Sigrid Undset
| Sigrid Undset |
|---|
Sigrid Undset (1882-yil 20-may - 1949-yil 10-iyun) - Daniyada tugʻilgan norvegiyalik yozuvchi. 1928-yilda adabiyot boʻyicha Nobel mukofotiga sazovor boʻlgan[1].
Daniyada tavallud topgan, Norvegiyada ulgʻaygan Undset oʻzining birinchi tarixiy fantastika kitoblarini 1907-yilda nashr etgan. 1940-yilda fashistlar Germaniyasiga qarshiligi, Germaniyaning Norvegiyaga bostirib kirishi hamda bosib olinishi tufayli Norvegiyadan Qoʻshma Shtatlarga qochib ketgan. Ammo 1945-yilda Ikkinchi Jahon urushi tugaganidan soʻng vataniga qaytib kelgan.
Hayoti
Sigrid Undset 1882-yil 20-mayda Kalundborg (Daniya) kichik shaharchasida onasi Sharlotta Undsetning (1855–1939) qizlik uyida tavallud topgan. Uning ikki singlisi bor edi. Ikki yoshida oilasi bilan Norvegiyaga koʻchib oʻtdi.
Undset Norvegiya poytaxti Osloda (1925-yilgacha ma'lum boʻlgan Kristianiyada) ulgʻaygan. U bor-yoʻgʻi 11 yoshligida, otasi, norvegiyalik arxeolog Ingvald Martin Undset (1853–1893) uzoq davom etgan kasallikdan soʻng 40 yoshida vafot etdi[2].
Oilasining iqtisodiy ahvoli sababli Undset universitetda ta'lim olishdan umidini uzishga toʻgʻri keldi va bir yillik kotiblik kursidan soʻng, 16 yoshida Kristianiyadagi muhandislik kompaniyasida kotib boʻlib ishga kirdi. U yerda 10 yilga yaqin faoliyat yuritdi[3][4].
1907-yilda Norvegiya Mualliflar uyushmasiga a'zo boʻlgan va 1933-yildan 1935-yilgacha uning Adabiy kengashini boshqargan. 1935-yildan 1940-yilgacha ittifoq raisi sifatida faoliyat koʻrsatgan[5].
Manbalar
- ↑ Bliksrud. „Sigrid Undset“. Nbl.snl.no (2014-yil 28-sentyabr). Qaraldi: 2017-yil 11-noyabr.
- ↑ Solberg. „Ingvald Undset“. Nbl.snl.no (2014-yil 28-sentyabr). Qaraldi: 2017-yil 11-noyabr.
- ↑ Anderson. „Sigrid Undset“. Go Norway. 2021-yil 28-fevralda asl nusxadan arxivlangan. Qaraldi: 2018-yil 21-mart.
- ↑ Pedersen. „An extraordinary woman: The life of Nobel Laureate Sigrid Undset“. The Norwegian American (2017-yil 25-iyul). 2018-yil 22-martda asl nusxadan arxivlangan. Qaraldi: 2018-yil 21-mart.
- ↑ „Undset, Sigrid“ (en-GB). Nordic Women's Literature. Qaraldi: 2020-yil 10-fevral.
 | Shaxsiyat haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |