Simon & Schuster
| Mamlakat | Nyu-York, AQSh |
|---|---|
| Asos solingan | 1924-yil |
| Asoschi(lar) | Richard Saymon |
| Vebsayt | simonandschuster.com |
"Simon &Schuster" nashriyotiga 1920-yillarning boshida Richard Saymon va Linkoln "Maks" Shuster tomonidan asos solingan. 1924-yili bu nashriyot ilk krossvordlar toʻplamini chop etgan. Bugungi kunda "Simon & Schuster" kompaniyasi "CBS Corporation"ning boʻlinmasi hisoblanadi. U "Random House", "Penguin" va "HarperCollins" bilan birga ingliz tilida kitoblar chop etuvchi toʻrtta eng katta nashriyotdan biri hisoblanadi. Ayni vaqtda "Simon & Schuster" yiliga 2 ming xil nomda nashrlarni chop etmoqda.
1990-yillarning oʻrtalarida nashriyot egasi boʻlgan "Viacom" konserni "Simon & Schuster Interactive" boʻlinmasini tashkil etgan. 2003-yilga kelib, u xaridorlarning yoʻqligi munosabati bilan tarqatib yuborilgan. Boʻlinmaning soʻnggi oʻyin loyihalari sifatida "EVE Online" va "Outlaw Golf 2"ni koʻrsatish mumkin.