Jundab ibn Kaʼb al-Azdiy
| Jundab ibn Kaʼb al-Azdiy | |
|---|---|
| Fuqaroligi | Roshidun xalifaligi |
| Jang/urush | |
Jundub ibn Kaʼb al-Azdiy (arabcha: جندب بن كعب الأَزْدي) — islom paygʻambari Muhammad va Alining sahobasi. Azd qabilasining Gʻamd tarmogʻidan boʻlgan. Ali bilan birga Tuya va Siffin jangida ishtirok etgan. Molik al-Ashtar, Ammor ibn Yasir va Miqdod ibn Asvad bilan birga Ali va uning yoʻliga sodiq qolgan.
Al-Volid ibn Uqba hokimligi davridagi hodisa
Ayrim tarixiy rivoyatlarda Usmon xalifaligi davrida Kufada al-Volid ibn Uqba hokimligi paytida Jundub ibn Kaʼb al-Azdiy bilan bogʻliq bir hodisa qayd etiladi[1][2].
Bu rivoyatlarga koʻra, bir sehrgar al-Volidning huzuriga olib kelinib, Kufa masjidida turli hiyla-nayranglar koʻrsatgan[1]. Jundub ibn Kaʼb esa bu sehr namoyishiga eʼtiroz bildirgan va odamlarni aldanib qolishdan ogohlantirgan. U goʻyoki sehrgarga qarshi chiqqan, uning daʼvolarini rad etib bahslashgan va oxir-oqibat uni oʻldirgan. Jundub sehr uchun oʻlim jazosi berilishi lozimligini bildirgan[1][3].
Shundan soʻng Jundub qotillikda ayblanib hibsga olingan va qamoqqa tashlangan[3]. Keyin bu ish Madinada xalifa Usmonga yetkazilgan va u Jundubni aybsiz deb eʼlon qilgan. Soʻngra Jundub ozod etilgan. Biroq ayrim rivoyatlarda u oʻzining Azd qabilasi aʼzolari yordami bilan qamoqdan qochib ketgani ham aytiladi[1].
Manbalar
- ↑ 1,0 1,1 1,2 1,3 Madelung 1997, s. 109.
- ↑ Ibn Sa'd 2012, s. 178.
- ↑ 3,0 3,1 Savage-Smith 2021, s. 98.
Adabiyotlar
- Ibn Sa'd, Muhammad. Kitab at-Tabaqat al-Kabir, Volume VI: The Scholars of Kufa. London: Ta-Ha Publishers, 2012. ISBN 9781842001240.
- Madelung, W.. The Succession to Muḥammad: A Study of the Early Caliphate. Cambridge University Press, 1997. ISBN 978-0-521-64696-3.
- Savage-Smith, Emilie. Magic and Divination in Early Islam, reprint, annotated, The Formation of the Classical Islamic World, Routledge, 2021. ISBN 978-1-351-92102-2.