Sergey Minenko

Sergey Minenko
Shaxsiy maʼlumot
Toʻliq ismi	Sergey Minenko
Tavallud sanasi	1971-yil 18-may (55 yosh)
Tavallud joyi	Qirgʻiziston
Boʻyi	182 sm
Ampluasi	Darvozabon
Klub maʼlumoti
Joriy klub	Faoliyatini yakunlagan
Professional faoliyati*
Yillar	Jamoa
1992—1995	Ak-Maral
1996	MHSK
1997	Dinamo Bishkek
1998—2000	Polyot Bishkek
Milliy terma jamoa
1996—1997	Qirgʻiziston
	*Professional klublardagi gollari (ichki chempionat)

Sergey Minenko (ruscha: Миненко, Сергей; 1971-yil 18-may) — qirgʻizistonlik sobiq futbolchi, darvozabon pozitsiyasida oʻynagan. Qirgʻiziston terma jamoasida oʻynagan.

Biografiya

Sergey professional futboldagi debyutini Qirgʻiziston Premyer-ligasining birinchi mavsumida Toʻqmoqning „Spartak“ (keyinchalik „Ak-Maral“ nomiga oʻzgartirilgan) klubida oʻtkazgan. Ak-Maral klubi safida toʻrt mavsumni oʻtkazib, milliy chempionatning kumush (1993) va bronza (1994) medali sohibi va Qirgʻiziston Kubogi sohibiga aylangan.

1996-yili Toshkentning MHSK jamoasi safida Oʻzbekiston Superligasida ishtirok etgan. Harbiylar jamoasi safida 14 ta oʻyin oʻtkazib, bronza medallarini qoʻlga kiritgan.

1997-yil Qirgʻizistonga qaytdi va yangi mavsumni Bishkekning „Dinamo“ jamoasi bilan shartnoma imzolagan. Bishkek jamoasi safida 1997-yilgi milliy chempionatda gʻolib chiqqan. Keyinchalik Bishkekning „SK Sverdlovsk IIB“ jamoasida (keyinchalik – „Polyot“) oʻynadi. Polyot klubi bilan 1999-yilda bronza medallarini qoʻlga kiritgan. Umuman olganda, faoliyati davomida Qirgʻiziston oliy ligasida 131 ta oʻyin oʻtkazgan.

1996-yil 24-yanvarda Saudiya Arabistoniga qarshi Osiyo Kubogi saralash bahsida Qirgʻiziston terma jamoasida debyut qilgan^[1]. Umuman olganda, 1996—1997-yillarda milliy terma jamoa safida 6 ta oʻyin oʻtkazgan.

2000-yilda u jiddiy jarohat olgan, shu sababli faoliyatini yakunlashga majbur boʻlgan^[2].

Manbalar

↑ „Саудовская Аравия 3 : 0 Киргизия“. 2019-yil 22-fevralda asl nusxadan arxivlangan. Qaraldi: 2019-yil 5-iyun.
↑ „«Полет» высокого полета“. 2019-yil 26-mayda asl nusxadan arxivlangan. Qaraldi: 2019-yil 5-iyun.

Havolalar

Sergey Minenko FootballFacts.ru saytida (ruscha)
Sergey Minenko National-Football-Teams.com saytida

[1] „Саудовская Аравия 3 : 0 Киргизия“. 2019-yil 22-fevralda asl nusxadan arxivlangan. Qaraldi: 2019-yil 5-iyun.

[2] „«Полет» высокого полета“. 2019-yil 26-mayda asl nusxadan arxivlangan. Qaraldi: 2019-yil 5-iyun.

[1]

[2]