Sahoba

Sahoba (arabcha: اَلصَّحَابَةُ‎‎; aṣ-ṣaḥāba — „suhbatdosh boʻlmoq“, „sohib boʻlmoq“) paygʻambar Muhammad alayhissalomni koʻrgan, u bilan suhbatdosh boʻlgan, doʻst tutingan va unga iymon keltirib, iymonli holida vafot etgan musulmonlarga nisbatan qoʻllaniladigan atamadir. Sahobalar Islom taʼlimotini keyingi avlodlarga yetkazishda katta xizmatlar qilishgan. Ularning ismlari oldidan „raziyallohu anhu“ yaʼni „Alloh ulardan rozi boʻlsin“ jumlasi qoʻshib aytiladi. Ular Rosululloh Muhammad alayhissalomning hadislarini rivoyat qilishgan.