Boku aeroport yoʻli
| Haydar Aliyev xalqaro aeroporti shossesi / Mardakan shossesi | |
 Boku xalqaro aeroporti chizmasi. Aeroport aylanma yo'li xaritada ko'rinadi, shosse yashil rangda belgilangan. | |
| Asl nomi | Bakı Aeroport Yolu (ozarbayjon tili) |
|---|---|
| Nomi berilgan shaxs/joy | Haydar Aliyev xalqaro aeroporti |
| Turi | Shosse (Magistral yo'l) |
| Egasi | Intellektual transportni boshqarish markazi |
| Joylashuvi | Boku, Ozarbayjon |
| Tuman(lar) | Nizomiy, Xazar |
| Mavzelar | Mardakan, Bina, Shagʻan |
| Avtobuslar | BakuBus (H1, H2 yo'nalishlari) |
| Koordinatalar | 40°27′16″N 50°04′0.5″E / 40.45444°N 50.066806°E |
| Boshlanish nuqtasi | Buyuk Shor shossesi |
| Kesishgan koʻchalari | Zigʻ aylanmasi yo'li |
| Yakunlanish nuqtasi | Mardakan |
Boku aeroporti shossesi yoki Haydar Aliyev xalqaro aeroporti shossesi (Bakı Aeroport Yolu (ozarbayjon tili); Heydər Əliyev Beynəlxalq Aeroportu Yolu (ozarbayjon tili)), shuningdek, Mardakan shossesi (Mərdəkan Yolu (ozarbayjon tili)) nomi bilan ham tanilgan — Absheron yarim orolidagi yirik magistral yo‘l. Ushbu yo‘l Haydar Aliyev xalqaro aeroporti va Mardakan munitsipalitetini poytaxt Boku bilan bog‘lovchi asosiy arteriya hisoblanadi.
Shosse Buyuk Shor shossesining sharqiy chekkasidan boshlanib, sharq tomonga, Mardakan yo‘nalishida davom etadi. Shuningdek, u Bina aholi punktiga xizmat ko‘rsatadi, Mardakan yaqinida Shag‘an bilan bog‘lanadi. Boku aeroporti aylanma yo‘li orqali u Zig‘ aholi punktini va Zig‘ aylanmasi — Haydar Aliyev aeroporti yo‘lini asosiy magistralga bogʻlaydigan muhim chorrahaga ega.[1]
Umumiy tavsif
Boku aeroporti shossesi shaharning eng muhim transport yo‘nalishlaridan biri bo‘lib, poytaxtning sharqiy qismini Absheron yarim orolidagi yirik aholi punktlari va 2024-yilda 7 537 000 yo‘lovchiga xizmat ko‘rsatgan Haydar Aliyev xalqaro aeroporti bilan bog‘laydi.[2] Bu yo‘l nafaqat aholining kundalik qatnovi, balki yuk tashish va tijorat faoliyati uchun ham muhim ahamiyatga ega bo‘lib, Boku va uning atrofidagi hududlar o‘rtasidagi iqtisodiy va ijtimoiy aloqalarning asosiy manbai sanaladi.
Muammolar va rivojlanish
Yillar o‘tishi bilan shosse transport hajmining ortishi bilan bog‘liq jiddiy qiyinchiliklarga duch keldi. Mardakan va qo‘shni hududlar aholisining ko‘payishi, shuningdek, sayyohlar oqimining ortishi tirbandliklarga sabab bo‘lmoqda. Ayniqsa, tig‘iz vaqtlarda yo‘lovchilar va tadbirkorlar uchun sezilarli kechikishlar yuzaga keladi. Ma'lumotlarga ko‘ra, har kuni 630 000 kishi ushbu yo‘nalish orqali Boku markaziga qatnaydi.[3]
Bokuda bo‘lib o‘tgan COP29 konferensiyasi davrida transport cheklovlari tufayli aeroport yo‘nalishida jamoat transportidan foydalanish tavsiya etilgan. Konferensiya doirasida poytaxt bo‘ylab, jumladan ushbu shosseda ham maxsus avtobus yo‘laklari (bus lanes) tashkil etildi. Bu umumiy harakatlanish chiziqlari sonini kamaytirgan bo‘lsa-da, BakuBus foydalanuvchilari uchun sayohat vaqtini sezilarli darajada qisqartirdi.[4]
Shuningdek qarang
Manbalar
- ↑ „PRESIDENT ILHAM ALIYEV INAUGURATES ZYKH CIRCLE-HEYDAR ALIYEV INTERNATIONAL AIRPORT ROAD“ (en). azertag.az. Qaraldi: 2025-yil 29-yanvar.
- ↑ „Number of transit passengers through Heydar Aliyev International Airport exceeds 373,000 in 2024“ (en). azertag.az. Qaraldi: 2025-yil 29-yanvar.
- ↑ „Plan to prevent traffic jams in center of Baku revealed“ (en). Apa.az. Qaraldi: 2025-yil 29-yanvar.
- ↑ „Azerbaijan takes major step towards sustainable future with emissions reduction pledge“ (en). Trend.Az (2024-yil 20-noyabr). Qaraldi: 2025-yil 29-yanvar.
Havolalar
- Haydar Aliyev xalqaro aeroportining rasmiy sayti
- Ozarbayjon avtomobil yoʻllari davlat agentligi rasmiy sayti
- Boku aeroporti shossesi Google Maps xaritasida
- Boku aeroporti shossesi OpenStreetMap’da
