Sofistika

Sofistika (yun. sophistike — hiylagarlik bilan munozara olib borish) — 1. Yunonistonda sofistlar yaratgan falsafiy oqim. Uning yirik vakillari: Gorgiy (taxminan mil. av. 483—375), Protagor va boshqa; 2. Mantiq qonunlarini atayin buzib, yolgʻon dalillarga asoslangan holda muhokama yuritish. S. tashqi tomondan toʻgʻri boʻlib tuyuladigan, aslida esa mantiqiy xato mulohazalarga tayanadi. Sofistika yolg'onni rost, rostni yolg'on qilib ko'rsatish va shu yo'l orqali mantiq qonunlarini buzib, raqibini aldash va o'z maqsadlariga erishishga qaratilgan mantiqiy usul. Sofistika ko'pincha to'g'ri yo'ldan adashtiruvchi makkorlik quroli sifatida ishlatiladi.