Bogʻsaroy mahallasi
Bogʻsaroy mahallasi (Beshchinor koʻchasi, 43) – Toshkent shahar Yakkasaroy tumanidagi mahalla. Konstitutsiya, Tepa, Yunus Rajabiy, At-Termiziy, Farovon, Lolazor, Hamid Sulaymon mahallalari bilan chegaradosh. 1993-yilgacha Pedagoglar mahallasi deb nomlangan. 1993—2016-yillarda Turkiston mahallasi deb yuritilgan[1]. Oʻsha yili 21-apreldagi Xalq deputatlari Toshkent shahar kengashi qaroriga binoan mahalla nomi Bogʻsaroy deb oʻzgartirilgan[2].
2008-yil holatiga koʻra, aholisi 4 270 kishi, koʻp millatli. Mahalla hududida „Oʻzpaxtasanoat“ aksiyadorlik uyushmasining paxtani birlamchi ishlovchi instituti, Grand Mir mehmonxonasi, shahar, viloyat harbiy komissariati, Oʻzbekiston davlat xoreografiya akademiyasi mavjud[1]. Ikuo Xirayama Xalqaro madaniyat karvonsaroyi, Falastin, Misr, Qatar, Ruminiya, Slovakiya, Mongoliya davlatlarining elchixonasi ham shu mahallada joylashgan.
Manbalar
- ↑ 1,0 1,1 Toshkent. Ensiklopediya, 2009-yil.
- ↑ „Toshkent shahridagi 100dan ortiq mahalla qayta nomlandi“. Kun.uz. Web Expert (2016-yil 29-aprel). Qaraldi: 18-aprel 2025-yil.