Kontent qismiga oʻtish

Konstantinos Mavropanos

ZiyoSfera, erkin ensiklopediya
Konstantinos Mavropanos
Mavropanos 2022-yilda Stuttgart safida
Shaxsiy maʼlumot
Toʻliq ismi Konstantinos Mavropanos[1]
Tavallud sanasi 1997-yil 11-dekabr (1997-12-11) (28 yosh)[2]
Tavallud joyi Afina, Gretsiya
Boʻyi 1.94 m[2]
Ampluasi Himoyachi
Klub maʼlumoti
Joriy klub
 West Ham United
Raqami 15
Yoshligida aʼzo boʻlgan klublar
2008–2016 Apollon Smyrnis
Professional faoliyati*
Yillar Jamoa Isht. (Gol.)
2016–2018 PAS Giannina 16 (3)
2018–2022 Arsenal 7 (0)
2020 → 1. FC Nürnberg (ijara) 11 (0)
2020–2022 → VfB Stuttgart (ijara) 52 (4)
2022–2023 VfB Stuttgart 28 (2)
2023– West Ham United 26 (1)
Milliy terma jamoa
2017–2018 Gretsiya U21 4 (0)
2021– Gretsiya 31 (2)
*Professional klublardagi gollari (ichki chempionat)
(19-oktyabr uchun)

Konstantinos "Dinos" Mavropanos (1997-yil 11-dekabrda tugʻilgan) — yunon professional futbolchisi. Premyer-liganing West Ham United klubi va Gretsiya milliy jamoasida himoyachi hisoblanadi. Asosan markaziy himoyachi sifatida oʻynaydi, lekin u oʻng qanot himoyachisi sifatida ham oʻynashi mumkin[3].

Klublardagi faoliyati

PAS Giannina

Afina shahrida tugʻilgan Mavropanos oʻz faoliyatini sakkiz yil davomida Apollon Smyrnis yoshlari safida boshlagan[4][5]. Apollon safidan ketgach u 2016-yil yanvar oyida Gretsiya superligasining PAS Giannina jamoasiga qoʻshilgan va klub bilan uch yarim yillik shartnoma imzolagan[6]. Ushbu transfer PASning sobiq egasi Giorgos Christovasilisning harakatlari natijasida amalga oshirilgan[7]. Mavropanos PAS Giannina uchun birinchi rasmiy oʻyinini 2016-yil 29-noyabrda Gretsiya kubogida oʻtkazgan. U oʻyinni asosiy tarkibda boshlagan va 1-0 hisobidagi gʻalabali oʻyinda toʻliq ishtirok etgan[8].

Mavropanos Superliga doirasidagi debyutini 2017-yil 5-aprelda Veriaga qarshi oʻtkazgan. U oʻyinni asosiy tarkibda boshlagan va 57 daqiqa oʻynagan. Ushbu oʻyinda PAS Giannina 3-0 hisobida magʻlub boʻlgan[9]. U klub safidagi birinchi golini 2017-yil 19-avgustda Asteras Tripolis jamoasiga qarshi, mavsumning ilk oʻyinida kiritgan. Uning 19-daqiqadagi goli jamoaning 2-1 hisobida gʻalaba qozonishiga sabab boʻlgan[10]. 2017-yil 27-avgustda ΑEK Athensga qarshi durang oʻyinda Mavropanos o‘yinning eng yaxshi futbolchisi deb topilgan[6].

Mavropanos PAS Giannina safida jami 23 ta o‘yinda maydonga tushgan va uchta gol urgan[3].

Arsenal

Mavropanos Arsenal safida. 2018-yil

2018-yil 4-yanvarda Mavropanos Premyer-liganing Arsenal klubiga taxminan 2,1 million yevro evaziga transfer qilingan[11]. 15-yanvar kuni u Arsenalning 23 yoshgacha boʻlgan jamoasi safida Manchester United zaxira jamoasiga qarshi oʻyinda gʻalaba qozonishga yordam bergan[12]. 2-fevral kuni u Yevropa Ligasining pley-off bosqichida maydonga tushgan[13]. 29-aprel kuni Mavropanos oʻzining Premyer-ligadagi debyutini Old Trafford stadionida Manchester United jamoasiga qarshi oʻyinda oʻtkazgan, Oʻsha oʻyinda Arsenal 2-1 hisobida magʻlub bo‘lgan[14]. Uning oʻyini muxlislar va futbol mutaxassislari tomonidan maqtovlarga sazovor boʻlgan[15]. Arsenalning keyingi oʻyinida, Burnleyga qarshi oʻyinda Emiratesdagi oʻz debyutini amalga oshirgan. Oʻsha oʻyin Arsène Wenger uchun Arsenal bosh murabbiyi sifatidagi soʻnggi oʻyini boʻlgan. Jamoa murabbiyni kuzatgan holda 5-0 hisobida g‘alaba qozongan[16]. Mavropanos Leicester Cityga qarshi safarda boʻlgan oʻyinda ham maydonga tushgan, lekin 15 daqiqa oʻtgach maydondan chetlatilgan[17].

2018-yil oktabr oyining boshida Mavropanos qorin muskullaridan jarohat olgan va dekabrning oʻrtalariga qadar safdan chiqqan[18]. 2019-yil 15-yanvarda u 23 yoshgacha boʻlgan jamoa safida Manchester Cityni 5-1 hisobida magʻlub etgan. Oʻsha oʻyinda u 70 daqiqa oʻynagan. 3-fevral kuni Mavropanos 2018-2019-yilgi mavsumdagi ilk oʻyinini Manchester City klubiga qarshi oʻtkazgan. Oʻsha oʻyinda uning jamoasi 3-1 hisobida magʻlubiyatga uchragan[19]. 12-may kuni mavsumning so‘nggi o‘yinida u markaziy himoyada Shkodran Mustafi bilan birga oʻynagan, lekin 30 daqiqadan soʻng jarohati sabab Laurent Koscielny bilan almashtirilgan[20].

1. FC Nürnberg (ijara)

2020-yil 13-yanvarda Mavropanos oʻyin amaliyoti yoʻqligi sababli Arsenaldan 2. Bundesliga klubi 1. FC Nürnbergga 2019-2020 mavsumining qolgan qismi uchun ijara asosida borib qoʻshilgan[21][22]. U ketma-ket ikkita oʻyinda jamoaning eng yaxshi oʻyinchisi deb topilgan. 2020-yil 25-fevral kuni u Darmstadt 98 klubiga qarshi oʻyinda jarohat olgan[23].

VfB Stuttgart

2020-yil 16-iyulda Mavropanos Arsenal bilan yangi shartnoma imzolagan va 2020-2021-yilgi mavsum uchun VfB Stuttgartga 250 000 yevro evaziga ijaraga oʻtgan[24]. Stuttgartda u avval Arsenalda uni skaut qilib olgan Sven Mislintat bilan qayta birlashgan[25]. 2020-yil 3-oktabr kuni u Bayer Leverkusenga qarshi oʻzining Stuttgart safidagi debyutini oʻtkazgan, oʻyin esa 1-1 hisobida yakunlangan[26]. Mavropanos 15-oktabr kuni SC Freiburg jamoasiga qarshi oʻrtoqlik oʻyinida jarohat olgan. Keyinchalik tizza bo‘g‘imida operatsiya amalga oshirilgan[27].

2021-yil 24-iyun kuni uning ijara muddati yana bir mavsumga uzaytirilgan va mavsum oxirida 3,5 million yevro evaziga sotib olish imkoniyati bilan shartnoma tuzilgan[28]. 2021-yil 7-avgustda DFB-Pokalning birinchi bosqichida u BFC Dynamoga qarshi oʻyinda burchak zarbasidan gol urgan[29]. 2021-yil 28-avgust kuni SC Freiburgga qarshi uy uchrashuvida Mavropanos Bundesligadagi ilk golini urgan[30][31]. 2021-yil 2-oktabr kuni u Hoffenheimga qarshi oʻyinda yana gol urgan[32]. 16-oktabr kuni esa 30 metr masofadan gol urgan, jamoasi esa Borussia Mönchengladbach bilan 1-1 hisobidagi durangni qayd etgan[33]. 11-dekabr kuni u safarda VfL Wolfsburgga qarshi oʻyinda mavsumdagi to‘rtinchi golini kiritgan[34].

2022-yil may oyida Stuttgart Bundesligada qolganidan soʻng, Mavropanos 2025-yilgacha moʻljallangan shartnoma asosida klubga o‘tishi amalga oshgan[35].

West Ham United

2023-yil 22-avgustda Mavropanos West Ham United klubi bilan besh yillik shartnoma imzolagan[36]. Transfer qiymati 25 million yevroni tashkil etgan va Arsenal ham o‘ziga tegishli 10 foiz ulushni olgan[37]. Mavropanos West Ham tarixidagi birinchi yunon futbolchisiga aylangan[38]. 21-sentyabr kuni u UEFA Yevropa Ligasida TSC Bačka Topolajamoasiga qarshi oʻyinda debyut qilgan. Ushbu oʻyinda uning jamoasi 3-1 hisobida gʻalaba qozongan[39]. 28-dekabr kuni u sobiq klubi Arsenalga qarshi 2-0 hisobida yakunlangan g‘alabali oʻyinda West Ham safidagi birinchi golini urgan[40].

Xalqaro faoliyati

2021-yil 24-mart kuni Mavropanos Gretsiya milliy terma jamoasi tarkibiga Jahon Chempionati 2022 saralash oʻyinlarida ishtirok etish uchun chaqirilgan. 2021-yil 28-mart kuni u milliy terma jamoa safida Gondurasga qarshi oʻrtoqlik uchrashuvida debyut qilgan[41].

2023-yil 10-sentabrda, Gibraltar jamoasiga qarshi kechgan oʻyinda Mavropanos terma jamoa safidagi ilk golini urgan[42].

Manbalar

  1. ↑ „2018/19 Premier League squads confirmed“. Premier League (2018-yil 3-sentyabr). Qaraldi: 2018-yil 4-sentyabr.
  2. ↑ 2,0 2,1 „Konstantinos Mavropanos: Overview“. Premier League. Qaraldi: 2019-yil 17-avgust.
  3. ↑ 3,0 3,1 „Konstantinos Mavropanos“. Arsenal F.C..
  4. ↑ Mountney, Dan; Yousif, Layth. „Arsenal chief scout tells Wenger to sign £2m Greek starlet Konstantinos Mavropanos“. Islington Gazette (2018-yil 3-yanvar). 2018-yil 5-yanvarda asl nusxadan arxivlangan. Qaraldi: 2018-yil 4-yanvar.
  5. ↑ „Κωνσταντίνος Μαυροπάνος: Το νέο διαμάντι του ΠΑΣ Γιάννινα“. Gazzetta. Qaraldi: 2018-yil 4-yanvar.
  6. ↑ 6,0 6,1 Wheatley, Chris. „Who Is Arsenal Signing Mavropanos? Meet Greece's Next Big Defender“. Goal.com (2018-yil 4-yanvar). Qaraldi: 2018-yil 4-yanvar.
  7. ↑ Θέλουν υπομονή και στήριξη οι νέοι παίκτες
  8. ↑ „Agrotikos 0–1 PAS Giannina“. Soccerway.
  9. ↑ „Veria 3–0 PAS Giannina“. Soccerway.
  10. ↑ „Asteras 1–2 PAS Giannina“. Soccerway.
  11. ↑ „Konstantinos Mavropanos joins the club“. Arsenal Club (2018-yil 4-yanvar). Qaraldi: 2018-yil 4-yanvar.
  12. ↑ Park, Layth Yousif at Meadow „Arsenal U23 4–0 Manchester United U23: PLAYER RATINGS – Eddie Nketiah grabs brace and Konstantinos Mavropanos makes first start as junior Gunners impress“. Islington Gazette. 2020-yil 29-oktyabrda asl nusxadan arxivlangan. Qaraldi: 2020-yil 12-fevral.
  13. ↑ „Arsenal include shock name in Europa League squad: You'll never guess who Wenger picked“. Daily Express. Qaraldi: 2018-yil 2-fevral.
  14. ↑ „Mavropanos makes his debut: Man Utd V Arsenal teams“ (2018-yil 29-aprel). 2020-yil 10-noyabrda asl nusxadan arxivlangan. Qaraldi: 2018-yil 29-aprel.
  15. ↑ „Arsenal lost at Man United but debutant Mavropanos earns 8/10“ (2018-yil 29-aprel). Qaraldi: 2018-yil 30-aprel.
  16. ↑ „Arsenal 5–0 Burnley“ (2018-yil 6-may). Qaraldi: 2018-yil 9-may.
  17. ↑ „Arsenal: Good thing Konstantinos Mavropanos got that out of the way“ (2018-yil 9-may). Qaraldi: 2018-yil 13-may.
  18. ↑ „Injury Update: Petr may be better in a month“ (2018-yil 2-oktyabr). Qaraldi: 2018-yil 13-oktyabr.
  19. ↑ „Man City 3–1 Arsenal highlights and reaction as Sergio Aguero hits hat-trick“ (2019-yil 3-fevral). Qaraldi: 2019-yil 3-fevral.
  20. ↑ „REPORT: BURNLEY 1–3 ARSENAL“ (2019-yil 12-may). Qaraldi: 2019-yil 12-may.
  21. ↑ „Η Νυρεμβέργη ανακοίνωσε το δανεισμό του Μαυροπάνου“ (2020-yil 13-yanvar). Qaraldi: 2020-yil 13-yanvar.
  22. ↑ „Arsenal: Konstantinos Mavropanos future murkier than ever“ (2020-yil 13-yanvar). Qaraldi: 2020-yil 13-yanvar.
  23. ↑ „FC Nürnberg provide injury update on Mavropanos“ (2020-yil 25-fevral).
  24. ↑ „Ο Μαυροπάνος ανανέωσε με Άρσεναλ και… παίζει Bundesliga!“. NewsIT (2020-yil 16-iyul).
  25. ↑ „Dinos signs new contract, joins Stuttgart on loan“ (2020-yil 16-iyul).
  26. ↑ „Patrik Schick on target but Bayer Leverkusen held by VfB Stuttgart“ (en). bundesliga.com - the official Bundesliga website. Qaraldi: 2021-yil 3-mart.
  27. ↑ „Konstatinos Mavropanos set for long spell on the sidelines“ (2020-yil 15-oktyabr).
  28. ↑ „Mavropanos staying at VfB“ (2021-yil 24-iyun).
  29. ↑ „Μαυροπάνος: Γκολ με τη Στουτγκάρδη στο γερμανικό κύπελλο“ (2021-yil 7-avgust).
  30. ↑ „Stuttgard vs Freiburg“ (2021-yil 28-avgust). 2021-yil 13-avgustda asl nusxadan arxivlangan. Qaraldi: 2021-yil 28-avgust.
  31. ↑ „Ο Μαυροπάνος μείωσε 3-1 για τη Στουτγκάρδη με υπέροχο τελείωμα“ (2021-yil 28-avgust).
  32. ↑ „Stuttgart vs Hoffenheim 3-1“ (2021-yil 2-oktyabr).
  33. ↑ „Γκλάντμπαχ - Στουτγκάρδη 1-1: Το γκολ του Μαυροπάνου έδωσε βαθμό“ (2021-yil 16-oktyabr).
  34. ↑ „VfL Wolfsburg - VfB Stuttgart 0-2“ (2021-yil 11-dekabr). 2023-yil 20-iyunda asl nusxadan arxivlangan. Qaraldi: 2024-yil 16-dekabr.
  35. ↑ „Atakan Karazor signs extension; permanent deal for Dinos Mavropanos“. vfb.de. VfB Stuttgart (2022-yil 19-may). Qaraldi: 2022-yil 19-may.
  36. ↑ „Γουέστ Χαμ: “Σφυρί” ο Μαυροπάνος“. Novasports (2023-yil 22-avgust). Qaraldi: 2023-yil 22-avgust.
  37. ↑ Andrews, Connor „West Ham announce signing of ex-Arsenal starbut have second bid for Kudus rejected“. talkSPORT (2023-yil 22-avgust). Qaraldi: 2023-yil 23-avgust.
  38. ↑ „Seven things you need to know about Konstantinos Mavropanos“. West Ham United F.C.. Qaraldi: 2023-yil 22-avgust.
  39. ↑ „West Ham-TSC Bačka Topola UEFA Europa League 2023/24“. UEFA.com (2023-yil 21-sentyabr). Qaraldi: 2023-yil 22-sentyabr.
  40. ↑ Sanders, Emma „Arsenal 0-2 West Ham: Hammers stun Gunners who miss chance to go top“. BBC Sport (2023-yil 28-dekabr). Qaraldi: 2023-yil 29-dekabr.
  41. ↑ „Ελλάδα - Ονδούρα 2-1: Νίκη με "υπογραφή" του εξαιρετικού Παυλίδη, είχε θέματα στα μετόπισθεν“. www.sport24.gr (2021-yil 28-mart).
  42. ↑ „Mavropanos at the double in Greece win“. West Ham United F.C.. Qaraldi: 2023-yil 11-sentyabr.

Havolalar

Vikiomborda „Konstantinos Mavropanos“ mavzusi boʻyicha mediafayllar bor.
  • Profile West Ham United F.C. saytida


"https://ziyosfera.uz/index.php?title=Konstantinos_Mavropanos&oldid=550870" dan olindi