Pashmak
 | |
| Turi | desert |
|---|---|
| Retsepti | shakar, sirka essensiyasi, un, qoʻy yogʻi |
Pashmak (forscha: پشمک) – shirinlik turi. Oʻrta Osiyoda qadimdan mashhur. Pashmak uchun shakar, sirka essensiyasi, oliy nav bugʻdoy uni va qoʻy yogʻi ishlatiladi. Tayyorlash usuli: qozonga shakar va suv solinadi (suv miqdori shakar miqdoriga nisbatan 30—40% kam). Qozon toʻxtovsiz qaynatiladi. Qaynatish (sirka essensiyasi qoʻshilib) namlik 1,5 —1,7% qolguniga qadar davom ettiriladi, soʻngra qoʻy yogʻi qoʻshiladi. Tayyor qandolat massasini unga belab, qoʻl bilan tola-tola boʻlguncha choʻzib ishlov beriladi. Tolalar toʻpga yigʻilib, maxsus oʻlchovda kesiladi[1].
Pashmak alohida tarzda yoki mevalar, tortlar, muzqaymoqlar, pudinglar va boshqa desertlar bilan birga tortiladi. Fors paxtaqandi nomi bilan ham mashhur[2]. Baʼzan ustiga maydalangan pista sepiladi. Tarkibi paxtaqandga oʻxshasa-da, tayyorlanish usuli va ishlatiladigan mahsulotlar farq qiladi.
Pashmak Eronning Yazd shahrida paydo boʻlgan boʻlib, bu shahar Safaviylar davrida baqlava, quttob va gaz kabi anʼanaviy eron shirinliklari bilan mashhur boʻlgan.
Turkiyada pişmaniye deb ataladigan shirinlik pashmakka oʻxshaydi. Afgʻonistonda esa shunga oʻxshash shirinlik qandi pashmak deb ataladi.
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 |
Vikilugʻatda pashmak nomli maqola mavjud. |
Manbalar
- ↑ „Pashmak“, Fayl:National Encyclopedia of Uzbekistan logo.png Oʻzbekiston milliy ensiklopediyasi: 7-jild (Parchin — Soliq). Toshkent: „Oʻzbekiston milliy ensiklopediyasi“ Davlat ilmiy nashriyoti, 2004 — 704-bet.
- ↑ „Shiraz Sights“ (Wayback Machine saytida 2016-07-18 sanasida arxivlangan), at BestIranTravel.com
