Yusuke Araki
 Araki, 2021-yil noyabr | |||
| Toʻliq ismi | Yusuke Araki | ||
|---|---|---|---|
| Tavallud sanasi | 1986-yil 2-may | ||
| Tavallud joyi | Ōme, Tokio, Yaponiya | ||
| Milliy musobaqalar | |||
| Yillar | Liga | ||
| 2016–hozirgacha[1] | J1 League | ||
| Xalqaro musobaqalar | |||
| Xalqaro yillar | Tashkilot | Lavozimi | |
| 2017–hozirgacha | FIFA roʻyxatidagi hakam | Hakam | |
Yusuke Araki (yaponcha: 荒木 友輔, Araki Yusuke, 1986-yil 2-mayda tugʻilgan) — yaponiyalik futbol hakami. U 2017-yildan buyon FIFA xalqaro hakamlari roʻyxatiga kiritilgan.
Faoliyati
1986-yil may oyida Ōme, Tokioda tugʻilgan Araki hakamlik faoliyatini Yaponiya futbol ligalarining quyi divizionlarida boshlagan[2]. U 2016-yilda mamlakatning eng yuqori futbol ligasi boʻlgan J1 Leagueda hakamlik qila boshladi[1]. Bir yil oʻtib, FIFA roʻyxatidagi xalqaro hakam maqomini oldi[3]. Araki Yaponiya futbolidagi eng nufuzli uchrashuvlardan ayrimlarini boshqargan. Jumladan, u 2021-yilgi va 2023-yilgi Japanese Super Cup final bahslarida hakamlik qilgan[3]. 2025-yil dekabr oyida Yaponiya futbol assotsiatsiyasi tomonidan „Yil hakami“ deb topilgan[4].
Xalqaro maydonda Araki turli musobaqalarda faoliyat yuritgan. U AFC U-16 Osiyo chempionati 2018 turniri, AFC U-23 Osiyo kubogi 2022, Futbol boʻyicha 2023-yilgi U-20 jahon chempionati va boshqa qator xalqaro turnirlarda hakamlik qilgan[5][3]. Shuningdek, u 2019-yilgi Yozgi Universiada futbol musobaqasi, Futbol boʻyicha 2023-yilgi Osiyo kubogi hamda AFC Osiyo Chempionlar Ligasi Elitasi 2025/2026 uchrashuvlarida ham ishlagan[3].
Araki Futbol boʻyicha 2026-yilgi jahon chempionati saralash bosqichi oʻyinlarida hakamlik qilgan va Yaponiya nomidan AQSh, Kanada hamda Meksikada oʻtkaziladigan mundial uchun tanlangan. Uning yordamchi hakami hamyurti Jun Mihara boʻladi[6].
2018-yilda Araki professional hakam sifatida shartnoma imzolagan[2].
Hakamlikdan tashqari faoliyati
Araki 1993–2005-yillar oraligʻida maktab davrida futbol bilan shugʻullangan[2]. U 2010-yilda Hosei Universityning Adabiyot fakultetini tamomlagan[2].
Manbalar
- ↑ 1,0 1,1 „OFICIAL| El colegiado japonés Yusuke Araki, árbitro del Japón-España“ (es). Royal Spanish Football Federation (2021-yil 16-iyul). Qaraldi: 2026-yil 11-aprel.
- ↑ 2,0 2,1 2,2 2,3 „荒木友輔氏、山内宏志氏とプロフェッショナルレフェリー契約を締結“ (ja). Japan Football Association (2018-yil 22-fevral). Qaraldi: 2026-yil 11-aprel.
- ↑ 3,0 3,1 3,2 3,3 „Introducing Referees“. Japan Football Association (2026). Qaraldi: 2026-yil 11-aprel.
- ↑ „2025 JLeague Awards“ (ja). JLeague.jp (2025-yil 11-dekabr). Qaraldi: 2026-yil 11-aprel.
- ↑ Minh, Lé. „Trọng tài Nhật Bản lần đầu thổi trận đấu của U23 Việt Nam“ (vi). Znews.vn (2022-yil 12-iyun). Qaraldi: 2026-yil 11-aprel.
- ↑ „サッカーW杯審判員に日本から2人選出 荒木友輔主審と三原純副審“ (ja). The Nikkei (2026-yil 10-aprel). Qaraldi: 2026-yil 11-aprel.