Kontent qismiga oʻtish

Qarshi xalqaro aeroporti

ZiyoSfera, erkin ensiklopediya
Qarshi xalqaro aeroporti
Қарши халқаро аэропорти
Tasvir yaratishda xatolik:
IATA kodi: KSQ – ICAO kodi: UZSK
Qisqacha bayon
Aeroport turi fuqarolik
Egasi Uzbekistan Airports
Operator Qarshi xalqaro aeroporti MChJ
Xizmat doirasi Qarshi
Joylashuvi Qashqadaryo viloyati, Qarshi shahri, Buyuk Turon koʻchasi 3-uy
Dengiz sathidan balandligi 1 230 ft / 375 m
Koordinatalari 38°48′12″N 65°46′24″E / 38.80333°N 65.77333°E / 38.80333; 65.77333
Xarita
KSQ (Oʻzbekiston)
KSQ
joylashuvi
Uchish/qoʻnish yoʻlaklari
Uzunligi Yuzasi
m ft
16/34 2,700 8,860 Beton
Maʼlumotlar (2025)
Yoʻlovchilar soni 176 331[1]
Parvozlar soni 2 138[1]
SkyVector[2]

Qarshi xalqaro aeroporti (IATA: KSQ, ICAO: UZSK) – Qashqadaryo viloyati Qarshi shahri yaqinidagi xalqaro aeroport. 2020-yil 1-avgustdan boshlab „beshinchi havo erkinligi“ huquqini qoʻllagan holda „Ochiq osmon“ rejimi joriy etilgan[3].

Tarixi

Qarshi xalqaro aeroporti MChJ 1994-yil 13-yanvarda alohida yuridik shaxs sifatida Adliya vazirligi roʻyxatidan oʻtkazilgan[4]. 2018-yilgacha Oʻzbekiston havo yoʻllari Milliy aviakompaniyasi tarkibida boʻlgan. 2018-yil Oʻzbekiston Respublikasi Prezidentining 6-fevral kuni imzolagan „Kirish turizmini rivojlantirish chora-tadbirlari“ toʻgʻrisidagi qarorga muvofiq Qarshi aeroporti Oʻzbekiston milliy aviakompaniyasi tarkibidan chiqarilib xalqaro kompaniya boshqaruviga berilishi belgilangan[5], lekin xalqaro kompaniyaga berilmagan.

2018-yil 27-noyabrdagi PF-5584-sonli prezident farmoni bilan Oʻzbekistondagi aeroportlarni boshqarish uchun Uzbekistan Airports kompaniyasi tashkil etildi[6] va Qarshi aeroporti ham yangi kompaniya tarkibiga kiritildi.

2022-yil Qarshi xalqaro aeroporti quvvatini ikki barobar oshirish va yoʻlovchilarga qulayliklar yaratish uchun yangi qurilmalar oʻrnatish maqsadida aeroportda rekonstruksiya ishlari boshlandi[7][8].

Bunda yoʻlovchilar oʻtkazuvchanlik qobiliyatini soatiga 200 dan 400 yoʻlovchigacha va roʻyxatga olish stollari soni 3 tadan 10 tagacha oshiriladi.

Tavsifi

Qarshi aeroporti Oʻzbekiston Respublikasidagi yirik aviatashkilotlardan biri hisoblanib uning asosiy faoliyati quyidagilardan iboratdir:

  • Havo kemalariga yerda xizmat koʻrsatish;
  • Yoʻlovchilarga xizmat koʻrsatish;
  • Yuk xizmat koʻrsatish;
  • Pochta xizmat koʻrsatish.

Qarshi aeroporti Uzbekistan Airports tarkibiga kiradi. Qarshi aeroporti 1 soatda 100 ta aviayoʻlovchilarga xizmat koʻrsatish imkoniyatiga ega. Yongʻin xavfsizligi boʻyicha UTPZ (Yongʻindan himoyalash talablari darajasi) ning 8-darajasiga teng.

Aeroportdan Toshkent, Moskva shahriga muntazam qatnovlar amalga oshiriladi hamda Yevropa va Osiyo mamlakatlariga charter qatnovlari amalga oshiriladi. Yoʻlovchi va yuk tashuvlari yildan yilga oʻsib bormoqda. Axborotlar texnologiyasini rivojlanishi munosabati bilan aeroport tashuvlarni tashkil qilish xizmatida yoʻlovchilarga sifatli xizmat koʻrsatish uchun elektron koʻrinishdagi aviachiptalarni sotish hamda SDCS global tizimida yoʻlovchilarni qayd qilish joriy etildi.

2020-yilda Rossiya Federatsiyasi Sankt-Peterburg shahrining Pulkovo aeroportidan „Ural Airlines“ aviakompaniyasining Airbus 320 rusumli havo kemasida charter aviaqatnovi amalga oshirildi[9].

Shu yilda Qarshi xalqaro aeroporti Boeing 787 orzu (Dreamliner) havo kemasini kutib oldi. Boeing 787 havo kemasi Qarshidan soat 13:00 da 232 yoʻlovchi bilan Vyetnam poytaxti Xanoy shahriga uchib ketdi[10].

2022-yil 1-noyabrdan 25-dekabrga qadar Oʻzbekiston havo yoʻllarining HY-065/066 va HY-069/070 Toshkent—Termiz—Toshkent, HY-609/610 Termiz—Moskva—Termiz, HY-711/712 Termiz—Sankt-Peterburg—Termiz aviaqatnovlarining yetib kelishi va joʻnab ketishi Qarshi xalqaro aeroportidan va yangi jadvalga asosan amalga oshirildi[11].

Aloqalari

Aviakompaniyalar va yoʻnalishlar

Aviakompaniya Manzillar
Qanot Sharq Istanbul[12]
Silk Avia Toshkent
Ural Airlines Moskva–Domodedovo[13], Moskva–Jukovskiy[14]
Uzbekistan Airways Moskva–Vnukovo[15], Sankt-Peterburg, Toshkent

Statistika

Qarshi xalqaro aeroportining yillik yoʻlovchilar oqimi statistikasi (2023–2025)
Yillar Yoʻlovchilar soni Yoʻlovchilar sonining
oʻzgarishi, %da 		Parvozlar soni Parvozlar sonining
oʻzgarishi, %da 		Manbalar
2023 71 580 ▬ 1 110 ▬ [16]
2024 169 644 137,0% 1 865 68,0% [16]
2025 176 331 3,9% 2 138 14,6% [1]

Manbalar

  1. ↑ 1,0 1,1 1,2 „O‘zbekistonda aviatashuvlar: 2025-yil yakunlari bo‘yicha aeroportlarning asosiy ko‘rsatkichlari“. Uzbekistan Airports (2026-yil 10-fevral). Qaraldi: 24-fevral 2026-yil.
  2. ↑ „UTSK - Karshi Airport“. Skyvector.com. Qaraldi: 29-noyabr 2015-yil.
  3. ↑ „1 avgustdan O‘zbekistonning barcha hududiy aeroportlarida “Ochiq osmon” rejimi joriy etiladi“. Gazeta.uz. Gazeta.uz (2020-yil 17-). Qaraldi: 18-dekabr 2023-yil.
  4. ↑ „"QARSHI XALQARO AEROPORTI " mas‘uliyati cheklangan jamiyati“. orginfo.uz (2023-yil 28-iyul). Qaraldi: 7-may 2025-yil.
  5. ↑ „Qarshi xalqaro aeroporti “O‘zbekiston havo yo‘llari” tarkibidan chiqarilib ixtisoslashgan xalqaro kompaniya boshqaruviga beriladi.“.
  6. ↑ „"O‘zbekiston Respublikasining fuqaro aviatsiyasini tubdan takomillashtirish chora-tadbirlari to‘g‘risida" gi PF-5584-sonli O‘zbekiston Respublikasi Prezidentining Farmoni“. lex.uz. Oʻzbekiston Respublikasi Adliya vazirligi (2018-yil 27-noyabr). Qaraldi: 7-may 2025-yil.
  7. ↑ „Qarshi aeroporti rekonstruksiya qilinadi“.
  8. ↑ „Qarshi aeroportini rekonstruksiya qilish ishlari boshlandi“.
  9. ↑ „Qarshi xalqaro aeroporti charter reysni qabul qildi“.
  10. ↑ „Qarshi xalqaro aeroporti orzu laynerini kutib oldi“.
  11. ↑ „Termizdagi aeroport orqali amalga oshiriladigan parvozlar Qarshidagi aeroportga ko‘chiriladi“.
  12. ↑ „QANOT SHARQ SCHEDULES ISTANBUL LAUNCH FROM JUNE 2024“. Aeroroutes. Qaraldi: 2023-yil 29-may.
  13. ↑ „"Уральские авиалинии" в январе запускают рейсы в пять городов Узбекистана“ (ru). Interfax-Tourism (2023-yil 26-dekabr). 2024-yil 9-aprelda asl nusxadan arxivlangan. Qaraldi: 2023-yil 26-dekabr.
  14. ↑ „Ural Airlines schedules new routes in W18“. routesonline.com. Qaraldi: 2018-yil 6-sentyabr.
  15. ↑ „Uzbekistan Airways Moscow Service Changes From Oct 2023“. Aeroroutes. Qaraldi: 2023-yil 22-sentyabr.
  16. ↑ 16,0 16,1 Passajiropotok aeroportov Uzbekistana viros na 30% 
"https://ziyosfera.uz/index.php?title=Qarshi_xalqaro_aeroporti&oldid=718314" dan olindi