Kontent qismiga oʻtish

Termiz xalqaro aeroporti

ZiyoSfera, erkin ensiklopediya
Termiz xalqaro aeroporti
Термиз халқаро аэропорти
IATA kodi: TMJ – ICAO kodi: UZST
Qisqacha bayon
Aeroport turi fuqarolik
Egasi Uzbekistan Airports
Operator Termiz xalqaro aeroporti MChJ
Xizmat doirasi Termiz
Joylashuvi Termiz, Surxondaryo viloyati, Oʻzbekiston
Dengiz sathidan balandligi 1 027 ft / 313 m
Koordinatalari 37°17′12″N 067°18′36″E / 37.28667°N 67.31000°E / 37.28667; 67.31000
Xarita
TMJ (Oʻzbekiston)
TMJ
Oʻzbekiston xaritasida
Uchish/qoʻnish yoʻlaklari
Uzunligi Yuzasi
m ft
07/25 3,000 9,843 Beton
Maʼlumotlar (2025)
Yoʻlovchilar soni 349 227[1]
Parvozlar soni 3 876[1]
Manba:[2]

Termiz xalqaro aeroporti (IATA: TMJ, ICAO: UZST) – Termiz shahri yaqinidagi xalqaro aeroport.

1992-yil 4-fevraldagi VMQ-44-sonli qaror bilan Termiz aeroporti yangi tashkil etilgan Oʻzbekiston havo yoʻllari tarkibiga kiritilgan[3].

2018-yil 27-noyabrdagi PF-5584-sonli prezident farmoni bilan Oʻzbekistondagi aeroportlarni boshqarish uchun Uzbekistan Airports kompaniyasi tashkil etildi[4] va Termiz aeroporti ham yangi kompaniya tarkibiga kiritildi.

Tavsifi

Termiz aeroporti Oʻzbekiston Respublikasidagi yirik aviatashkilotlardan biri hisoblanib uning asosiy faoliyati quyidagilardan iboratdir:

  • Havo kemalariga yerda xizmat koʻrsatish;
  • Yoʻlovchilarga xizmat koʻrsatish;
  • Yuklarga xizmat koʻrsatish;
  • Pochtaga xizmat koʻrsatish;

Termiz aeroporti 1 soatda 400 ta aviayoʻlovchilarga xizmat koʻrsatish imkoniyatiga ega. Yongʻin xavfsizligi boʻyicha UTPZ (Yongʻindan himoyalash talablari darajasi) ning 8- darajasiga teng. Termiz aeroporti kecha-kunduz davomida ishlaydi va barcha turdagi (jumladan A330, A320, A310, Boeing 787, 747-400, 757, 767, Il-114, Il-76, ATR-72) havo kemalari va barcha turdagi vertolyotlarni qabul qiladi. Termiz aeroporti 2010-yil dekabr oyida ISO 9001: 2008 xalqaro standartlariga muvofiq „Rus registori“ assotsiatsiyasining sertifikatiga ega boʻldi[manba kerak].

Termiz aeroporti havo kemalari xizmat koʻrsatish bilan bogʻliq masalalar boʻyicha maxsus avtotransport parkini doimiy ravishda yangilanishni amalga oshirib kelmoqda. Avtomobil parkida muzlashga qarshi suyuqlik bilan ishlov beruvchi ISUZU avtomashinasi, aerodrom qoplamasini tozalash uchun AIST-5 VMU shamol purkash avtomashinasi, shuningdek havo kemalarini elektr bilan taʼminlovchi „Utronnik GPU – 150“ rusmli qurilma, gʻarbda ishlab chiqarilgan havo kemalariga yuklarni ortish va tushirishga moʻljallangan „Trepel“, yoʻlovchilar uchun „ABS – 580“ rusmli avtotraplar, bemor aviapassajirlar uchun "Ambulift" maxsus avtotransporti hamda barcha turdagi zamonaviy havo kemalarini havo yordamida yurgizuvchi qurilmalar mavjud.

Ruxsatnoma nazorat punktlarida xavfsizlikni taʼminlash uchun zamonaviy maxsus uskunalar oʻrnatilgan. Termiz aeroportida havo kemalarini ekspluatatsiya qilish va unga xizmat koʻrsatish xalqaro IKAO standartlariga muvofiqdir. Aeroportdan Toshkent, Moskva shahriga muntazam qatnovlar hamda Yevropa va Osiyo mamlakatlariga charter qatnovlari amalga oshiriladi. Yoʻlovchi va yuk tashuvlari yildan yilga oʻsib bormoqda. Axborotlar texnologiyasini rivojlanishi munosabati bilan aeroport tashuvlarni tashkil qilish xizmatida yoʻlovchilarga sifatli xizmat koʻrsatish uchun elektron koʻrinishdagi aviachiptalarni sotish hamda SDCS global tizimida yoʻlovchilarni qayd qilish joriy etildi, aerovokzal binosi 2019-yilda qayta taʼmirlanib ishga tushirildi[5].

Aviakompaniyalar va yoʻnalishlar

Aviakompaniya Manzillar
Azimut Sochi[6]
Flykhiva Istanbul[7]
Pobeda Moskva–Vnukovo[8]
Qanot Sharq Sankt-Peterburg[9]
Silk Avia Toshkent[10]
Oʻzbekiston havo yoʻllari Moskva–Vnukovo[11], Sankt-Peterburg, Toshkent

Statistika

Termiz xalqaro aeroportining yillik yoʻlovchilar oqimi statistikasi (2023–2025)
Yillar Yoʻlovchilar soni Yoʻlovchilar sonining
oʻzgarishi, %da 		Parvozlar soni Parvozlar sonining
oʻzgarishi, %da 		Manbalar
2023 160 924 ▬ 1 829 ▬ [12]
2024 271 961 69,0% 3 146 72,0% [12]
2025 349 227 28,4% 3 876 23,2% [1]

Manbalar

  1. ↑ 1,0 1,1 1,2 „O‘zbekistonda aviatashuvlar: 2025-yil yakunlari bo‘yicha aeroportlarning asosiy ko‘rsatkichlari“. Uzbekistan Airports (2026-yil 10-fevral). Qaraldi: 24-fevral 2026-yil.
  2. ↑ Aeroport haqida TMJ Great Circle Mapper'da.
  3. ↑ „“O‘zbekiston Respublikasi hududida havo transportini boshqarish tizimi to‘g‘risida” gi O‘zbekiston Respublikasi Prezidenti huzuridagi Vazirlar Mahkamasining 44-sonli qarori“. lex.uz. Toshkent: Oʻzbekiston Respublikasi Adliya vazirligi (1992-yil 4-fevral). Qaraldi: 12-iyun 2025-yil.
  4. ↑ „"O‘zbekiston Respublikasining fuqaro aviatsiyasini tubdan takomillashtirish chora-tadbirlari to‘g‘risida" gi PF-5584-sonli Oʻzbekiston Respublikasi Prezidentining Farmoni“. lex.uz. Oʻzbekiston Respublikasi Adliya vazirligi (2018-yil 27-noyabr). Qaraldi: 7-may 2025-yil.
  5. ↑ arxiv nusxasi, 2017-07-02da asl nusxadan arxivlandi, qaraldi: 2017-06-25
  6. ↑ „Azimut 1-apreldan Termiz-Sochi reyslarini yo'lga qo'yadi“ (uz-Latn). Spot – Biznes va texnologiyalar (2024-yil 12-mart). Qaraldi: 2024-yil 12-mart.
  7. ↑ Ismailov, Kamol. „Uzbekistan’s Flykhiva Airlines to launch Termez-Istanbul flights“ (en). Trend.Az. Trend News Agency (2026-yil 13-may). Qaraldi: 2026-yil 28-may.
  8. ↑ „Low-Cost Carrier “Pobeda” Launches Ticket Sales for New Flights to Uzbekistan“ (en). UzDaily.uz. Uzbekistan Daily (UzDaily.com) (2026-yil 18-dekabr). Qaraldi: 2026-yil 7-mart.
  9. ↑ Liu, Jim. „Qanot Sharq Adds Termez – St. Petersburg in NW25“ (en-CA). AeroRoutes (2025-yil 25-sentyabr). Qaraldi: 2025-yil 25-sentyabr.
  10. ↑ „Отечественный лоукостер Silk Avia запускает новые «авиамаршрутки» из Ташкента и Ферганы“.
  11. ↑ „Uzbekistan Airways Moscow Service Changes From Oct 2023“. Aeroroutes. Qaraldi: 2023-yil 22-sentyabr.
  12. ↑ 12,0 12,1 Passajiropotok aeroportov Uzbekistana viros na 30% 
"https://ziyosfera.uz/index.php?title=Termiz_xalqaro_aeroporti&oldid=810053" dan olindi