Termiziy mahallasi

Termiziy mahallasi (Afrosiyob koʻchasi 6) – Oʻzbekiston Respublikasi Toshkent shahar Mirobod tumanidagi mahalla. Tumanning Afrosiyob, Farovon, Yunus Rajabiy mahallalari hamda Yakkasaroy tumanining Bogʻsaroy mahallasi bilan chegaradosh. 1993-yil tashkil topgan. Shu yili mahalla hududida imom At-Termiziyning tavalludi nishonlangan va mahallaga uning nomi berilgan. Aholisi 1 mingdan oshiq, asosan ruslar, shuningdek, 15 dan ortiq, millat vakillari yashaydi. Mahalla hududida 3 ta koʻcha, viloyat savdo birlashmasi, tuman ijtimoiy taʼminot boʻlimi, „Nuroniy“ jamgʻarmasi tuman boʻlimi, „Barakat“ firmasi, Zargarlar uyushmasi, „Jemchug“ magazini, restoran, oziq-ovqat doʻkonlari va boshqalari mavjud. Oʻzbekiston xalq rassomlari Javlon Umarbekov, Yigitali Tursunnazarov, haykaltarosh Ilhom Jabborov shu mahallada istiqomat qiladi.