Ma Ning (hakam)
 Ma Ning (2022-yil) | |||
| Tavallud sanasi | 1979-yil 20-iyun | ||
|---|---|---|---|
| Tavallud joyi | Fuxin, Liaoning, Xitoy | ||
| Kasbi | Oʻqituvchi | ||
| Milliy musobaqalar | |||
| Yillar | Liga | ||
| 2010– | Xitoy Superligasi | ||
| Xalqaro musobaqalar | |||
| Xalqaro yillar | Tashkilot | Lavozimi | |
| 2011– | FIFA roʻyxati | Hakam | |
Ma Ning (xitoycha: 马宁; 1979-yil 14-iyunda tugʻilgan) — xitoylik futbol hakami. Ma 2011-yildan buyon FIFAning xalqaro toifadagi hakami hisoblanadi[1]. U, shuningdek, Nankin sport institutida dars beradi. Qattiqqoʻl va murosasiz hakamlik uslubi bilan tanilgan Maga muxlislar tomonidan „Card Master“ laqabi berilgan[2].
Faoliyati
2019-yil 23-fevral kuni Ma Ning Xitoydagi professional hakamlardan biri sifatida CFA (Xitoy futbol assotsiatsiyasi) bilan shartnoma imzolagani eʼlon qilingan[3].
2022-yil 19-mayda Ma 2022-yilgi FIFA Jahon chempionatiga tanlab olingan 36 nafar bosh hakam roʻyxatiga kiritildi va 2002-yildagi Lu Jundan keyin bu natijaga erishgan ikkinchi xitoylik hakam boʻlgan[4].
2022-yil 21-avgustda Xitoy Superligasi doirasidagi „Wuhan Yangtze River“ hamda „Henan Sunshan Lunmen“ jamoalari oʻrtasidagi uchrashuvda „Sunshan Lunmen“ hujumchisi Henrique Dourado Mani qasddan turtib yiqitgan va qoʻpol xatti-harakati uchun maydondan chetlatilgan. Oʻyin 2:2 hisobidagi durang bilan yakunlangan[5]. Oradan besh kun oʻtib, Xitoy futbol assotsiatsiyasi Duradoni 12 oyga futboldan chetlatish (diskvalifikatsiya) haqida qaror chiqargan, bu esa Xitoy Superligasi tarixidagi eng ogʻir jazo boʻlgan[6].
2023-yil 2-fevralda 2022-yilgi FIFA Klublar oʻrtasidagi jahon chempionati doirasida Ma „Al-Ahli“ va „Oklend Siti“ klublari oʻrtasidagi bahsni boshqardi, unda „Al-Ahli“ 3:0 hisobida gʻalaba qozondi.
2024-yil 8-fevralda Ma Ning 2024-yil 10-fevral kuni Doʻhada boʻlib oʻtadigan Iordaniya va Qatar terma jamoalari oʻrtasidagi 2023-yilgi AFC Osiyo kubogi final uchrashuviga bosh hakam etib tayinlandi[7].
2025-yil 14-oktyabrda Ma 2025-yilgi FIFA Arab kubogi uchun 14 nafar hakamdan biri etib tayinlandi[8], hozirgacha Mavritaniya va Quvayt, Marokash va Komor orollari, Birlashgan Arab Amirliklari va Quvayt oʻrtasidagi oʻyinlarni boshqargan.
Ma 2026-yilgi FIFA Jahon chempionatida oʻyinlarni boshqaradigan 52 hakamdan biri boʻlib, Lu Jundan keyin bosh hakam boʻlgan yagona xitoylik hakam edi[9][2]. 2026-yil 20-iyun kuni Ma Ekvador va Kyurasao oʻrtasidagi 2026-yilgi FIFA Jahon chempionati E guruhi oʻyinida hakam sifatida debyut qilgan va oltita sariq kartochka koʻrsatgan[10][11].
Bahsli holatlar
2015-yilgi Xitoy Superligasi: Shanxay Port FC — Shanxay Shenhua FC
2015-yil 9-may kuni Ma Xitoy Superligasida Shanghai SIPG va Shanghai Shenhua oʻrtasidagi Shanxay derbisida Shenhua jamoasining uchta futbolchisini maydondan chetlatganida keng koʻlamli bahslarga sabab boʻlgan; oʻyin SIPG jamoasi foydasiga 5:0 hisobida yakunlangan[12].
2025–26-yilgi Osiyo Chempionlar Ligasi elitasi: Al Ittihod — Machida Zelvia
2026-yil 17-aprel kuni Osiyo Chempionlar Ligasi Elit chorak finalida Ma Ning 86-daqiqada „Al Ittihod“ning Machida Zelvia jamoasiga qarshi golini bahsli tarzda bekor qilgan. „Al Ittihod“ klubiga qarshi koʻplab qoidabuzarliklarni inobatga olmagan, bu esa „Al Ittihod“ muxlislari orasida bahs-munozaralarga sabab boʻlgan. Oʻyin 1:0 hisobida Machida Zelvia foydasiga yakunlanib, „Al Ittihod“ni musobaqani tark etgan[13].
Ommaviy madaniyatda
Ma Ning Xitoyning „Lenovo“, „Hisense“ va „Mengniu“ brendlari homiyligini qoʻlga kiritgan. Ijtimoiy tarmoqdagi akkauntini ochganidan beri u 200 000 dan ortiq obunachi toʻplagan[14][15].
Manbalar
- ↑ FIFA. „China PR: Referees“.
- ↑ 2,0 2,1 He, Kathleen Magramo, Fred „China didn’t qualify for the World Cup, but fans will be cheering for the ‘Card Master’ referee“ (en). CNN (2026-yil 15-iyun). Qaraldi: 2026-yil 16-iyun.
- ↑ „坚持根本遵循 深化足球改革 推动联赛发展——2019赛季中超、中甲联赛动员大会召开“ (zh). CFA.com (2019-yil 23-fevral). 2020-yil 4-avgustda asl nusxadan arxivlangan. Qaraldi: 2019-yil 26-fevral.
- ↑ „FIFA公布世界杯裁判名单：马宁率3名中国裁判入选“ (zh). Sina Sports (2022-yil 19-may). Qaraldi: 2022-yil 4-sentyabr.
- ↑ „中超-多拉多染红黄紫昌面对旧主破门 武汉2-2河南“ (zh). Sina Sports (2022-yil 21-avgust). Qaraldi: 2022-yil 4-sentyabr.
- ↑ „官方：多拉多撞马宁属暴力行为 禁赛12个月罚20万“ (zh). Sina Sports (2022-yil 26-avgust). Qaraldi: 2022-yil 4-sentyabr.
- ↑ „AFC Asian Cup Qatar 2023 Match Officials - Final 10 February“. Asian Football Confederation. Qaraldi: 2024-yil 8-fevral.
- ↑ „Match officials for the FIFA Arab Cup Qatar 2025™“. FIFA.com. Fédération Internationale de Football Association (2025-yil 14-oktyabr). Qaraldi: 2025-yil 14-oktyabr.
- ↑ Chan, byMelody „Ma Ning leads China's return to the World Cup“ (en). www.thestandard.com.hk. Qaraldi: 2026-yil 16-iyun.
- ↑ „China’s Ma Ning praised for his ‘masterful performance’ in first World Cup match“ (en). South China Morning Post (2026-yil 21-iyun). Qaraldi: 2026-yil 21-iyun.
- ↑ „Chinese officials take World Cup stage“. Xinhua (2026-yil 21-iyun). Qaraldi: 2026-yil 21-iyun.
- ↑ „上海德比彻底失控！半场2红8黄 然后就是屠杀“ (zh). Sina Sports (2015-yil 9-may). Qaraldi: 2022-yil 4-sentyabr.
- ↑ „Chinese referee Ma Ning removed from AFC Champions League after controversial calls“ (en). Chosun Biz (2026-yil 22-aprel). Qaraldi: 2026-yil 18-iyun.
- ↑ „Ma Ning, 46, the unexpected star for deprived Chinese football fans at World Cup“. AsiaOne (2026-yil 11-iyun). Qaraldi: 2026-yil 17-iyun.
- ↑ „With no team on field, China fans pin hopes on World Cup referee“ (en-GB). www.bbc.com (2026-yil 9-iyun). Qaraldi: 2026-yil 17-iyun.
