Ben Austin
| Ben Austin | |
|---|---|
 Austin 2000-yilgi Yozgi Paralimpiya oʻyinlarida 200 m kompleks usulda (SM8) kumush medalni qoʻlga kiritganini nishonlamoqda | |
| Shaxsiy maʼlumotlari | |
| Tavallud sanasi |
1980-yil 7-noyabr Vellington (Yangi Janubiy Uels), Avstraliya |
| Boʻyi | 1.87 m (6 ft 2 in) |
| Vazni | 83 kg (183 lb) |
| Sport | |
| Mamlakat |
 Avstraliya |
Benjamin James Austin (1980-yil 7-noyabrda tugʻilgan) — avstraliyalik imkoniyati cheklangan suzuvchi[1]. Uning klassifikatsiyasi S8 (tirsakdan yuqori amputatsiya) hisoblanadi.
Yoshlik yillari
Austin 1980-yil 7-noyabrda Vellington shaharchasida tugʻilgan[2][3]. Onasi tarafdan buvisi orqali avstraliyalik tub joy aholisi nasliga mansub. Tugʻilganidan soʻng bir necha hafta oʻtgach, tugʻruq bilan bogʻliq asoratlar sababli shifokorlar uning chap qoʻlini tirsagidan yuqorisini amputatsiya qilishga majbur boʻlishgan. Suzishdan tashqari u regbi-lig, regbi-union, Vaterpolo[2] va basketbol oʻynaydi[2][3]. U ingliz tilini oʻqituvchisi boʻlish imkonini beruvchi mutaxassislik boʻyicha tahsil olayotgan talaba hisoblanadi[2]. Shuningdek, Austin kineziologiya sohasini oʻrganmoqda[3]. Hozirda Avstraliyaning Sidney shahrida istiqomat qiladi[3]. Boyi 187 centimetr (6 ft 2 in), vazni esa 83 kilogram (183 lb)[3]. Uning toʻrtta opasi bor[4].
Suzish faoliyati
Austin suzishni besh yoshida boshlagan va 1996-yildan musobaqalarda qatnasha boshlagan[4]. U ilk bor 1999-yilda Avstraliya terma jamoasi sharafini himoya qilgan[2]. U asosan Paralimpiya suzuvchisi sifatida tanilgan boʻlsa-da, sogʻlom sportchilar oʻrtasidagi suzish musobaqalarida ham qatnashgan[2]. U „Warringah Aquatic“ klubi sharafini himoya qilgan va unga Ben Davies murabbiylik qilgan[3]. 2008-yilda unga Graeme Carroll murabbiylik qilgan[5]. U Avstraliya sport instituti stipendiyasi sohibi boʻlgan[4]
U 2000-yilgi Yozgi Paralimpiada oʻyinlari, 2004-yilgi yozgi Paralimpiya o‘yinlaria oʻyinlari]] va 2008-yilgi Yozgi Paralimpiada oʻyinlarida ishtirok etgan[2]. 2000-yilgi oʻyinlarda u 200 m kompleks usulda suzishda kumush medal hamda 100 m batterfly va 4x100 m kompleks estafetada ikkita bronza medalini qoʻlga kiritgan[3]. Sportchi Sidney-2000 oʻyinlariga 200 m kompleks usulda suzish boʻyicha 1-oʻrindagi reyting bilan tashrif buyurdi hamda 100 m va 50 m erkin usulda va batterfly yoʻnalishlarida kuchli beshlikdan joy olgan[6]. 2004-yilgi oʻyinlarda u 100 m erkin usulda va 4×100 m kompleks estafeta bahslarida ikkita oltin medalni qoʻlga kiritdi va ushbu yutugʻi uchun Avstraliya ordeni bilan taqdirlangan[1]. Shuningdek, u 100 m batterfly, 200 m kompleks usulda hamda 4×100 m erkin usulda estafetada uchta kumush medalni va 4x100 m erkin usulda estafetada bronza medalini qoʻlga kiritgn[3][7]. Austin 2004-yilgi Paralimpiya oʻyinlarida 100 m erkin usulda va 100 m batterfly yoʻnalishlarida ikkita jahon rekordini oʻrnatgan[2]. 2008-yilgi oʻyinlarda esa sportchi erkaklar oʻrtasida 4x100 m kompleks estafetada (34 ochko) oltin medal va 4x100 m erkin usulda estafetada kumush medalga ega chiqqan[7][3].
U 2002 va 2006-yillardagi Xalqaro Paralimpiya qoʻmitasining suzish boʻyicha jahon chempionatida qatnashgan[3]. 2008-yilgi Avstraliya chempionatida u 100 m erkin usulda suzish bahslarida 0:59.08 natija koʻrsatib, shaxsiy rekordini yangiladi[3].
Manbalar
- ↑ 1,0 1,1 „Austin, Benjamin James, OAM“. It's an Honour. 2017-yil 18-oktyabrda asl nusxadan arxivlangan. Qaraldi: 2012-yil 2-fevral.
- ↑ 2,0 2,1 2,2 2,3 2,4 2,5 2,6 2,7 „Ben Austin“. Australian Paralympic Committee. 2012-yil 17-martda asl nusxadan arxivlangan. Qaraldi: 2011-yil 18-noyabr.
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 „Ben Austin“. Australia: Swimming Australia. 2011-yil 15-oktyabrda asl nusxadan arxivlangan. Qaraldi: 2011-yil 18-noyabr.
- ↑ 4,0 4,1 4,2 „Ben Austin“. Vibe Magazine (2004-yil oktyabr). Qaraldi: 2011-yil 18-noyabr.
- ↑ „One for the purists“. The Sydney Morning Herald (2008-yil 7-sentyabr). Qaraldi: 2011-yil 18-noyabr.
- ↑ „Halogen“. halogen.org.au. Qaraldi: 2017-yil 8-sentyabr.
- ↑ 7,0 7,1 „Athlete Search Results“. International Paralympic Committee. 2016-yil 4-martda asl nusxadan arxivlangan. Qaraldi: 2012-yil 19-aprel.