Zumrud Guluzade
| Zumrud Guluzade | |
|---|---|
| Zümrüd Quluzadə | |
 | |
| Tavalludi |
Zümrüd Quluzadə 17-mart 1932-yil |
| Vafoti |
26-sentyabr 2021-yil (89 yoshda) Boku, Ozarbayjon |
| Kasbi | falsafa fanlari professori |
Zumrud Guluzade (ozarbayjoncha: Zümrüd Quluzadə; 1932-yil 17-martda tugʻilgan – 2021-yil 26-sentyabrda vafot etgan) – Ozarbayjon fanlar akademiyasi falsafa fanlari professori, Ozarbayjonda xizmat koʻrsatgan fan nomzodi va „Shuhrat“ ordeni sohibi[1].
Zumrud Guluzada ozarbayjon, turk, ingliz va rus tillarida yaratilgan falsafaga oid koʻplab kitoblar muallifi hisoblanadi.
Hayoti
Guluzade 1932-yil 17-martda Bokuda dunyoga kelgan. 1949-yilda oʻrta maktabni imtiyozli diplom bilan tamomlab, Boku davlat universitetining tarix fakulteti falsafa yoʻnalishiga oʻqishga kirgan. Bakalavriatni aʼlo baholar bilan tugatgan Guluzade 1954–1957-yillarda magistratura bosqichida taʼlim olgan. Soʻngra Ozarbayjon fanlar akademiyasi Falsafa va huquq institutida doktorantura bosqichini tamomlagan[2].
Guluzade oʻzining doktorlik tadqiqotlarini antagonistik jamiyatda ustqurilmaning roli hamda hurufiylikning falsafiy asoslari mavzularida olib borgan. Uning „Hurufism and its representatives in Azerbaijan“ (Hurufiylik va uning Ozarbayjondagi vakillari) asari bu mavzuda yozilgan eng muhim ilmiy ishlar qatoriga kiradi. Ozarbayjonda Gʻarb va Sharq muammosi ilk bor falsafiy jihatdan aynan Zumrud Guluzade tomonidan yoritilgan. Bu borada Guluzade 1984-yilda yozilgan „Zakonomernosti razvitiya vostochnoy filosofii XIII–XVI i problema Zapad–Vostok“ (tarjimasi „XIII–XVI asrlar Sharq falsafasining rivojlanish qonuniyatlari va G‘arb–Sharq muammosi“) nomli asari bilan tanilgan. U „History of Philosophy of Azerbaijan“ (Ozarbayjonning falsafa tarixi) kitobining tahrir hay’ati aʼzolaridan biri boʻlgan. Kitobning 2002-yilda chop etilgan birinchi jildi va 2007-yilda chop etilgan ikkinchi jildining bosh muharriri boʻlgan hamda bir qancha boʻlimlar, jumladan, 2007-yilda nashr etilgan „Ozarbayjon ensiklopediyasi“dagi „Philosophy“ (Falsafa) maqolasining muallifi hisoblanadi. Shuningdek, Guluzade „Problems of Eastern Philosophy“ (Sharq falsafasi muammolari) nomli jurnalning ham bosh muharriri boʻlib ishlagan[3][4][5].
2015-yilda Prezident Ilhom Aliyev farmoni bilan Zumrud Guluzade „Shuhrat“ ordeni bilan taqdirlangan[6].
Manbalar
- ↑ „Sənətşünaslıq elmləri doktoru Zümrüd Quluzadənin 75 yaşı qeyd olunacaq“ (az). APA.az (2007-yil 27-mart). 2012-yil 21-martda asl nusxadan arxivlangan. Qaraldi: 2011-yil 27-iyul.
- ↑ „Azərbaycan Milli Elmlər Akademiyası əməkdaşlarının təltif edilməsi haqqında Azərbaycan Respublikası Prezidentinin Sərəncamı“. 2021-yil 20-aprelda asl nusxadan arxivlangan. Qaraldi: 2017-yil 30-may.
- ↑ „Prezident İlham Əliyevin sərəncamları“. 2010-yil 9-martda asl nusxadan arxivlangan. Qaraldi: 2010-yil 7-mart.
- ↑ „Zümrüd Quluzadə dünyasını dəyişdi“. 2021-yil 27-sentyabrda asl nusxadan arxivlangan. Qaraldi: 2021-yil 27-sentyabr.
- ↑ „Аzərbaycan Fəlsəfəsi̇ Tari̇xi̇“. orientalphilosophy.org (2016-yil 6-mart). 2016-yil 6-martda asl nusxadan arxivlangan. Qaraldi: 2023-yil 29-avgust.
- ↑ „В Азербайджане скончался известный ученый-философ“. ru.oxu.az (2021-yil 27-sentyabr). Qaraldi: 2023-yil 29-avgust.