Jezqazgʻan aeroporti

Jezqazgʻan aeroporti
IATA kodi: DZN – ICAO kodi: UAKD
Qisqacha bayon
Aeroport turi		Fuqarolik
Operator		„Zhezkazgan Air“ AJ
Joylashuvi		Jezqazgʻandan 8 km (5.0 mi) janubi-sharqda, Qozogʻiston
Dengiz sathidan balandligi		381 m / 1,250 ft
Koordinatalari		47°42′32″N 067°44′21″E
Vebsayti		www.zhezair.kz/eng
Xarita
UAKD Aeroportning Qozogʻiston xaritasidagi joylashuvi
Uchish/qoʻnish yoʻlaklari
	Uzunligi		Yuzasi
	m	ft
04/22	2,600	8,530	Beton
Manba: AIP Qozogʻiston

Jezqazgʻan aeroporti (qozoqcha: Жезқазған Әуежайы) (IATA: DZN, ICAO: UAKD) – Qozogʻistonning Ulitov viloyati maʼmuriy-markazi Jezqazgʻan shahriga xizmat koʻrsatuvchi aeroport.

Hozirda unda bitta asfalt-beton uchish-qoʻnish yoʻlagi va yana toʻrtta asfaltlanmagan uchish-qoʻnish yoʻlagi mavjud. Yoʻl qoplamasi tasnifi raqami 37/R/B/X/T.

2015-yil aeroport 29 518 yoʻlovchiga xizmat koʻrsatgan boʻlsa, 2016-yilda bu raqam 26 624 kishiga kamaydi.

Tarixi

Eski aeroport Jezqazgʻan temir yoʻl stansiyasidan 1 km (0.62 mi) uzoqlikda joylashgan edi. Uning ikkita asfaltlanmagan uchish-qoʻnish yoʻlagi boʻlgan: uzunligi 1,800 m (5,900 ft) boʻlgan 18/36 va uzunligi 1,400 m (4,600 ft) boʻlgan 10/28.

Bahorda yomgʻir yoki qor erishi tufayli uchish-qoʻnish yoʻlaklari namlanib, aeroportda reyslar amalga oshirila olmasdi, bu esa reyslarning bekor qilinishiga olib kelgan.

1971—1973-yillarda asfalt-beton uchish-qoʻnish yoʻlagiga ega yangi, hozirda faoliyat yuritayotgan aeroport qurildi va 1985-yilda soatiga 200 yoʻlovchiga xizmat koʻrsata oladigan yangi terminal qurildi.

Yangi aeroportdan birinchi parvoz Ilyushin Il-18 samolyoti tomonidan amalga oshirilgan. 1970-yillarda aeroportda Jezqazgʻan birlashgan aviaeskadrilyasi (ruscha: Джезказганская объединённая авиаэскадрилья) tashkil etildi. 1983-yilda unda L-410 samolyotlaridan tijorat maqsadlarida foydalanishni boshladi va 1995-yilda ikkita Mi-8 vertolyotiga ega boʻldi.

1996-yil oktyabr oyida aeroportda Jezkazgan Air aviakompaniyasi tashkil etildi.

2004-yilda aeroport terminali va uchish-qoʻnish yoʻlagi rekonstruksiya qilindi, shuningdek, uskunalari yangilandi. Bu mis qazib olish kompaniyasi boʻlgan Qozoqmis moliyaviy koʻmagida amalga oshirildi.

2008-yilda Qozogʻiston hukumati qarori bilan aeroport xalqaro deb eʼlon qilindi.

Qabul qila oladigan samolyotlari

• An-12
• An-24
• An-26
• Il-76
• Tu-134
• Tu-154
• Yak-40
• Yak-42
• Bombardier CRJ100/200
• Bombardier Q400
• Embraer EMB 120 Brasilia
• Boeing 737

Baxtsiz hodisalar va falokatlar

1987-yil 6-yanvarda Jezqazgʻan birlashgan aviaeskadrilyasiga tegishli boʻlgan Jezqazgʻan – Qorakengir – Qoʻrgʻasin – Amangeldi – Sari-Qengir – Sarisu – Jetikonur – Jezqazgʻan yoʻnalishi boʻyicha X-607 pochta reysini amalga oshirayotgan Antonov An-2R (bort raqami СССР-16075) samolyoti Qaragʻanda viloyatidagi Urojayniy aerodromidan 34 km shimolda noqulay ob-havo sharoitida (past bulutlar, qor yogʻishi, cheklangan koʻrinish, muzlash) halokatga uchradi. Xavfsiz balandlikdan past balandlikda qor bilan qoplangan yer ustidan uchib oʻtayotganda ekipaj yer bilan vizual aloqani yoʻqotdi. Moskva vaqti bilan soat 12:03 da samolyot 680 m balandlikdagi tepalikka urilib ketdi. Samolyot uchuvchisi halok boʻldi. Samolyotni havodan va yerdagi guruhlar tomonidan qidirish qiyin ob-havo sharoitlari (1000 m koʻrinishga ega va 18 m/s gacha shamol tezligida boʻlgan qor boʻroni, shuningdek, 100 m past bulutlar) tufayli murakkablashdi. Halokat joyi besh kundan keyin, 1987-yil 11-yanvarda Moskva vaqti bilan soat 09:10 da (Jezqazgʻan aeroportidan 190 km uzoqlikda, azimuti 353°) topildi. Tirik topilgan ikkinchi uchuvchi vertolyot bilan evakuatsiya qilindi va kasalxonaga olib ketildi, u yerda 1987-yil 13-yanvarda vafot etdi.

Havolalar

• http://www.gcmap.com/airport/DZN
• Jezqazgʻan shahri aeroporti.