Sarıca posho masjidi
| Masjid | |
Sarıca posho masjidi
| |
 | |
Saricha posho masjidi (turkcha: Sarıca Paşa Camii) yoki Saruca posho masjidi — Usmoniylar sultoni Murod II va Mehmed Fotih hukmronligi davrida vazir lavozimida xizmat qilgan Sarica posho tomonidan XV asrda qurilgan masjid[1]. Turkiyaning Edirne viloyati markazida joylashgan[2].
Sarica posho masjidi deyarli kvadrat shaklidagi toʻgʻri toʻrtburchak tarh asosida qurilgan. Masjid qurilishida gʻisht, yoʻnilgan tosh va silliq kesma toshdan foydalanilgan[3]. Yon va qibla devorlarida uch juft deraza boʻlib, yuqori qatordagi derazalar rangli oynalar bilan bezatilgan. Masjid qabristonida bosh vazir lavozimida xizmat qilgan Merzifonlu Qora Mustafo posho hamda vazir Malak Ibrohim poshoning qabrlari joylashgan[4].
Edirne viloyat Vaqflar boshqarmasi tomonidan 2016-yilda boshlangan masjidni taʼmirlash ishlari bir yil oʻtib yakunlandi. Masjid 2017-yil 16-iyun kuni juma namozidan soʻng ibodat uchun qayta ochildi. Ochilish marosimida ishtirok etish uchun Merzifondan kelgan Merzifon meri Alp Kargı boshchiligidagi delegatsiya oʻz vatani — Merzifondan olib kelingan tuproqni Usmoniylar bosh vaziri Merzifonli Qora Mustafo poshoning maqbarasi ustiga qoʻygan[5].
Manbalar
 |
Vikiomborda „Sarıca posho masjidi“ mavzusi boʻyicha mediafayllar bor. |
- ↑ „SARUCA PAŞA“ (tr). TDV İslâm Ansiklopedisi. Qaraldi: 2026-yil 31-yanvar.
- ↑ Oktay Aslanapa. Edirne'de Osmanlı Devri Abideleri. Edirne Valiliği Yayınları, 2014.
- ↑ @edirnekultur22 „Sarıca Paşa Camii“ (tr-TR). Sarıca Paşa Camii. Qaraldi: 2024-yil 25-dekabr.
- ↑ „Edirne'deki Sarıca Paşa Camisi'nin restorasyonu tamamlandı“. www.aa.com.tr. 2019-yil 13-iyulda asl nusxadan arxivlangan. Qaraldi: 2024-yil 25-dekabr.
- ↑ Haber7 „Edirne haberleri Kara Mustafa Paşa'nın mezarına memleketinden getirilen toprak döküldü - 16 Haziran 2017“ (tr). Haber7. Qaraldi: 2024-yil 25-dekabr.
