Abdulla Oripov nomidagi ijod maktabi
| Abdulla Oripov nomidagi ijod maktabi | |
|---|---|
 | |
| Joylashgan yeri | |
| Qashqadaryo Qarshi, O‘zbekiston, | |
| Maʼlumot | |
| Asos solingan sanasi | 2017-yil |
| Direktor | Djamalova Yoqutoy Kamalovna |
| Website | Abdulla Oripov nomidagi ijod maktabi |
Abdulla Oripov nomidagi ijod maktabi – 2017-yil Qarshi shahrida ochilgan zamonaviy taʼlim muassasasi. 2017-yil 24-mayda Vazirlar Mahkamasining „ Qarshi shahrida Abdulla Oripov nomidagi ona tili va adabiyoti fanini chuqurlashtirib oʻqitishga ixtisoslashtirilgan maktab-internatini tashkil etish toʻgʻrisida“gi 312-son qarori qabul qilindi[1]. Abdulla Oripov nomidagi ijod maktabi Oʻzbekiston Respublikasi Vazirlar Mahkamasi huzuridagi „Prezident taʼlim muassasalari agentligi“ tasarrufiga kiradi.
Tarixi
2017-yil Qashqadaryo viloyati hokimligi, Davlat arxitektura va qurilish qoʻmitasi, Xalq taʼlimi vazirligi tomonidan Qarshi shahari Oʻzbekiston koʻchasi 219-uyda joylashgan „Barkamol avlod“ markazida 150 oʻrinli oʻquv binosini rekonstruksiya qilin, 50 oʻrinli yotoqxona va 50 oʻrinli oshxona binolarini qurildi foydalanishga topshirildi. 2017—2018-oʻquv yilida maktab-internatning 5-6-7-8-sinflariga hamda 2018—2019-oʻquv yilidan boshlab maktab-internati 5-sinfiga 30 nafardan oʻquvchilar qabul qilinishi belgilandi[2].
Qulayliklar
Maktab oʻquvchilari bepul taʼlim, 5 mahal ovqat, 750 ming soʻmlik maktab formasi va bepul yotoqxona bilan taʼminlanadi. Darslardan soʻng futbol kabi sport turlaridan va drama hamda musiqiy asboblar oʻrganish uchun mashgʻulotlar tashkil qilingan.
Jihozlanishi
Maktab-internatining binosi 3 qavatdan iborat boʻlib umumiy 188 oʻringa moʻljallangan, 300 oʻrinli faollar zali, 140 oʻrinli oʻquvchilar yotoqxonasi hamda 140 oʻrinli oshxona binolaridan iborat. 15 ta sinf xonalari eng soʻnggi rusumdagi kompyuterlar va elektron doskalar bilan taʼminlangan. Ijod maktabi toʻliq holatda internet tarmogʻiga ulangan.
Ijod maktabiga qabul
2021—2022-oʻquv yili uchun Qarshi shahridagi Abdulla Oripov nomidagi ijod maktabiga 7—9 sinfga oʻquvchi qabul qilinishi eʼlon qilindi[3]. Saralash imtihonlari 2 bosqichdan iborat boʻlib, 1-bosqichda Oʻzbekiston Yozuvchilar uyushmasi bilan hamkorlikda ijod maktablariga hujjat topshirgan nomzodlarning ijodiy qobiliyatlari tekshiriladi va 2-bosqichda Davlat test markazi bilan hamkorlikda ona tili, adabiyot va ingliz tili fanlaridan oʻzlashtirishini aniqlash maqsadida test sinovlari oʻtkaziladi. 2023- yilda esa 2 mingga yaqin oʻquvchilar test sinovlarida qatnashdi va ulardan 60 nafari qabul qilindi.
2022—2023-oʻquv yilida yangi maktablarga 5—11-sinfga oʻquvchilar qabul qilinishi va har bir sinfda 24 nafardan oʻquvchi tahsil olishi belgilandi[4].
Manbalar
- ↑ „Qarshi shahrida Abdulla Oripov nomidagi ona tili va adabiyoti fanini chuqurlashtirib oʻqitishga iхtisoslashtirilgan maktab-internatini tashkil etish toʻgʻrisida“.
- ↑ „Qarshi shahrida Abdulla Oripov nomidagi ijod maktabi tashkil etildi.“.
- ↑ „Yangi o‘quv yilida ijod maktablarining qaysi sinflariga o‘quvchi qabul qilinishi haqida ma'lumot berildi“.
- ↑ „Prezident ta’lim muassasalari agentligi tizimidagi maktablarga 2022/23 o‘quv yili uchun qabul jarayoni“. 2023-yil 11-avgustda asl nusxadan arxivlangan. Qaraldi: 2023-yil 11-avgust.
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |