑ Ünlü 2019, s. 21.
- ↑ Adra, Jamil. Genealogy of the Imperial Ottoman Family 2005, 2005 — 15-bet.
- ↑ Brookes, Douglas Scott. The Concubine, the Princess, and the Teacher: Voices from the Ottoman Harem. University of Texas Press, 2010 — 229-bet. ISBN 978-0-292-78335-5.
- ↑ 8,0 8,1 Salnâme-i Devlet-i Âliyye-i Osmanîyye, 1333–1334 Sene-i Maliye, 68. Sene. Hilal Matbaası, 1918 — 68–69-bet.
- ↑ Ünlü 2019, ss. 24–25.
Adabiyotlar
- Ünlü, Hasan (2019). Veliahd Yusuf İzzeddin Efendi (1857–1916) (Thesis). Mimar Sinan Tasviriy san’at universiteti Ijtimoiy fanlar instituti.