Kontent qismiga oʻtish

Samvel Babayan

ZiyoSfera, erkin ensiklopediya
Samvel Babayan
Shaxsiy maʼlumot
Toʻliq ismi Samvel Vyacheslavovich Babayan
Tavallud sanasi 1971-yil 19-may (1971-05-19) (55 yosh)
Tavallud joyi Toshkent Oʻzbekiston SSR
Klub maʼlumoti
Joriy klub
 Andijon
Boshqargan klublari
Yillar Jamoalar
1990—1993 Navbahor (murabbiy)
1993—1996 Politotdel (murabbiy)
1996—2000 Navbahor (murabbiy)
2001—2002 Oʻzbekiston (menejer)
2002—2014 Paxtakor (vitse-prezident)
2014—2015 Paxtakor
2015—2016 Oʻzbekiston (U23)
2015—2017 Oʻzbekiston
2018 Spartak Yurmala
2018—2019 Spartak Yurmala (tex. dir.)
2019 Lokomotiv (maslahatchi)
2019 Lokomotiv
2019—2020 Changchun Yatai
2021—2022 Navbahor (mas. mur.)
2024—2025 Lokomotiv (mas. mur.)
2025—2026 Andijon

Samvel Vyacheslavovich Babayan (1971-yil 19-may) – arman millatiga mansub sovet va oʻzbek futbolchisi. 2015—2017-yillarda Olimpiya va Oʻzbekiston milliy futbol terma jamoasi bosh murabbiyi.

Hayoti

Samvel Babayan 1971-yil 19-mayda Toshkent shahrida tavallud topgan. Mavjud ayrim maʼlumotlarga koʻra, u Toshkent davlat jismoniy tarbiya institutini murabbiylik ixtisosligi boʻyicha tamomlagan[1].

Samvel Babayan Oʻzbekiston SSRda turli jamoalar uchun toʻp surgan.

Karyerasining boshlanishi

1993-yili Toshkent viloyatidagi „Siyosiy boshqarma“ futbol jamoasi rahbari etib tayinlanadi. 1996-yili "Navbahor" futbol klubi bosh murabbiyi Viktor Jalilov yordamchisi sifatida faoliyat olib boradi va oʻsha yilda jamoa Oʻzbekiston chempionligini qoʻlga kiritadi. Shundan keyin 2001-yilda Babayanni Oʻzbekiston milliy futbol terma jamoasi boshqaruvchisi sifatida ishga taklif etishadi va keyingi yili murabbiy Toshkentning "Paxtakor" futbol klubi vitse-prezidenti etib tayinlanadi.

2014-yilda „Paxtakor“ Oʻzbekiston Oliy ligasi chempionligini qoʻlga kiritadi va Babayan yil oxirida Oʻzbekistonning eng yaxshi murabbiyi deb topiladi.

Oʻzbekiston terma jamoasi

2015-yil 23-iyunda Mirjalol Qosimov isteʼfoga chiqqanidan soʻng, Babayan Oʻzbekiston milliy futbol terma jamoasi murabbiyi etib tayinlanadi[2][3]. 2015-yil 27-noyabrda esa Oʻzbekiston Olimpiya terma jamoasi bosh murabbiyi boʻladi[4]. Uning murabbiyligi ostida maydonga tushuvchi yoshlar terma jamoasining Osiyo chempionatidagi ishtiroki muvaffaqiyatsizlik bilan yakunlanadi va jamoa 2016-yilda Rio-de-Janeyro shahrida boʻlib oʻtadigan Yozgi Olimpiada oʻyinlariga yoʻllanmani qoʻlga kirita olmaydi.

Babayan boshchiligidagi Oʻzbekiston milliy terma jamoasi 2018-yilda Rossiyada boʻlib oʻtadigan jahon chempionatining final bosqichiga chiqa olmaydi. Soʻnggi uchinchi saralash bosqichi natijalariga koʻra, Oʻzbekiston „A“ guruhida Eron, Janubiy Koreya va Suriya terma jamoalarini oʻtkazib yuborgan holda guruhda toʻrtinchi (oltita oʻrindan) oʻrinni egallaydi. 2017-yil 7-sentyabrda Oʻzbekiston milliy terma jamoasi bosh murabbiyligidan ozod etiladi[5].

Futboldan bir umrga chetlatilishi

2018-yilning 15-yanvar kuni Oʻzbekiston futbol federatsiyasi Babayanni Toshkentning "Paxtakor" klubidagi faoliyati davomida futbolchilar bilan tuzilgan shartnomalar boʻyicha firibgarlik qilgani uchun umrbod futbol sohasida faoliyat yuritishdan chetlatadi. Shuningdek, murabbiy Oʻzbekiston milliy terma jamoasining 2018-yilgi Jahon chempionati saralash turniridagi omadsizligida ham ayblangan. Babayan nufuzli murabbiy va mutaxassislarning tavsiya va maslahatlariga eʼtibor bermagan holda terma jamoaga oʻyinchilarni tanlashda saviyasi va oʻyini past boʻlgan, oʻziga tanish futbolchilarni jalb etgan, bundan koʻzlangan asosiy maqsad esa oʻzining moddiy manfaatlarini boʻlgan[6][7][8].

Latviyadagi faoliyati

2018-yil aprel oyida Babayan Latviyaning „Spartak-Yurmala“ futbol klubi bosh murabbiyi etib tayinlandi[9][10][11][12][13][14]. 2018-yilning 13-aprelida unga Latviya chempionati oliy ligasida[15] ishlash uchun zarur boʻlgan Yevropada murabbiylik faoliyatini olib borish uchun litsenziya berilmaganligi bois murabbiy klubni boshqara olmasligi maʼlum boʻladi. 23-aprel kuni Babayan „Spartak-Yurmala“ klubi bosh murabbiyi lavozimini tark etadi va klubning texnik direktori lavozimiga oʻtkaziladi[16].

Xitoydagi faoliyati

2019-yil yakunida Babayan Xitoyning „Chanchun Yatay“ futbol jamoasi bosh murabbiyi sifatida ish boshlaydi. Oradan maʼlum vaqt oʻtgach, klub oʻzbekistonlik murabbiyni isteʼfoga chiqarganligini rasman eʼlon qiladi[17].

Oʻzbekiston futboliga qaytish

2019-yilning 26-fevral kuni OAVda Samvel Babayan Toshkentning "Lokomotiv" futbol klubi prezidentining maslahatchisi etib tayinlangani haqida maʼlumotlar paydo boʻladi[18][19][20][21][22]. Bu maʼlumot Toshkentning „Lokomotiv“ klubi[23] rasmiy saytida ham eʼlon qilinadi. Xabar muxlislarning keskin noroziligiga sabab boʻladi, bunga javoban keyinchalik Samvel Babayan oʻzining qisqa intervyusida diskvalifikatsiya undan 2018-yilning 1-fevralida, yaʼni diskvalifikatsiyadan ikki haftadan sal koʻproq vaqt oʻtgach, olib tashlangani haqida xabar beradi[24].

Murabbiy sifatida erishgan yutuqlari

  • Oʻzbekiston chempioni (2014);
  • Yilning eng yaxshi futbol murabbiyi (2014).

Manbalar

  1. ↑ Safarov V. A. Ensiklopediya futbola v Uzbekistane 1912—2012. – T. 2014. – S. 363.
  2. ↑ „Samvel Babayan – O`zbekiston milliy terma jamoasiga bosh murabbiy etib tayinlandi“ (2015-yil 23-iyun).
  3. ↑ „Самвел Бабаян назначен главным тренером национальной сборной Узбекистана“. ФФУ (2015-yil 23-iyun). 2015-yil 23-iyunda asl nusxadan arxivlangan. Qaraldi: 2018-yil 7-avgust. (Wayback Machine saytida 2015-06-23 sanasida arxivlangan)
  4. ↑ Чемпионат Азии U-23: Сборная Узбекистана потеряла шансы на выход из группы, 2016-01-19da asl nusxadan arxivlandi, qaraldi: 2018-08-07
  5. ↑ „Самвела Бабаяна отправили в отставку“. 2017-yil 7-sentyabrda asl nusxadan arxivlangan. Qaraldi: 2017-yil 7-sentyabr.
  6. ↑ Championat.com Eks-trener sbornoy Uzbekistana Babayan pojiznenno otstranyon ot futbola
  7. ↑ „Sport-express.ru Бывший тренер сборной Узбекистана Бабаян пожизненно отстранён от футбольной деятельности“. 2018-yil 16-yanvarda asl nusxadan arxivlangan. Qaraldi: 2018-yil 16-yanvar.
  8. ↑ „Championat.com Экс-тренер сборной Узбекистана Бабаян пожизненно отстранён от футбола“. 2018-yil 16-yanvarda asl nusxadan arxivlangan. Qaraldi: 2018-yil 15-yanvar.
  9. ↑ „«Пахтакор» упразднил в клубе должность главного тренера“. 12news.uz (2014-yil 3-yanvar).
  10. ↑ Samvela Babayana otpravili v otstavku
  11. ↑ Sport-express.ru Bivshiy trener sbornoy Uzbekistana Babayan pojiznenno otstranen ot futbolnoy deyatelnosti
  12. ↑ „Самвел Бабаян возглавил чемпиона Латвии“. championat.asia (2018-yil 27-mart). Qaraldi: 2018-yil 1-aprel.
  13. ↑ „Sezonas simboliskais starta šāviens atskanējis - Virslīga sākas ar prezentācijas pasākumu“ (lv). synottipvirsliga.lv (2018-yil 27-mart). 2018-yil 2-aprelda asl nusxadan arxivlangan. Qaraldi: 2018-yil 1-aprel. (Wayback Machine saytida 2018-04-02 sanasida arxivlangan)
  14. ↑ „Jūrmalas «Spartaka» trenerim Babajanam jāpamet klubs“ (lv). LSM.lv (2018-yil 13-aprel). Qaraldi: 2018-yil 19-aprel.
  15. ↑ „Jūrmalas «Spartaka» trenerim Babajanam jāpamet klubs“ (lv). LSM.lv (2018-yil 13-aprel). 2018-yil 20-aprelda asl nusxadan arxivlangan. Qaraldi: 2018-yil 19-aprel.
  16. ↑ „Aleksandrs Grišins kļūst par Jūrmalas Spartaks galveno treneri“ (lat) (2018-yil 23-aprel). 2018-yil 23-aprelda asl nusxadan arxivlangan. Qaraldi: 1.
  17. ↑ „Samvel Babayan iste’foga chiqarildi“.
  18. ↑ „Пожизненно отстранённого от футбола тренера трудоустроили в ташкентский «Локомотив»“ (ru). fergana.agency. 2019-yil 1-martda asl nusxadan arxivlangan. Qaraldi: 2019-yil 3-mart.
  19. ↑ „Пожизненно отстранённый от футбола Самвел Бабаян назначен советником президента ташкентского «Локомотива»“ (ru). Служба новостей Центральной Азии. 2019-yil 6-martda asl nusxadan arxivlangan. Qaraldi: 2019-yil 3-mart.
  20. ↑ „Разве так можно было: отстранённый Самвел Бабаян вернулся в узбекский футбол“ (ru). Sputnik. 2019-yil 6-martda asl nusxadan arxivlangan. Qaraldi: 2019-yil 3-mart.
  21. ↑ „Breaking News! Самвел Бабаян в штабе чемпиона Узбекистана“ (ru). CHAMPIONAT.asia. 2019-yil 6-martda asl nusxadan arxivlangan. Qaraldi: 2019-yil 3-mart.
  22. ↑ „Самвел Бабаян "Локомотив"да иш бошлади“ (uz). CHAMPIONAT.asia. 2019-yil 6-martda asl nusxadan arxivlangan. Qaraldi: 2019-yil 3-mart.
  23. ↑ „Таниқли мутахассис Самвел Бабаян “Локомотив” ПФКда иш бошлади“ (uz). lokomotiv.uz. 2019-yil 6-martda asl nusxadan arxivlangan. Qaraldi: 2019-yil 3-mart.
  24. ↑ „Самвел Бабаян: "ЎФА ўтган йил дисквалификацияни бекор қилган"“ (uz). CHAMPIONAT.asia. 2019-yil 6-martda asl nusxadan arxivlangan. Qaraldi: 2019-yil 3-mart.

Havolalar

  • Profili (Rus.) FootballFacts.ru veb-sayti boʻyicha 
"https://ziyosfera.uz/index.php?title=Samvel_Babayan&oldid=755730" dan olindi