Kontent qismiga oʻtish

Andy Irving

ZiyoSfera, erkin ensiklopediya
Andy Irving
Shaxsiy maʼlumot
Toʻliq ismi Andrew Irving[1]
Tavallud sanasi 2000-yil 13-may (2000-05-13) (26 yosh)
Tavallud joyi Edinburgh, Shotlandiya[2]
Boʻyi 1.77 m[1]
Ampluasi Yarim himoyachi
Klub maʼlumoti
Joriy klub
 West Ham United
Raqami 39
Yoshligida aʼzo boʻlgan klublar
2008–2017 Heart of Midlothian
Professional faoliyati*
Yillar Jamoa Isht. (Gol.)
2017–2021 Heart of Midlothian 46 (2)
2017–2018 → Berwick Rangers (ijara) 18 (2)
2018–2019 → Falkirk (ijara) 19 (0)
2021–2022 Türkgücü München 23 (1)
2022–2023 Austria Klagenfurt 31 (5)
2023– West Ham United 3 (0)
2023–2024 → Austria Klagenfurt (ijara) 28 (9)
Milliy terma jamoa
2017 Shotlandiya U17 1 (0)
2018 Shotlandiya U19 2 (0)
2020 Shotlandiya U21 1 (0)
*Professional klublardagi gollari (ichki chempionat)
(2-noyabr uchun)

Andry Irving (2000-yil 13-mayda tug‘ilgan) — shotlandiyalik professional futbolchi. Shotlandiya milliy futbol terma jamoasi a’zosi. Angliya Premyer-liganing West Ham United klubida yarim himoyachi sifatida faoliyat olib boradi. U dastavval Heart of Midlothian, Berwick Rangers, Falkirk, Türkgücü München va Austria Klagenfurt kabi klublarda o‘ynagan.

Yoshligi

Andry Irving Edinburgh shahrida katta bo’lgan. Portobello o‘rta maktabida tahsil olgan[2][3].

Klublardagi faoliyati

Heart of Midlothian

2017-yil iyun oyida Irving Heart of Midlothian jamoasining 20 yoshgacha bo‘lganlar jamoasi a’zosi sifatida Berwick Rangers klubiga ijraga berilgan. Ijara muddati 2018-yil yanvar oyigacha muddatda belgilangan. U Berwick Rangers klubi tarkibida barcha musobaqalarda 24 ta o‘yinda maydonga tushgan va 2 ta gol ham urgan[4][5].

Ijara muddati tugagach 2018-yil 24-yanvar kuni Irving Hearts of Midlothian asosiy jamoasida Hamilton Academical jamoasiga qarshi o’yinda o’z debyutini amalga oshirgan. O’sha o‘yinda uning jamoasi 3:0 hisobida g‘alaba qozongan. 2018-yil iyul oyida Irving klub bilan 2020-yilgacha mo’ljallangan yangi shartnoma imzolagan[6][7][8]. 2018–2019-yilgi mavsumda Irving o‘zining ilk o‘yinini Kove Rangers jamoasiga qarshi Shotlandiya Liga kubogi uchrashuvida o’tkazgan. U Olly Lee o‘rniga 65-daqiqada maydonga tushgan va shu tariqa mavsumdagi o’zining ilk o’yinida ishtirok etgan. Biroq uning shartnomasi Shotlandiya Futbol Assotsiatsiyasida ro‘yxatdan o‘tmaganligi sababli tan olinmagan[9]. 23-iyulda SPFL intizomiy tinglov o‘tkazgan va Hearts jamoasidan ikki ochko olib qo‘yilgan. Shundan so’ng jamoaga 10 ming funt jarima solingan[10][11].

2018-yil 31-iyul kuni Irving Shotlandiya chempionatining Falkrik jamoasiga 2019-yil yanvargacha bo’lgan muddatga ijaraga berilgan[12].

Türkgücü München

2021-yil iyun oyida Irving Heart of Midlothian jamoasi bilan shartnomasi tugagach, 3-liga jamoasi Türkgücü München bilan shartnoma imzolagan[13]. 2021-yil 25-iyul kuni Irving Türkgücü München safida 3-liga jamoasi SC Verlga qarshi o‘yinda o’z debyutini amalga oshirgan[14].

Austria Klagenfurt

2022-yil iyul oyida Irving Avstriya Bundesligasining klubi Austria Klagenfurt jamoasiga o‘tgan. Türkgücü München jamoasi mart oyida 3-ligadan ham chiqib ketganligi sababli Irving klubni tark etgan. U 2023-yil sentabr oyidagi transfer oynasining oxirgi kunida Angliya Premyer-ligasining West Ham United jamoasiga sotilgan. West Hamga transfer qilinganligiga qaramay u bir mavsumga Austria jamoasiga ijaraga berilgan[15]. 2023-yil dekabr oyida Austria Klagenfurt jamoasining bosh direktori Gyunter Gorenzel transferni rasman tasdiqlagan[16]. 2024-yil 24-aprel kuni Irving Red Bull Salzburg jamoasiga qarshi o‘yinda 22-daqiqaga kelib xet-trik qayd etgan. O’sha o’yinda Austria Klagenfurt jamoasi raqib ustidan 4–3 hisobidagi g‘alabaga erishgan[17].

West Ham United

2024-yil sentabr oyida Irving West Ham United safidagi debyut o‘yinini Angliya Premyer-ligasining boshqa bir jamoasi — Chelseaga qarshi o‘tkazgan. Irving uchun debyut o’yini omadsiz bo’lgan. Chunki uning jamoasi 3–0 hisobida mag‘lubiyatga uchragan[3][18].

Xalqaro faoliyati

Irving Shotlandiyaning turli yosh terma jamoalarida o‘ynagan[18][3]. 2024-yil 1-oktabr kuni u Shotlandiya milliy terma jamoasiga ilk bor chaqiruv olgqan. U Millatlar ligasi doirasida Xorvatiya va Portugaliyaga qarshi o‘yinlarda ishtirok etishi belgilangan[19][18].

Manbalar

  1. ↑ 1,0 1,1 „A. Irving“. West Ham United F.C.. Qaraldi: 2024-yil 13-avgust.
  2. ↑ 2,0 2,1 „On-loan Jambo Andrew Irving takes heart from team-mates' progress“. edinburghnews.scotsman.com. Edinburgh Evening News (2018-yil 1-yanvar). 2018-yil 21-iyulda asl nusxadan arxivlangan. Qaraldi: 2024-yil 13-avgust.
  3. ↑ 3,0 3,1 3,2 Andy Irving, the 'Portobello Pirloʻ, gives Scotland hope of a better future, Ewan Murray, The Scotsman, 11 October 2024
  4. ↑ „Irving Joins Berwick Rangers“. heartsfc.co.uk. Heart of Midlothian F.C. (2017-yil 23-iyun). 2018-yil 21-iyulda asl nusxadan arxivlangan. Qaraldi: 2018-yil 20-iyul.
  5. ↑ „Games played by Andy Irving in 2017/2018“. Soccerbase. Centurycomm. Qaraldi: 2018-yil 20-iyul.
  6. ↑ „Andy Irving goes from Hearts fan to first team“. edinburghnews.scotsman.com. Edinburgh Evening News (2018-yil 26-yanvar). Qaraldi: 2018-yil 28-yanvar.[sayt ishlamaydi]
  7. ↑ „Hearts extended their unbeaten run to 11 games with a comfortable victory over Hamilton“. bbc.co.uk/sport/. BBC Sport (2018-yil 24-yanvar). Qaraldi: 2018-yil 28-yanvar.
  8. ↑ „Message From The Chief Executive“. heartsfc.co.uk. Heart of Midlothian F.C. (2018-yil 19-iyul). Qaraldi: 2018-yil 20-iyul.[sayt ishlamaydi]
  9. ↑ „Hearts await their fate after cup blunder“. thetimes.co.uk. The Times (2018-yil 20-iyul). Qaraldi: 2018-yil 20-iyul.
  10. ↑ „Hearts apologise after fielding ineligible player against Cove Rangers“. skysports.com. Sky Sports (2018-yil 19-iyul). Qaraldi: 2018-yil 20-iyul.
  11. ↑ „Hearts docked Betfred Cup points and fined for fielding ineligible player“. skysports.com. Sky Sports (2018-yil 23-iyul). Qaraldi: 2018-yil 23-iyul.
  12. ↑ „Bairns Sign Andy Irving On Loan From Hearts“. falkirkfc.co.uk. Falkirk (2018-yil 31-iyul). 2025-yil 27-fevralda asl nusxadan arxivlangan. Qaraldi: 2018-yil 31-iyul.
  13. ↑ „Irving departs Hearts | Heart Of Midlothian Football Club“. www.heartsfc.co.uk. Qaraldi: 2021-yil 22-iyun.
  14. ↑ „SC Verl 0–0 Türkgücü München“. eurosport.com. Qaraldi: 2021-yil 28-iyul.
  15. ↑ Former Hearts man Andy Irving sold to West Ham United for big money as a fascinating transfer is confirmed by Austrian FA, Barry Anderson, Edinburgh Evening News, 1 September 2023
  16. ↑ „Gorenzel bestätigt Irving-Wechsel zu West Ham: "Ist kein Geheimnis mehr"“ (de). Sky Sport Austria (2023-yil 9-dekabr). Qaraldi: 2023-yil 10-dekabr.
  17. ↑ „Andy Irving just behind Robert Lewandowski as ex-Hearts man hits a historic hat-trick before West Ham transfer“. Edinburgh Evening News (2024-yil 26-aprel). Qaraldi: 2024-yil 12-may.
  18. ↑ 18,0 18,1 18,2 Irving | It’s every boy's dream to play for their country!, West Ham United FC, 3 October 2024
  19. ↑ „Scotland: Steve Clarke turns to fresh faces as injuries mount“. BBC Sport (2024-yil 1-oktyabr). Qaraldi: 2024-yil 1-oktyabr. 
"https://ziyosfera.uz/index.php?title=Andy_Irving&oldid=287616" dan olindi