Angren koʻmir koni

Angren koʻmir koni — Toshkent viloyati Ohangaron vodiysidagi qoʻngʻir koʻmir koni. Qurama va Chatqol togʻlari etagida. Geologik kon qidiruv ishlari 1934-yildan boshlangan. Dastlabki shaxta 1940-yilda ishga tushirilgan. Koʻmirli havzaning maydoni qariyb 70 km². Aniqlangan zaxirasi 860 metr chuqurlikkacha 1,9 milliard tonna (Oʻrta Osiyodagi barcha koʻmir zaxirasining qariyb 1/4 qismi). Koʻmir yura yotqiziqlari orasida joylashgan, qatlami juda serbar, qalinligi yer yuzasida 20 metr chuqurlikdan 130 metrgacha. Koʻmir B2 markaziga mansub. Yonish issiqligi 13,9 MJ/kg. Koʻmir asosan ochiq usulda (2,5 million tonna), qisman yer ostidan (0,5 million tonna) qazib olinadi. Bundan tashqari „Yerostigaz“ stansiyasida koʻmir gazga aylantirilib, yiliga 50 million m3 gaz ishlab chiqariladi. Koʻmir bilan birga kaolin ham qazib olinadi. Qatlamlar orasida portland sement, flyus, burt hamda kanalizatsiya quvurlari ishlab chiqarish uchun xomashyo boʻladigan jinslar koʻp.

Adabiyotlar

• OʻzME. Birinchi jild. Toshkent, 2000-yil