Kontent qismiga oʻtish

Xojiakbar Xakimov

ZiyoSfera, erkin ensiklopediya
Xojiakbar Xakimov
Xojiakbar Tolibjonovich Xakimov
Oʻzbekiston aralash jang sanʼatlari assotsiatsiyasi bosh kotibi
Mansab davri
2025-yildan
Oʻzbekiston pankration va grappling assotsiatsiyasi raisi
Mansab davri
2023-yildan
Shaxsiy maʼlumotlari
Tavalludi 1986-yil 15-avgust (1986-08-15) (40 yosh)
Toshkent, OʻzSSR, SSRI
Kasbi sport rahbari
Mukofotlari «Oʻzbekiston Respublikasi Mustaqilligining 35 yilligi» esdalik nishoni

Xojiakbar Tolibjonovich Xakimov (1986-yil 15-avgust, Toshkent) — oʻzbekistonlik sport rahbari.[1] Oʻzbekiston aralash jang sanʼatlari assotsiatsiyasi bosh kotibi,[2] Oʻzbekiston pankration va grappling assotsiatsiyasi raisi,[3][4] Osiyo aralash jang sanʼatlari assotsiatsiyasi direktorlar kengashi hamda Osiyo Olimpiya Kengashining E-sport, jang sanʼatlari va intellektual sport turlari qoʻmitasi aʼzosi.[5][6]

Biografiyasi

Xojiakbar Tolibjonovich Xakimov 1986-yil 15-avgustda Toshkent shahrida tugʻilgan.[1] 2006-yilda Toshkent davlat iqtisodiyot universitetini tamomlagan.[1]

Sport sohasidagi faoliyati

Xakimov sport boshqaruvi sohasida K-1, pankration, grappling va aralash jang sanʼatlari yoʻnalishlarida faoliyat yuritgan.

K-1

2020—2021-yillarda K-1 sport turi boʻyicha Toshkent shahar federatsiyasiga rahbarlik qilgan. 2021-yilda Sports.uz nashrining jang sanʼatlariga bagʻishlangan materiallarida Xakimov Oʻzbekiston K-1 federatsiyasining Toshkent shahar boʻlimi raisi sifatida qayd etilgan.[7][8]

Pankration va grappling

2023-yildan Oʻzbekiston pankration va grappling assotsiatsiyasi raisi sifatida faoliyat yuritadi.[9][3][4]

Assotsiatsiya 2023-yil 6-aprelda davlat roʻyxatidan oʻtkazilgan. Xakimov tashkilot rahbari sifatida ochiq registr maʼlumotlarida qayd etilgan.[10]

Xakimov rahbarlik qilayotgan tashkilot pankration, grappling va havaskor aralash jang sanʼatlari yoʻnalishlarida faoliyat yuritadi.[4]

Aralash jang sanʼatlari

2025-yil oktabr oyida Xakimov Oʻzbekiston aralash jang sanʼatlari assotsiatsiyasi bosh kotibi etib saylandi.[2]

Assotsiatsiya rahbariyatiga Aziz Toshpoʻlatov rais, Ayubxon Raxmatullayev raisning birinchi oʻrinbosari, Shuxrat Anvarov rais oʻrinbosari, Xojiakbar Xakimov bosh kotib va Murodxon Toʻrayev ijrochi direktor etib saylangan.[2]

2025-yil noyabr oyida IIV Akademiyasida aralash jang sanʼatlari klubi tashkil etilishi munosabati bilan oʻtkazilgan tadbirda Xakimov yosh sportchilarni saralash va ularni xalqaro musobaqalarga tayyorlash masalalarida ishtirok etgan.[11]

2026-yil yanvar oyida Xitoyda oʻtkazilgan aralash jang sanʼatlari boʻyicha III Osiyo chempionatida ishtirok etgan Oʻzbekiston delegatsiyasiga rahbarlik qilgan.[12]

2026-yil avgust oyida Xakimov Oʻzbekistonda havaskor aralash jang sanʼatlarini rivojlantirish, Osiyo oʻyinlari, xalqaro musobaqalar hamda sportning Olimpiya oʻyinlari dasturiga kirish istiqbollari haqida intervyu bergan.[1]

Xalqaro faoliyati

Xakimov Osiyo aralash jang sanʼatlari assotsiatsiyasi direktorlar kengashi aʼzosi hisoblanadi. Direktorlar kengashida u Markaziy Osiyo mintaqasidan Oʻzbekiston vakili sifatida faoliyat yuritadi.[5]

Shuningdek, Xakimov Osiyo Olimpiya Kengashining E-sport, jang sanʼatlari va intellektual sport turlari qoʻmitasi aʼzosi boʻlib, qoʻmita tarkibida Oʻzbekiston vakili hisoblanadi.[6]

Osiyo oʻyinlari

Xakimov Oʻzbekiston aralash jang sanʼatlari assotsiatsiyasi bosh kotibi sifatida faoliyat yuritayotgan davrda Oʻzbekiston MMA terma jamoasi 2026-yilgi Yozgi Osiyo oʻyinlarida ilk bor ishtirok etdi. Aralash jang sanʼatlari Aichi va Nagoyada oʻtkazilgan XX yozgi Osiyo oʻyinlarida ilk bor medalli sport turi sifatida dasturga kiritildi.[1]

Oʻzbekiston MMA terma jamoasi Oʻzbekiston delegatsiyasi tarkibida Firdavs Atamuratov (-60 kg), Husniddin Nasriddinov (-65 kg), Nodirbek Shavkatov (-71 kg) va Xilola Sobirova (-60 kg) bilan ishtirok etdi.[13]

Nodirbek Shavkatov modern MMA yoʻnalishining 71 kilogrammgacha vazn toifasida bronza medalini qoʻlga kiritdi. U yarim finalda Qozogʻiston vakili Qodirbek Shinbayevga imkoniyatni boy berib, musobaqani uchinchi oʻrinda yakunladi.[14][15]

Shavkatovning bronza medali Oʻzbekistonning Osiyo oʻyinlari tarixida aralash jang sanʼatlari boʻyicha qoʻlga kiritgan ilk medali boʻldi.[16]

Firdavs Atamuratov modern MMA yoʻnalishining 60 kilogrammgacha vazn toifasida finalga chiqdi. Finalda Tojikiston vakili Mirzobek Umarovga imkoniyatni boy berib, kumush medalni qoʻlga kiritdi.[17]

Xilola Sobirova anʼanaviy MMA yoʻnalishining 60 kilogrammgacha vazn toifasida finalga chiqdi. Finalda Singapur vakili Tiffani Teoga imkoniyatni boy berib, kumush medal sohibi boʻldi.[18]

Shu tariqa, Oʻzbekiston MMA terma jamoasi Osiyo oʻyinlaridagi ilk ishtirokini ikki kumush va bir bronza — jami uchta medal bilan yakunladi.[17][18][14]

Mukofotlari

  • «Oʻzbekiston Respublikasi Mustaqilligining 35 yilligi» esdalik nishoni (2026).[1]

Shuningdek qarang

Manbalar

  1. ↑ 1,0 1,1 1,2 1,3 1,4 1,5 „Osiyo oʻyinlari, havaskor MMA, UFC va Olimpiada: Oʻzbekiston MMA assotsiatsiyasi bosh kotibi Xojiakbar Hakimov bilan eksklyuziv intervyu“ (uz). Sports.uz (2026-yil 28-avgust). Qaraldi: 2026-yil 6-oktyabr.
  2. ↑ 2,0 2,1 2,2 „Ichki ishlar vaziri Aziz Tashpulatov Oʻzbekiston Aralash jang sanʼatlari (MMA) assotsiatsiyasi raisi etib saylandi“ (uz). Oʻzbekiston Respublikasi Ichki ishlar vazirligi (2025-yil 8-oktyabr). Qaraldi: 2026-yil 6-oktyabr.
  3. ↑ 3,0 3,1 „Muzaffar Rajabov yana bir lavozimga tayinlandi“ (uz). Qalampir.uz (2023-yil 17-iyul). Qaraldi: 2026-yil 6-oktyabr.
  4. ↑ 4,0 4,1 4,2 „Uzbekistan Association of Mixed Martial Arts, Pankration & Grappling“ (en). United World Wrestling. Qaraldi: 2026-yil 6-oktyabr.
  5. ↑ 5,0 5,1 „Board of Directors“ (en). Asian Mixed Martial Arts Association. Qaraldi: 2026-yil 6-oktyabr.
  6. ↑ 6,0 6,1 „Esports, Martial Art & Mind Sports Committee“ (en). Olympic Council of Asia. Qaraldi: 2026-yil 6-oktyabr.
  7. ↑ „Israel Adesanya – Jan Blachowicz: Who has the best chance to win?“ (en). Sports.uz (2021-yil 5-mart). Qaraldi: 2026-yil 6-oktyabr.
  8. ↑ „What other Uzbek fighters could compete in the UFC? The experts responded“ (en). Sports.uz (2021-yil 16-aprel). Qaraldi: 2026-yil 6-oktyabr.
  9. ↑ „Jon Jons hamda Sirill Gan jangida kimning imkoniyati yuqori? Oʻzbek yakkakurash olami vakillari javob berdi“ (uz). Sports.uz (2023-yil 2-mart). Qaraldi: 2026-yil 6-oktyabr.
  10. ↑ „Oʻzbekiston Pankration va Grappling assotsiatsiyasi“ (uz). iHamkor. Qaraldi: 2026-yil 6-oktyabr.
  11. ↑ „Akademiyada aralash jang sanʼati klubi tashkil qilindi“. Oʻzbekiston Respublikasi Ichki ishlar vazirligi (2025). Qaraldi: 2026-yil 6-oktyabr.
  12. ↑ „MMAchilarimiz Xitoy mezbonligidagi Osiyo chempionatida qatnashadi“ (uz). SportUz.TV (2026-yil 6-yanvar). Qaraldi: 2026-yil 6-oktyabr.
  13. ↑ „Oʻzbekiston delegatsiyasi Aichi-Nagoya-2026 XX yozgi Osiyo oʻyinlarida“ (uz). Oʻzbekiston Milliy Olimpiya qoʻmitasi (2026). Qaraldi: 2026-yil 6-oktyabr.
  14. ↑ 14,0 14,1 „Aichi-Nagoya-2026: Nodirbek Shavkatov bronza medalini qoʻlga kiritdi“ (uz). Yuz.uz (2026-yil 21-sentyabr). Qaraldi: 2026-yil 6-oktyabr.
  15. ↑ „Aichi-Nagoya-2026: Nodirbek Shavkatov bronza medalini qoʻlga kiritdi“ (uz). Daryo (2026-yil 21-sentyabr). Qaraldi: 2026-yil 6-oktyabr.
  16. ↑ „Osiyo oʻyinlari: Shavkatov MMAda bronza oldi“ (uz). Sputnik Oʻzbekiston (2026-yil 21-sentyabr). Qaraldi: 2026-yil 6-oktyabr.
  17. ↑ 17,0 17,1 „Tajikistan’s Umarov makes history as first Asian Games MMA champion“ (en). Osiyo Olimpiya Kengashi (2026-yil 22-sentyabr). Qaraldi: 2026-yil 6-oktyabr.
  18. ↑ 18,0 18,1 „Teo masters pressure to win Singapore’s MMA gold“ (en). Osiyo Olimpiya Kengashi (2026-yil 22-sentyabr). Qaraldi: 2026-yil 6-oktyabr. 
"https://ziyosfera.uz/index.php?title=Xojiakbar_Xakimov&oldid=1225073" dan olindi