2019-yilgi UEFA Superkubogi
| |||||||
|
Qoʻshimcha vaqtdan keyin penaltilar seriyasida „Liverpool“ 5–4 hisobida gʻalaba qozondi | |||||||
| Sana | 2019-yil 14-avgust | ||||||
|---|---|---|---|---|---|---|---|
| Oʻyin oʻtkazilgan joy | Vodafone Park, Istanbul | ||||||
| Uchrashuvning eng yaxshi o'yinchisi |
Sadio Mané (Liverpool)[1] | ||||||
| Hakam | Stéphanie Frappart (Fransiya)[2] | ||||||
| Tomoshabinlar soni | 38,434[3] | ||||||
| Ob-havo |
Bulutli tun 26 °C (79 °F) 73% namlik[4] | ||||||
← 2018 2020 → | |||||||
2019-yilgi UEFA Superkubogi – UEFA tomonidan tashkil etiladigan va har yili Yevropaning ikki asosiy klublararo turniri (Chempionlar ligasi va Yevropa Ligasi) gʻoliblari oʻrtasida oʻtkaziladigan 44-Superkubok bahsi boʻldi.
Final uchrashuvi 2019-yil 14-avgust kuni Turkiyaning Istanbul shahridagi Vodafone Park stadionida oʻtkazildi. Unda 2018–19-yilgi UEFA Chempionlar Ligasi gʻolibi „Liverpool“ va 2018–19-yilgi UEFA Yevropa Ligasi gʻolibi „Chelsea“ jamoalari toʻqnash keldi[5]. Bu bahs UEFA Superkubogi tarixida ilk bor ikki ingliz klubi oʻrtasida oʻtkazilgan final boʻldi. Umumiy hisobda esa bu bir davlat vakillari ishtirok etgan sakkizinchi Superkubok bahsi edi. Shuningdek, ilk bor musobaqada Video assistant referee (VAR) tizimi qoʻllanildi[6].
Uchrashuvning asosiy va qoʻshimcha vaqtlari 2:2 hisobida yakunlandi. Penaltilar seriyasida „Liverpool“ 5:4 hisobida gʻalaba qozonib, oʻz tarixida toʻrtinchi bor UEFA Superkubogiga ega chiqdi[1][7]. Gʻolib jamoa sifatida merseysaydliklar 4 million funt sterling miqdorida mukofot puli bilan taqdirlandi[8].
Jamoalar
| Jamoa | Saralash | Avvalgi ishtirok (qalin bilan koʻrsatilgan yillarda gʻolib boʻlgan) |
|---|---|---|
 Liverpool
|
2018–2019-yilgi UEFA Chempionlar Ligasi gʻolibi | 5 (1977, 1978, 1984, 2001, 2005) |
| Chelsea
|
2018–2019-yilgi UEFA Yevropa Ligasi gʻolibi | 3 (1998, 2012, 2013) |
Mezbon
Bu uchrashuv Turkiyada oʻtkazilgan ilk UEFA Superkubogi bahsi va mamlakat hududida UEFA klublar miqyosidagi musobaqalarning esa uchinchi finali sifatida qayd etildi. Bungacha Turkiyada 2005-yilda Istanbuldagi Olimpiya stadionida UEFA Chempionlar Ligasi finali hamda 2009-yilda Istanbuldagi Şükrü Saracoğlu stadionida UEFA Kubogi finali oʻtkazilgan edi[9][10].
Stadion Turkiyaning „Beşiktaş“ klubi uy stadioni hisoblanadi. UEFA qoidalariga koʻra, musobaqaga aloqador boʻlmagan homiylarning nom huquqlariga oid cheklovlar sababli, stadion UEFA manbalarida „Beşiktaş Park“ nomi bilan tilga olingan[9].
Mezbon tanlash jarayoni
Tarixda birinchi marta UEFA tomonidan 2016-yil 9-dekabrda klublar musobaqalari finallarining (UEFA Chempionlar Ligasi, UEFA Yevropa Ligasi, UEFA Ayollar Chempionlar ligasi va UEFA Superkubogi) oʻtkazilish joylarini tanlash uchun ochiq tender jarayoni eʼlon qilindi. Assotsiatsiyalar 2017-yil 27-yanvargacha oʻz qiziqishlarini bildirishlari lozim edi, tender hujjatlari esa 2017-yil 6-iyungacha topshirilishi kerak edi.
UEFA 2017-yil 3-fevral kuni toʻqqizta assotsiatsiya mezbonlik qilishga qiziqish bildirganini eʼlon qildi va 2017-yil 7-iyun kuni esa yettita assotsiatsiya 2019-yilgi UEFA Superkubogi uchun rasmiy ariza topshirganini tasdiqladi:
| Davlat | Stadion | Shahar | Sigʻim | Izoh |
|---|---|---|---|---|
 Albaniya |
Arena Kombëtare | Tirana | 22,500 | |
 Fransiya |
Stadium Municipal | Toulouse | 33,150 | |
 Isroil |
Sammy Ofer Stadium | Haifa | 30,870 | |
 Qozogʻiston |
Astana Arena | Astana | 30,244 | 2019-yilgi UEFA Ayollar Chempionlar ligasi finaliga ham ariza topshirgan |
 Shimoliy Irlandiya |
Windsor Park | Belfast | 18,434 | |
 Polsha |
Stadion Energa Gdańsk | Gdańsk | 41,160[11] | |
 Turkiya |
Vodafone Park | Istanbul | 41,188[12] | 2019-yilgi UEFA Yevropa ligasi finaliga ham ariza topshirgan |
Quyidagi assotsiatsiyalar mezbonlik qilishga qiziqish bildirgan, biroq yakunda ariza topshirmagan:
Ariza baholash hisobotini UEFA 2017-yil 14-sentabrda eʼlon qildi[13]. UEFA Ijroiya qoʻmitasi esa 2017-yil 20-sentabrda mezbon stadion sifatida Vodafone Parkni tanladi[14][10].
Oʻyin
Qisqa sharh
36-daqiqada „Chelsea“ hisobni ochdi. Christian Pulisicning chap qanotdan uzatmasidan Olivier Giroud toʻpni chap oyogʻi bilan darvozaning oʻng burchagiga yoʻlladi. Oradan koʻp oʻtmay, Pulisicning ikkinchi goli VAR tekshiruvidan soʻng ofsayd sababli. 48-daqiqada Sadio Mané hisobni tenglashtirdi. U zaxiradan maydonga tushgan Roberto Firminoning darvozabon ustidan oshirib uzatgan toʻpini dastlabki urinishda darvozaga kiritolmadi, biroq yaqin masofadan bergan ikkinchi zarbasi golga aylandi.
Uchrashuvning asosiy vaqti 1-1 hisobida yakunlangach qoʻshimcha boʻlimlarga oʻtdi va 95-daqiqada Sadio Mané oʻzining ikkinchi golini kiritdi. Senegallik futbolchi Roberto Firminoning chap qanotdan amalga oshirgan uzatmasidan keyin toʻpni darvozaning yuqori oʻng burchagiga yoʻlladi[15].
Olti daqiqa oʻtib, „Chelsea“ foydasiga penalti belgilandi. Adrián jarima maydonida toʻpga chiqayotgan vaqtida Tammy Abrahamga nisbatan qoʻpollik ishlatgan deb topildi. Jorginho zarbani aniq amalga oshirib hisobni 2:2 koʻrinishiga keltirdi.
Uchrashuv penaltilar seriyasiga qadar davom etdi. Hisob 5:4 boʻlib turganda, Tammy Abrahamning pastlatib yoʻllagan zarbasini Adrián oʻng oyogʻi bilan qaytardi va „Liverpool“ga gʻalabani taqdim etdi[16].
Tafsilotlar
        Liverpool[4]
|
|
Oʻyinning eng yaxshi futbolchisi:
Qanot hakamlari:[2]
|
Oʻyin qoidalari[17]
|
Statistika
|
|
|
|
Manbalar
- ↑ 1,0 1,1 1,2 „Liverpool beat Chelsea on penalties to win Super Cup“. UEFA. Union of European Football Associations (2019-yil 14-avgust). Qaraldi: 2019-yil 14-avgust.
- ↑ 2,0 2,1 2,2 2,3 2,4 2,5 2,6 „Stéphanie Frappart to referee UEFA Super Cup“. UEFA. Union of European Football Associations (2019-yil 2-avgust). 2019-yil 10-noyabrda asl nusxadan arxivlangan. Qaraldi: 2019-yil 2-avgust.
- ↑ 3,0 3,1 „Liverpool vs. Chelsea – 14 August 2019“. Soccerway. Perform Group (2019-yil 14-avgust). 2019-yil 3-oktyabrda asl nusxadan arxivlangan. Qaraldi: 2019-yil 27-avgust.
- ↑ 4,0 4,1 4,2 „Tactical line-ups“. UEFA. Union of European Football Associations (2019-yil 14-avgust). Qaraldi: 2019-yil 14-avgust.
- ↑ „2019 UEFA Super Cup: Liverpool v Chelsea“. UEFA. Union of European Football Associations (2019-yil 1-iyun).
- ↑ „VAR to be introduced in 2019/20 UEFA Champions League“. UEFA. Union of European Football Associations (2018-yil 27-sentyabr). 2018-yil 14-oktyabrda asl nusxadan arxivlangan. Qaraldi: 2018-yil 27-sentyabr.
- ↑ „Adrian the hero as Liverpool beat Chelsea on penalties to win Super Cup“. BBC (2019-yil 14-avgust). Qaraldi: 2019-yil 14-avgust.
- ↑ Liverpool at Club World Cup: Five reasons why Qatar tournament matters to Reds, BBC Sport, 18 December 2019, qaraldi: 19 December 2019
- ↑ 9,0 9,1 „Beşiktaş Park, Istanbul to stage 2019 UEFA Super Cup“. UEFA. Union of European Football Associations (2017-yil 20-sentyabr).
- ↑ 10,0 10,1 „Madrid to host UEFA Champions League Final 2019“. UEFA. Union of European Football Associations (2017-yil 20-sentyabr). 2017-yil 20-sentyabrda asl nusxadan arxivlangan. Qaraldi: 2017-yil 20-sentyabr.
- ↑ „Stadion Energa Numbers“. 2017-yil 6-iyunda asl nusxadan arxivlangan. Qaraldi: 2018-yil 12-mart.
- ↑ „Stat Arama Detay TFF“. www.tff.org. Qaraldi: 2018-yil 12-mart.
- ↑ „UEFA Club Competition Finals 2019 Evaluation Report“. UEFA. Union of European Football Associations.
- ↑ „UEFA Executive Committee agenda for Nyon meeting“. UEFA. Union of European Football Associations (2017-yil 7-sentyabr). 2017-yil 9-sentyabrda asl nusxadan arxivlangan.
- ↑ „Super Cup joy for Jurgen Klopp as Adrian clinches penalty shootout glory“. The Independent (2019-yil 14-avgust). 2019-yil 15-avgustda asl nusxadan arxivlangan. Qaraldi: 2019-yil 15-avgust.
- ↑ „Liverpool sink Chelsea to lift Super Cup thanks to Adrián shootout save“. Guardian (2019-yil 14-avgust). Qaraldi: 2019-yil 15-avgust.
- ↑ „Regulations of the UEFA Super Cup 2019“. UEFA. Union of European Football Associations. 2020-yil 5-avgustda asl nusxadan arxivlangan.
- ↑ 18,0 18,1 18,2 18,3 „Team statistics“. UEFA. Union of European Football Associations (2019-yil 14-avgust). 2024-yil 17-iyunda asl nusxadan arxivlangan. Qaraldi: 2019-yil 14-avgust.