Xvanchkara
Xvanchkara (gruzincha: ხვანჭკარა) tabiiy yarim shirin qizil gruzin vinosidir. Bu sharob mamlakatning Racha mintaqasidagi Ambrolauri shahri yaqinida joylashgan Xvanchkara qishlogʻida yetishtiriladigan Aleksandrouli va Mujuretuli uzum navlarini aralashtirish orqali tayyorlanadi[1].
Tarixi
Xvanchkara sharobi Gruziyaning eng mashhur vinolaridan biridir. U toʻq yoqut rangiga, oʻziga xos kuchli hidga va malina taʼmini eslatuvchi, uygʻun hamda mayin, baxmalsimon taʼmga ega. Xvanchkara tarkibida 10,5–12,0% spirt va 3–5% shakar mavjud boʻlib, titrlanadigan kislotalilik darajasi 5,0–7,0% ni tashkil etadi. Ushbu vino 1907-yildan beri ishlab chiqariladi. 2012-yilda 2012-yilda Gruziya hukumati Xvanchkara sharobini meros brendi sifatida eʼtirof etdi. 2010-yilda qabul qilingan „Vinolarning kelib chiqishi nazorat qilinadigan hududlari toʻgʻrisida“gi Gruziya qonuniga muvofiq, Xvanchkara nomi Gruziya vino nomlari roʻyxatiga kiritilgan. Ushbu nomdan faqat belgilangan geografik hududda ishlab chiqarilgan vinolar uchun foydalanish mumkin, boshqa hududlardagi vino ishlab chiqaruvchilarga esa undan foydalanish taqiqlanadi.
Qiziqarli maʼlumotlar
Kindzmarauli vinosi bilan bir qatorda, Xvanchkara ham gruzin millatiga mansub sovet diktatori Iosif Stalinning sevimli vinolaridan biri boʻlgan[2][3].
Yana qarang
Manbalar
- ↑ Tamara Dragadze. Rural Families in Soviet Georgia: A Case Study in Ratcha Province, Routledge, 1988, ISBN 0415006198, p. 7
- ↑ David R. Farber. Sloan Rules: Alfred P. Sloan and the Triumph of General Motors, University of Chicago Press, 2002, ISBN 0226238040, p. 146
- ↑ Glenn Randall Mack, Asele Surina. Food Culture In Russia And Central Asia, Greenwood Press, 2005, ISBN 0313327734, p. 10