Usmon Toshev

Usmon Toshev
Shaxsiy maʼlumot
Toʻliq ismi	Usmon Qudratovich Toshev
Tavallud sanasi	1965-yil 23-sentyabr (61 yosh)
Tavallud joyi	Buxoro, Oʻzbekiston SSR, SSSR
Boʻyi	182 cm (5 ft 11 1⁄2 in)
Ampluasi	himoyachi, yarim himoyachi
Yoshligida aʼzo boʻlgan klublar
	Yosh kuch
Professional faoliyati*
Yillar	Jamoa
1985–1987	Zarafshon
1988	Paxtakor
1989—1991	Nurafshon
1992	Atommash
1992	Nurafshon
1992—1993	Solnok
1994—1998	Nurafshon
1998	Keratsini
1999	Nurafshon
Milliy terma jamoa
1994	Oʻzbekiston
Boshqargan klublari
2000—2008	Buxoro
2006	Oʻzbekiston (yordamchi)
2008	Nasaf (vazifasini bajaruvchi)
2008	Shoʻrtan
2009—2011	Spartak (Toshkent)
2011	Nasaf (sport direktori)
2012	Nasaf
2013	Spartak (Toshkent)
2014—2015	De Maivand Atalan
2017	Andijon
2018	Oʻzbekiston U16
2018	Tufan Xerirud
2018—2020	Tojikiston U23
2018—2021	Tojikiston
2021	Nurafshon
2021—2024	Oʻzbekiston (Texnik direktor)
2023	Oʻzbekiston U16
2024—2025	Afgʻoniston
	*Professional klublardagi gollari (ichki chempionat)

Usmon Qudratovich Toshev (1965-yil 23-sentyabr, Buxoroda tugʻilgan) – sovet va oʻzbek futbolchisi, himoyachi va yarimhimoyachi. Oʻzbekiston terma jamoasida oʻynagan. Hozir OFK va FIFA futbol instruktori.

Faoliyati

Oʻyinchi sifatida

Buxoro oʻsmirlar sport maktabi tarbiyalanuvchisi. Buxoroning „Yosh kuch“ klubi yoshlar jamoasida oʻynagan. 1985—1987-yillarda Zarafshon klubida toʻp surgan. 1987-yilda Buxoro davlat universitetining sport taʼlimi yoʻnalishini tamomlagan. 1988-yilda Toshkentning „Paxtakor“ klubi tarkibida oʻynagan. 1989—1991-yillarda Buxoroning „Nurafshon“ jamoasi sharafini himoya qilgan.

1992-yilda Rossiya Volgodonskning „Atommash“ jamoasida oʻynagan. Oʻsha yili, shuningdek „Nurafshon“ safida ham toʻp surgan. 1992—1993-yillarda Vengriyaning „Solnok“ klubi safida maydonga tushgan.

1994—1998-yillarda „Buxoro“ klubi futbolchisi boʻlgan. 1998-yilda Gretsiyaning „Keratsini“ klubi sharafini himoya qilgan. 1999-yili „Buxoro“ klubida futbolchilik faoliyatini yakunlagan.

1994-yilda Oʻzbekiston milliy terma jamoasi tarkibida Tojikiston va Qirgʻiziston terma jamoalariga qarshi kechgan uchrashuvda ikkita oʻyinda maydonga tushgan.

Murabbiylik faoliyati

Futbolchilik faoliyatini yakunlagach, 2000-yilda „Buxoro“ klubiga bosh murabbiy etib tayinlangan va 2008-yilgacha klubni boshqargan. 2002-yilda parallel ravishda Buxoro shahrida oʻtkazilgan „Universiada-2002“ talabalar respublika oʻyinlarida Buxoro viloyati futbol jamoasini boshqargan va musobaqada Buxoro viloyati futbol jamoasi chempionlikni qoʻlga kiritgan.

2005-yilda PRO murabbiylik litsenziyasini olgan. 2006-yilda bir muddat rossiyalik murabbiy Valeriy Nepomnyashchiy boshchiligida Oʻzbekiston milliy terma jamoasi murabbiylar shtabida ishlagan. 2008-yilda Qarshining „Nasaf“ klubida vaqtincha bosh murabbiy vazifasida faoliyat yuritgan. 2009-yilda Gʻuzorning „Shoʻrtan“ jamoasini boshqargan.

2009—2011-yillarda Toshkentning „Spartak“ jamoasi bosh murabbiyi boʻlgan. 2011-yilda Qarshining „Nasaf“ klubida menejer va sport direktori lavozimlarida ishlagan. 2012-yilning may oyidan noyabrigacha ushbu klubni boshqargan. 2013-yilda Buxoroning „Spartak“ jamoasiga murabbiy etib tayinlangan.

2014—2015-yillarda Afgʻoniston Premyer-ligasida ishtirok etuvchi Afgʻonistonning „De Mayvand Atalan“ klubiga bosh murabbiy etib saylangan. 2017-yilda oʻsha paytda Oʻzbekiston Birinchi ligasida ishtirok etgan „Andijon“ klubini boshqargan va mavsum yakunida klub ushbu ligada 3-oʻrinni egallagan.

2018-yilda bir muddat Oʻzbekistonning 16 yoshgacha boʻlgan yoshlar terma jamoasini boshqarib, CAFA yoshlar turnirida gʻolib chiqqan. 2018-yilning ikkinchi yarmida Afgʻonistonning „Tufan Xerirud“ klubini boshqargan va jamoa 2018-yilda Afgʻoniston Premyer-ligasida gʻolib chiqqan.

2018-yilning noyabr oyida Tojikiston olimpiya (yoshlar) terma jamoasi bosh murabbiyi etib tayinlangan^[1], biroz vaqt oʻtib bir vaqtning oʻzida Tojikiston terma jamoasi bosh murabbiyi etib tayinlangan^[2].

2024-yil 21-oktyabrda Afgʻoniston futbol federatsiyasi bilan bir yillik shartnoma imzolagan va Afgʻoniston terma jamoasiga bosh murabbiy boʻlgan^[3].

Yutuqlari

Futbolchi sifatida

Buxoro safida:

Oʻzbekiston chempionati kumush medali sovrindori (1): 1994-yil.

Murabbiy sifatida

Buxoro viloyati jamoasi bilan

Universiada chempioni: 2002-yil

Oʻzbekiston (16 yoshgacha)

CAFA yoshlar turniri gʻolibi: 2018-yil

Tufan Herirud

Afgʻoniston Premyer-ligasi chempioni: 2018-yil

Bosh direktor sifatida

Nasaf

AFC kubogi sohibi: 2011-yil
Oʻzbekiston chempionati kumush medali sovrindori: 2011-yil
Futbol boʻyicha Oʻzbekiston kubogi finalchisi: 2011-yil

Manbalar

↑ „УСМОН ТОШЕВ – ГЛАВНЫЙ ТРЕНЕР ОЛИМПИЙСКОЙ СБОРНОЙ ТАДЖИКИСТАНА (U-23)“ (ru). fft.tj/. Football Federation Tajikistan (15-noyabr 2018-yil). Qaraldi: 5-aprel 2019-yil.
↑ „Toshev departs as Tajikistan football coach“. www.boxscorenews.com. Qaraldi: 20-iyun 2021-yil.
↑ „Usmon Toshev Afgʻoniston futbol terma jamoasiga bosh murabbiy etib tayinlandi“ (2024-yil 21-oktyabr).

Havolalar

Usmon Toshev Footballfacts.ru saytida
Usmon Toshev National-football-teams.com saytida
Usmon Toshev Transfermarkt.com saytida

[1] „УСМОН ТОШЕВ – ГЛАВНЫЙ ТРЕНЕР ОЛИМПИЙСКОЙ СБОРНОЙ ТАДЖИКИСТАНА (U-23)“ (ru). fft.tj/. Football Federation Tajikistan (15-noyabr 2018-yil). Qaraldi: 5-aprel 2019-yil.

[2] „Toshev departs as Tajikistan football coach“. www.boxscorenews.com. Qaraldi: 20-iyun 2021-yil.

[3] „Usmon Toshev Afgʻoniston futbol terma jamoasiga bosh murabbiy etib tayinlandi“ (2024-yil 21-oktyabr).

[1]

[2]

[3]