Sandro Schärer
 Sandro Schärer, 2021-yilda | |||
| Toʻliq ismi | Sandro Schärer | ||
|---|---|---|---|
| Tavallud sanasi | 1988-yil 6-iyun | ||
| Tavallud joyi | Schübelbach, Shveytsariya | ||
Sandro Schärer (1988-yil 6-iyunda tugʻilgan) — shveytsariyalik professional futbol hakami[1]. U 2015-yildan beri FIFA toifasidagi toʻliq xalqaro hakam hisoblanadi[2].
Hakamlik faoliyati
2005-yilda hakamlik boʻyicha tayyorgarligini tamomlagach, Sandro Schärer tezda yuksaklik pogʻonalari boʻylab koʻtarildi va 2011-yilda, 23 yoshida, allaqachon Shveytsariyaning ikkinchi darajali ligasi hisoblangan Chellenj ligasi oʻyinlarini boshqarishni boshladi. 2013-yilda u „Lausanne-Sport“ FK va „Tun“ FK oʻrtasidagi uchrashuvda ilk bor Super liga doirasida hakamlik qildi.
Sandro Schärer 2019–2020-yilgi Shveytsariya Kubogi finalida „Bazel“ FK va „Young Boys“ jamoalari oʻrtasidagi uchrashuvni boshqargan.
Sandro Schärer xalqaro maydondagi debyutini Bolgariyada oʻtkazilgan 2015-yilgi U–17 Yevropa chempionati saralash turnirida amalga oshirgan. Oʻsha yili u kattalar oʻrtasidagi xalqaro darajadagi ilk uchrashuvini ham oʻtkazdi — „IF Elfsborg“ va „Lahti“ FK oʻrtasidagi 2015–2016-yilgi Yevropa ligasi saralash bosqichi bahsida hakamlik qilgan.
U ilk bor kattalar oʻrtasidagi xalqaro uchrashuvni 2017-yil may oyida, Italiya va San-Marino terma jamoalari oʻrtasidagi oʻrtoqlik uchrashuvida boshqargan. Shundan beri u muntazam ravishda Yevropa ligasi guruh bosqichi uchrashuvlari va Chempionlar ligasi saralash bosqichi oʻyinlarida hakamlik qilib kelmoqda.
2020-yil oktabr oyida u ilk bor Chempionlar ligasi guruh bosqichida, "Barselona" FK va „Ferentsvarosh“ jamoalari oʻrtasidagi uchrashuvda hakamlik qildi. Shu tariqa u 2011-yilda Massimo Busaccadan keyin Chempionlar ligasi guruh bosqichida ishlagan birinchi shveytsariyalik hakamga aylandi.
Sandro Schärer Vengriya va Sloveniyada boʻlib oʻtgan 2021-yilgi U–21 Yevropa chempionati guruh bosqichi uchun 12 nafar hakamdan biri sifatida nomzod etib koʻrsatildi. U uchta uchrashuvni, jumladan, Germaniya va Niderlandiya oʻrtasidagi yarim final uchrashuvini boshqardi.
Sharer Varshavadagi Milliy stadionda oʻtkazilgan 2024-yilgi UEFA Superkubogi uchrashuvini boshqargan, unda "Real Madrid" "Atalanta" ustidan 2:0 hisobida gʻalaba qozongan.
2025-yil 8-iyunda Sandro Schärer Münchendagi "Allianz Arena" stadionida oʻtkazilgan 2025-yilgi UEFA Millatlar ligasi finalida bosh hakam boʻlib ishladi. Unda Portugaliya Ispaniya ustidan gʻalaba qozondi.
Yana qarang
Manbalar
- ↑ „Profile on worldreferee.com“. 2016-yil 22-avgustda asl nusxadan arxivlangan. Qaraldi: 2016-yil 21-avgust.
- ↑ „Education & Technical - Referees by Association - FIFA.com“ (2015-yil 28-may). 2016-yil 5-martda asl nusxadan arxivlangan. Qaraldi: 2024-yil 26-iyun.