Ibn Habib
| Ibn Habib | |
|---|---|
| إبن حبيب | |
| Tavalludi |
taxminan 796 |
| Vafoti |
taxminan 853 Kordova |
| Akademik maʼlumot | |
| Akademik faoliyat | |
| Davr | Islom oltin davri, al-Andalus |
| Asosiy sohasi | Tarix, fiqh, grammatika, nasabnoma, tibbiyot |
Abu Marvon Abd al-Malik ibn Habib as-Sulamiy (arabcha: أبو مروان عبدالملك بن حبيب السلمي) (180–238 hijriy) (796–853 CE; Ibn Habib nomi bilan ham tanilgan) — andalusiyalik 9-asr qomusiy olimi. Uning qiziqishlariga tibbiyot, fiqh, tarix, grammatika va nasabnoma kirgan hamda al-Andalusda tibbiyot haqida kitob yozgan birinchi shaxs boʻlgani aytiladi[1]. Oʻzining ajoyib bilimlari tufayli u Ispaniyaning olimi sifatida tanilgan[2].
Hayoti
Ibn Habib 790-yilda Hisn Vat (hozirgi Huétor Vega shaharchasi bilan aynanlashtiriladi) da, Granada shahri yaqinidagi qishloqda tugʻilgan. U oʻz nasabini Banu Sulaym arab qabilasidan deb bilgan, shu bois as-Sulamiy nisbasinini olgan[2]. Otasi attar (عطار; 'dori sotuvchi yoki atirchi') boʻlgan; xuddi shuningdek, Ibn Habib ham otasi bilan birga dori sotuvchi boʻlib ishlagan[3]. U dastlab Elvirada tahsil olgan, keyin esa oʻqishini davom ettirish uchun oʻsha paytda Umaviylar Kordova amirligi poytaxti boʻlgan Kordova shahriga koʻchib borgan[2]. 822/3-yillarda Ibn Habib otasining moliyaviy koʻmagi bilan Makka shahriga haj safarini amalga oshirgan. Ziyoratdan soʻng u Madinada va Misrda Molikiy mazhabidagi fiqhni oʻrganish uchun qolgan[2], u yerda Ibn Abdulhakam va Abdulloh ibn al-Muborakdan taʼlim olgan. Ibn Habib 853-yilda kasallikdan soʻng vafot etgan[2] va Kordovadagi Umm Salama qabristoniga dafn etilgan. Uning ikki oʻgʻli: Muhammad va Ubaydulloh hamda ismi tilga olinmagan bir qizi qolgan[3].
Asarlari
- al-Vadiha (الواضحة; Molikiy huquqi boʻyicha kompendium)
- Gʻorib al-hadis (غريب الحديث)
- Tafsīr al-Muvaṭṭaʾ (تفسير الموطأ; Muvattoga sharh)
- Hurub al-Islam (حروب الإسلام; Islom urushlari)
- Adab al-Nisaʼ (أدب النساء; Ayollar axloqi)[4].
- As-Samāʿ (السماء; Osmon)
- Tabaqat al-Fuqahaʼ va Tabi’in (طبقات الفقهاء والتابعين; Fuqaholar va tobeinlar tabaqotlari)
- At-Taʾrīx (التأريخ; Solnomalar)
- Kitāb al-Varaʿ (كتاب الورع; Taqvo kitobi)
- Vaṣf al-Firdavs (وصف الفردوس; Jannat tasviri)
- Muxtasar fī al-ṭibb (مختصر في الطب; Tibbiyot boʻyicha kompendium)
Yana qarang
Havolalar
Manbalar
- ↑ Camilo Alvarez de Morales and Fernando Girón Irueste: Compendio de Medicina . Consejo Superior de Investigaciones Científicas, Instituto de Cooperación con el Mundo Arabe, Madrid, 1992. p. 30.
- ↑ 2,0 2,1 2,2 2,3 2,4 Huici Miranda, A. (2012-04-24). "Ibn Ḥabīb" (en). Encyclopaedia of Islam, Second Edition. https://referenceworks.brillonline.com/entries/encyclopaedia-of-islam-2/ibn-habib-SIM_3175?lang=en.
- ↑ 3,0 3,1 Sala, Monferrer; Pedro, Juan (2010-03-24). "Abū Marwān ʿAbd almalik ibn Ḥabīb ibn Sulaymān ibn Hārūn/Marwān ibn Julhuma ibn ʿAbbās ibn Mirdās al-Sulamī" (en). Christian-Muslim Relations 600 - 1500. https://referenceworks.brillonline.com/entries/christian-muslim-relations-i/abu-marwan-abd-almalik-ibn-habib-ibn-sulayman-ibn-harunmarwan-ibn-julhuma-ibn-abbas-ibn-mirdas-al-sulami-COM_23764.
- ↑ Habib, Ibn. Adab al-nisa' (Arabic).
Andoza:Islamic medicineAndoza:Historians of IslamAndoza:Maliki scholars