Kontent qismiga oʻtish

Stanislav Andreyev

ZiyoSfera, erkin ensiklopediya

Ziyosferada ismi Stanislav va familiyasi Andreyev boʻlgan boshqa kishilar haqida ham maqolalar mavjud.
Stanislav Andreyev
Shaxsiy maʼlumot
Toʻliq ismi Stanislav Vladimirovich Andreyev
Tavallud sanasi 1988-yil 6-may (1988-05-06) (38 yosh)
Tavallud joyi Toshkent Oʻzbekiston SSR SSSR
Boʻyi 1.77 m (5 ft 9 1⁄2 in)
Ampluasi Yarim himoyachi / qanot himoyachisi
Klub maʼlumoti
Joriy klub
 Soʻgʻdiyona U21 (bosh murabbiy)
Yoshligida aʼzo boʻlgan klublar
2003—2006 Paxtakor
Professional faoliyati*
Yillar Jamoa Isht. (Gol.)
2006 Toʻpalang 2 (0)
2007—2018 Paxtakor 212 (27)
2018 →  Metallurg Bekobod 12 (0)
2019—2021 Metallurg Bekobod 76 (12)
2022 Navbahor 19 (0)
2023—2025 Soʻgʻdiyona 72 (2)
Total 393 (41)
Milliy terma jamoa
2009—2017 Oʻzbekiston 40 (2)
Boshqargan klublari
2026 Soʻgʻdiyona U21
*Professional klublardagi gollari (ichki chempionat)

Stanislav Andreyev (1988-yil 6-mayda, Toshkentda tugʻilgan) – oʻzbekistonlik murabbiy va sobiq futbolchi, Jizzaxning „Soʻgʻdiyona“ klubining 21 yoshgacha jamoasi murabbiyi[1]. Futbolchilik faoliyati davomida chap qanot himoyachisi va yarim himoyachisi pozitsiyalarida oʻynagan. 2009—2017-yillar davomida Oʻzbekiston terma jamoasida oʻynagan[2][3].

Futbolchilik faoliyati

Stanislav Andreyev Toshkentning „Paxtakor“ futbol maktabida tahsil olgan. 2006-yilda Oʻzbekiston Oliy ligasida ishtirok etgan, keyinchalik quyi divizionlarga tushib ketgan Surxondaryo viloyati Sariosiyo shahrining „Toʻpalang“ klubida professional futbolchilik faoliyatini boshlagan. 2007-yilda „Paxtakor“ asosiy jamoasi skautlari va murabbiylarining eʼtiborini tortgan. Oradan hech qancha vaqt oʻztmasdan Stanislav Andreyev „Sherlar“ tarkibiga kelib qoʻshilgan. Paxtakor jamoasi bilan birga u 2007-yilda Hamdoʻstlik chempionlari kubogida goliblikni qoʻlga kiritib, kubokni boshi uzra baland koʻtargan. Stanislav 10 dan ortiq futbol mavsumini „Paxtakor“ning asosiy tarkib futbolchisi sifatida oʻtkazgan, 200 dan ortiq oʻyinda maydonga tushib[4], Paxtakorning haqiqiy himoya devoriga aylangan. Oʻzbekiston chempionatlarining koʻp karra chempinligini hamda kumush bronza medallarini qoʻlga kiritgan.

2018-yilgi mavsum yozida „Paxtakor“ jamoasidagi raqobat sabali klubni tark etgan va Toshkent viloyatining „Metallurg“ (Bekobod) jamoasiga ijara asosida mavsum yakuniga qadar shartnoma imzolagan[5]. 2019-yilgi mavsum avvalida Paxtakor bilan shartnomasi yakunlangan va Bekobod jamoasi bilan erkin agent sifatida yangi shartnoma imzolagan. Bekobod jamoasi tarkibida 3 mavsum davomida oʻynagan va jamoaning muhim futbolchilaridan biriga aylangan.

2022-yilgi mavsumda „Navbahor“ jamoasi murabbiyi, sobiq ustozi Samvel Babayan taklifi bilan Namangan jamoasi bilan shartnoma imzolagan[6]. Navbahor klubida bir mavsum davomida oʻynadi, Oʻzbekiston Superligasi va Oʻzbekiston kubogida sovrindor boʻlgan.

2023-yilgi mavsum avvalida Jizzaxning „Soʻgʻdiyona“ klubi bilan shartnoma imzolagan[7]. Uch yillik mavsumdan soʻng, 2025-yil yakunida futbolchilik faoliyatini yakunlagan[8].

Terma jmoadagi faoliyati

Andreyev Oʻzbekiston milliy terma jamoasi tarkibida 2009—2017-yillarda oʻynagan. Terma jamoa bilan 2011-yilgi Osiyo Kubogida ishtirok etgan. U jami 40 ta oʻyin oʻtkazib, 2 ta gol muallifiga aylangan.

Xalqaro maydondagi gollar

Gol Sana Joy Raqib Natija Hisob Turnir
1. 2012-yil 25-fevral Jeonju World Cup stadioni, Chonju, Janubiy Koreya  Janubiy Koreya 2-3 2-4 Oʻrtoqlik
2. 2015-yil 17-noyabr Grand Hamad stadioni, Doʻha, Qatar  Iroq 3-0 3-1 2018-yilgi jahon chempionati saralashi

Yutuqlar

  • Oʻzbekiston Superligasi chempioni (3): 2007, 2012, 2014, 2015
  • Oʻzbekiston Superligasi kumush medali sovrindori (3): 2008, 2009, 2010, 2022
  • Oʻzbekiston Superligasi bronza medali sovrindori (1): 2011, 2017-yil
  • Oʻzbekiston kubogi sohibi (3): 2007, 2009, 2011
  • Oʻzbekiston kubogi finalchisi (1): 2008, 2022-yil
  • MDH kubogi gʻolibi: 2007
  • MDH kubogida kumush medali sovrindori: 2008

Manbalar

  1. ↑ „Фланговый защитник "Согдианы" и бывший игрок сборной Узбекистана Станислав Андреев объявил о завершении игровой карьеры, передают Vesti.kz со ссылкой на Championat.asia.“ (2025-yil 4-yanvar).
  2. ↑ „2011 Asian Cup Squad“. sportal.com.au. 2011-yil 26-sentyabrda asl nusxadan arxivlangan. Qaraldi: 2011-yil 19-yanvar.
  3. ↑ „Asian Cup 2011: It Was Uzbekistan's 'Destiny' To Reach Quarter Finals - Vadim Abramov“. goal.com (2011-yil 17-yanvar). 2011-yil 19-yanvarda asl nusxadan arxivlangan. Qaraldi: 2011-yil 19-yanvar.
  4. ↑ „"Пахтакор"нинг миллий чемпионатимизда энг кўп ўйнаган футболчилари.“ (2018-yil 11-dekabr).
  5. ↑ „Станислав Андреев "Металлург"га ижарага берилди“ (2018-yil 5-iyul).
  6. ↑ „Станислав Андреев - "Навбаҳор" футболчиси!“ (2022-yil 1-yanvar). 2025-yil 23-dekabrda asl nusxadan arxivlangan. Qaraldi: 2025-yil 10-dekabr.
  7. ↑ „Эшитдик-да! Станислав Андреев "Сўғдиёна"га ўтади“ (2022-yil 24-dekabr).
  8. ↑ „Бывший игрок сборной Узбекистана завершил карьеру“ (2026-yil 4-yanvar).

Havolalar

"https://ziyosfera.uz/index.php?title=Stanislav_Andreyev&oldid=791284" dan olindi