Kontent qismiga oʻtish

Wes Foderingham

ZiyoSfera, erkin ensiklopediya
Wes Foderingham
Foderingham West Ham United safida
Shaxsiy maʼlumot
Toʻliq ismi Wesley Andrew Foderingham[1]
Tavallud sanasi 1991-yil 14-yanvar (1991-01-14) (35 yosh)
Tavallud joyi Hammersmith, London, Angliya
Boʻyi 1.85m[2]
Ampluasi Darvozabon
Klub maʼlumoti
Joriy klub
 West Ham United
Raqami 21
Yoshligida aʼzo boʻlgan klublar
2000–2009 Fulham
Professional faoliyati*
Yillar Jamoa Isht. (Gol.)
2009–2010 Fulham 0 (0)
2010 → Bromley (ijara) 9 (0)
2010–2012 Crystal Palace 0 (0)
2010 → Bromley (ijara) 13 (0)
2011 → Boreham Wood (ijara) 5 (0)
2011 → Histon (ijara) 9 (0)
2011–2012 → Swindon Town (ijara) 12 (0)
2012–2015 Swindon Town 152 (0)
2015–2020 Rangers 112 (0)
2020–2024 Sheffield United 102 (0)
2024– West Ham United 0 (0)
Milliy terma jamoa
2006–2007 Angliya U16 5 (4)
2007–2008 Angliya U17 0 (0)
2009–2010 Angliya U19 3 (0)
*Professional klublardagi gollari (ichki chempionat)
(26-iyun uchun)

Wesley Andrew Foderingham (1991-yil 14-yanvarda tugʻilgan) — Angliyalik professional futbolchi. Angliya Premyer-ligasining West Ham United jamoasida darvozabon sifatida oʻynaydi. U avvalroq Angliya U-19 yoshlar terma jamoasida ham oʻynagan.

Klublardagi faoliyati

Ilk faoliyati

Foderingham Londonning Hammersmit shahrida tugʻilgan. U dastlabki faoliyatini Fulham klubining yoshlar jamoasida boshlagan va keyinchalik Bromley klubiga ijaraga oʻtgan[3][4]. Fulham jamoasidan ketganidan soʻng, 2010-yil avgust oyida u Crystal Palace bilan ilk professional shartnomasini imzolagan va 2011-yil mart oyida Histon klubiga ijaraga oʻtgan[5][6].

Swindon Town

Foderingham playing for Swindon Town in 2013

2011-yil oktabr oyida Foderingham jarohat olgan Phil Smith oʻrniga 2-liganing Swindon Town jamoasiga ijaraga oʻtgan va 15-oktabr kuni Accrington Stanley jamoasiga qarshi oʻyinda oʻz debyutini amalga oshirgan[7]. Swindon safidagi ijara davrida 15 ta oʻyinda bor-yoʻgʻi 6 ta gol oʻtkazgan, 9 ta oʻyinda darvozasi daxlsizligini saqlab qolgan[8]. Bu natijalar murabbiy Paolo Di Canioga Foderinghamni nomaʼlum transfer summasi evaziga 2012-yil 6-yanvarda sotib olishga undagan va u bilan 2014-yil iyuligacha shartnoma imzolangan[9]. Foderingham jami 24 ta o‘yinda darvozani daxlsiz saqlab Swindon bilan 2011–2012-yilgi 2-liga chempionligini qo‘lga kiritgan[10][11].

2012–2013-yilgi mavsumni Foderingham ketma-ket 4 ta quruq o‘yin bilan boshlagan va keyinchalik, Liga kubogida Premyer-liganing Stok Siti jamoasini 4-3 hisobida mag‘lub etishda munosib hissa qoʻshgan[12]. Biroq, keyingi o‘yinda Preston Nort Endga qarshi oʻyinning 21-daqiqasida, jamoa 2:0 hisobida yutqazayotganida zaxiraga olingan va bu holat Foderinghamning keskin noroziligiga sabab bo‘lgan[13]. Murabbiy Di Canio uning ushbu xatti-harakatini omma oldida tanqid qilgan va agar u uzr so‘ramasa, klubni tark etishini aytgan[14][15]. Foderingham keyinchalik kechirim so‘ragan[16].

Foderingham 2014–2015-yilgi mavsum oxirida shartnomasi tugagach erkin agentga aylangan[17].

Rangers

2015-yil 3-iyul kuni Foderingham Shotlandiya chempionatining Rangers klubi bilan uch yillik shartnoma imzolagan[18]. U klub safidagi debyutini Shotlandiya chempionlar kubogining birinchi bosqichida Hibernian jamoasiga qarshi o‘yinda o‘tkazgan va yangi murabbiy Mark Warburton davrida jamoaning asosiy darvozaboniga aylangan[19]. 2016-yil 19-iyul kuni u Rangers bilan shartnomasini 2019-yilgacha uzaytirgan. 2018-yil iyul oyida jamoaning yangi murabbiy Steven Gerrard tomonidan Allan McGregor Rangersga qaytarilgach Foderingham ikkinchi darvozabon bo‘lib qolgan. U mavsumdagi ilk o‘yinni Shotlandiya Liga kubogida Kilmarnock jamoasiga qarshi o‘tkazgan. Oʻsha oʻyinda uning jamoasi 3:1 hisobida g‘alaba qozongan. Wes 2020-yilning 19-may kuni shartnomasi tugashi bilan Rangersni tark etishi e'lon qilingan[20].

Sheffield United

2020-yil 17-iyul kuni Foderingham Premyer-liganing Sheffield United jamoasiga bilan uch yillik shartnoma imzolagan[21]. 2021/2022-yilgi mavsumda, murabbiy Paul Heckingbottom paytida Foderingham asosiy sanalgan[22].

2022–2023-yilgi mavsumda Foderingham 44 oʻyinda 18 ta quruq oʻyin oʻtkazgan va Sheffield Unitedning Premyer-ligaga qaytishini yordam bergan[22].

2023-yil sentabr oyida Sheffield United Tottenham Hotspur jamoasiga qarshi 2:1 hisobida mag‘lub bo‘lganidan so‘ng Foderingham irqchilikka asoslangan haqorat va tahdidlarga duch kelgan[23]. Keyingi haftada esa Newcastle United jamoasiga qarshi 0:8 hisobida mag‘lub bo‘lgan va bu jamoa uchun rekord mag‘lubiyat hisoblangan. Ushbu gʻalaba Newcastle uchun Premyer-ligadagi eng yirik g‘alaba hisoblanadi[24][25].

Foderingham 2023–2024-yilgi mavsum oxirida erkin agentga aylangan[26].

West Ham United

2024-yil 26-iyun kuni Premyer-liganing West Ham United erkin agent maqomidagi Foderingham bilan ikki yillik shartnoma imzolaganini eʼlon qilgan[27].

Xalqaro faoliyati

Foderingham Angliya terma jamoasining turli darajalarida, shu jumladan Angliya U-19 yoshlar terma jamoasida oʻynagan[28].

Manbalar

  1. ↑ „2020/21 Premier League squads confirmed“. Premier League (2020-yil 20-oktyabr). Qaraldi: 2020-yil 25-oktyabr.
  2. ↑ „Sheffield United FC - Wes Foderingham“. sufc.co.uk. Qaraldi: 2020-yil 25-oktyabr.
  3. ↑ „Foderingham joins on loan from Fulham“. Bromley F.C. 2014-yil 20-aprelda asl nusxadan arxivlangan. Qaraldi: 2011-yil 17-oktyabr.
  4. ↑ „Player Contract Round-Up“. Fulham F.C. (2010-yil 1-iyun). 2011-yil 8-iyunda asl nusxadan arxivlangan. Qaraldi: 2014-yil 19-aprel.
  5. ↑ „Crystal Palace snap up keeper Wesley Foderingham“. BBC Sport. BBC (2010-yil 19-avgust).
  6. ↑ „Histon sign Foderingham, Asafu-Adjaye and Cox on loan“. BBC Sport. BBC (2011-yil 25-mart).
  7. ↑ „Swindon Town bring in Crystal Palace keeper Foderingham“. BBC Sport. BBC (2011-yil 14-oktyabr).
  8. ↑ „Accrington 0–2 Swindon“. BBC Sport. BBC (2011-yil 15-oktyabr).
  9. ↑ „Wes Foderingham leaves Crystal Palace for Swindon Town“. BBC Sport. BBC (2012-yil 6-yanvar).
  10. ↑ „Stoke 3–4 Swindon (aet)“ (en-GB). BBC Sport (2012-yil 28-avgust). Qaraldi: 2023-yil 4-dekabr.
  11. ↑ „On this day: 2012. Champions interview. Wes Foderingham“. Swindon Town (2020-yil 28-aprel). Qaraldi: 2020-yil 5-oktyabr.
  12. ↑ „Stoke 3–4 Swindon (aet)“ (en-GB). BBC Sport (2012-yil 28-avgust). Qaraldi: 2023-yil 4-dekabr.
  13. ↑ „Preston 4–1 Swindon“ (en-GB). BBC Sport (2012-yil 2-sentyabr). Qaraldi: 2023-yil 4-dekabr.
  14. ↑ Bailey, Graeme „Di Canio fumes at keeper“. SkySports. Qaraldi: 2012-yil 3-sentyabr.
  15. ↑ „Di Canio goalkeeper rant. Priceless (video)“. FFO. Qaraldi: 2012-yil 3-sentyabr.
  16. ↑ „Paolo Di Canio 'forgives' Wes Foderingham for Preston row“. BBC Sport. BBC (2012-yil 3-sentyabr). Qaraldi: 2016-yil 7-avgust.
  17. ↑ „Released List“. Swindontownfc.co.uk (2015-yil 1-iyun). Qaraldi: 2016-yil 7-avgust.
  18. ↑ „Rangers sign goalkeeper Wes Foderingham“. BBC Sport. BBC (2015-yil 3-iyul). Qaraldi: 2015-yil 3-iyul.
  19. ↑ „Wes & Rob Extend Contracts“. Rangers.co.uk. Rangers Football Club (2016-yil 19-iyul).
  20. ↑ „Rangers: Andy Halliday, Jon Flanagan & Wes Foderingham among six exits“. BBC Sport. BBC (2020-yil 19-may). Qaraldi: 2020-yil 24-may.
  21. ↑ „Goalkeeper signs“. Sheffield United (2020-yil 17-iyul). Qaraldi: 2020-yil 17-iyul.
  22. ↑ 22,0 22,1 „Wes Foderingham“. Sheffield United (2023-yil 26-dekabr). Qaraldi: 2023-yil 26-dekabr.
  23. ↑ Desk, Sports „Sheffield United condemn racist abuse aimed at Wes Foderingham after Spurs match“. SportsMax (2023-yil 17-sentyabr). 2024-yil 1-dekabrda asl nusxadan arxivlangan. Qaraldi: 2024-yil 29-may.
  24. ↑ Drury, Sam „Sheffield United 0-8 Newcastle United: Visitors thrash Blades to match their record Premier League win“. BBC Sport (2023-yil 22-sentyabr). Qaraldi: 2024-yil 29-may.
  25. ↑ Fisher, Ben „Newcastle thrash Sheffield United 8-0 as Alexander Isak caps humiliation“. the Guardian (2023-yil 24-sentyabr). Qaraldi: 2024-yil 29-may.
  26. ↑ Rice, Liam „LISTED: Every player released by Championship clubs this summer“. Herald Series (2024-yil 29-may). Qaraldi: 2024-yil 29-may.
  27. ↑ „West Ham United sign goalkeeper Wes Foderingham“. West Ham United F.C. (2024-yil 26-iyun). Qaraldi: 2024-yil 26-iyun.
  28. ↑ „Wes FODERINGHAM“. Swindon-Town-FC.co.uk (2016-yil 1-yanvar). Qaraldi: 2024-yil 29-may.

Havolalar

Vikiomborda „Wes Foderingham“ mavzusi boʻyicha mediafayllar bor. 
"https://ziyosfera.uz/index.php?title=Wes_Foderingham&oldid=861028" dan olindi