Taxtapul mahallasi (Shayxontohur tumani)

Taxtapul mahallasi (Shayxontohur koʻchasi 117a-uy) – Oʻzbekiston Respublikasi Toshkent shahar Shayxontohur tumanidagi mahalla. Labzak, Koʻhota, Turkqoʻrgʻon mahallalari bilan chegaradosh. Nomi Kaykovus arigʻiga qurilgan yogʻoch koʻprik bilan bogʻliq boʻlishi mumkin. Aholisi 3 550 kishi, asosan, oʻzbeklar, shuningdek, 10 dan ortiq millat vakillari yashaydi. Mahalla hududida 22 ta koʻcha, bolalar bogʻchasi, oʻrta maktab, 2 ta kollej, bolalar yuqumli kasalxonasi, „Istiqlol“ restorani va kafelar, oziq-ovqat doʻkonlari joylashgan. Davlat arbobi Xusniddin Asamov, dorbozchi Erkin Toshkanboyev, Zarifovlar sulolasi, yozuvchi Adham Rahmat shu mahallada yashab oʻtgan.