Xalqobod (Qashqadaryo)

Xalqobod — Koson, Qamashi, Chiroqchi va Gʻuzor tumanlaridagi qishloq va kanal. Nomining tarkibi: „xalq“ (a) + „obod“ (f-t). Movoraunnahrda 9–10-asrlarda „obod“ soʻzi bilan qishloq nomlarini yaratish boshlangan. Dastlab bu turdagi nomlarning birinchi qismi kishi ismi boʻlgan. „Kishi ismi + obod“ tuzilishidagi nomlar orqali qishloqlar, ovullar yoki qoʻrgʻonlar ifodalangan. Kishi ismi esa maʼlum hududda qishloq yoki qoʻrgʻonni tashkil qilgan shaxs sharifi boʻlgan. Shu tamoyil asosida 10–20-asrlarda bir necha nomlar yuzaga kelgan: Paxtaobod, Elobod, Yangiobod, Maxsumobod, Mehnatobod, Chinobod, Bogʻobod, Dehqonobod va boshqalar.

Xalqobod nomi ham maʼmuriy tarzda shakllangan boʻlib, u aholining qurilgan hovlilari, uylar yigʻindisidan hosil boʻlgan qishloqni bildiradi. 20-asrning 70-yillarida davlat mablagʻlari hisobidan qurilgan hovlilar, kottejlar va uylar posyolka va yuqori qoʻrgʻonlar bilan qiyoslab nomlangan.