Kontent qismiga oʻtish

Salimiya masjidi (Deggendorf)

Koordinatalari: 48°49′08″N 12°57′03″E / 48.818771°N 12.950861°E / 48.818771; 12.950861
ZiyoSfera, erkin ensiklopediya
Masjid
Salimiya masjidi
olmoncha: Selimiye-Moschee
turkcha: Selimiye Camii
Masjidning 2025-yildagi tasviri
Mamlakat  Germaniya
Hudud Quyi Bavariya
Shahar Deggendorf
Koordinatalar 48°49′08″N 12°57′03″E / 48.818771°N 12.950861°E / 48.818771; 12.950861
Yoʻnalishi sunniy
Mulkdor Diyanet İşleri Türk İslam Birliği
Masjid turi Jomeʼ-Masjid
Meʼmoriy uslub Zamonaviy arxitektura
Meʼmor Christian Illner
Qiymati 3.2 million yevro
Asosiy sana:
2016-yil
Umumiy maydoni 3,456 m2 (37,200 kv ft)
Hajmi tax. 300 nafar namozxon
Gumbazlar soni 1 ta
Gumbazlar soni 1 ta
Gumbaz balandligi 4.1 m (13 ft)
Minoralar soni 1 ta
Minoralar soni 1 ta
Minoralar balandligi 15.7 m (52 ft)
Holati amaldagi
Tarovih
Saharlik va iftorlik
Sayt Rasmiy sayt

Salimiya masjidi (olmoncha: Selimiye-Moschee ; turkcha: Selimiye Camii) Germaniyaning Quyi Bavariya viloyati tarkibidagi Deggendorf shahrining Fischerdorf mahallasida joylashgan masjiddir. Islom jamoasi Diyanet İşleri Türk İslam Birliği (DİTİB) tomonidan 1987-yilda tashkil etilgan va hozirgi masjid 2016-yilda[1] 3.2 million yevro qiymat evaziga qurib bitkazilgan[2].

Tarixi

Deggendorfdagi Turk-Islom jamoasi va uning madaniyat markazi 1987-yil 22-iyulda Deggendorfning Stadt-Au qismida tashkil etilgan[3]. Keyinchalik masjid 1996-yilda Fischerdorf tumanida qurilgan, biroq 2013-yildagi toshqin falokati Deggendorfga ham taʼsir qilganligi sababli buzib tashlanib, yangidan qurilgan. Ikki yildan soʻng, 2016-yilda masjid ochilgan va darhol tanqidga uchragan, chunki uning minorasi ruxsat etilgandan 2 metr (6 ft 7 in) balandroq edi. Shundan soʻng minoraning balandligi qisqartirilgan[4].

Meʼmorchilik

Christian Illner tomonidan loyihalashtirilgan[5] masjid zamonaviy meʼmoriy uslubda, qora toʻrtburchak shaklida bunyod etilgan. Masjid oldida 48 ta avtomobil uchun avtoturargoh, kichik doʻkoncha va Ramazon oyida roʻza ochuvchilar uchun chodirlar mavjud. Taxminan 3,456 square metre (37,200 kv ft) maydonda joylashgan masjid ikki qavatli boʻlib, oʻrtasidan ayollar qismi va erkaklar qismiga boʻlingan.

Yuqori qismida namozxona joylashgan boʻlib, unda pastki erkaklar qismida qariyb 230 kishi va yuqori ayollar qismida 70 kishi sigʻishi mumkin. Masjidning erkaklar qismida, namozxonaga tutash joyda kichik kutubxona, Qurʼon kursi, yoshlar xonasi va imom xonasi mavjud. Namozxona gilami qizil, devorlar esa xattotlik namunalari, Qurʼon oyatlari, Allohning ismlari, ayrim paygʻambarlar va sahobalar nomlari bilan bezatilgan. Imom kursisi, mehrob va minbar old qatorida, orqa tomonda esa muazzin uchun kichik maydoncha joylashgan.

Quyi qismida ikkita katta umumiy xona boʻlib, ular asosiy namozxona sigʻimi yetarli boʻlmaganda namoz oʻqish uchun va Ramazon oyida iftorlik uchun ishlatiladi; jamoa Ramazon oyining har juma kuni iftorlik tashkil etadi. Tomida balandligi 4 metr boʻlgan oltin gumbaz, masjid yonida esa uchta bayroq (DİTİB, Germaniya va Turkiya) hamda balandligi tax.16-metr-high (52 ft) boʻlgan minora mavjud[6].

Gallereya

Yana qarang

Manbalar

  1. ↑ „Moschee eröffnet: Ein Ort für Begegnung und Austausch“ (de). pnp.de (2023-yil 19-sentyabr). 2024-yil 29-avgustda asl nusxadan arxivlangan. Qaraldi: 2024-yil 29-avgust.
  2. ↑ „Warum es 2,4 Millionen Euro Fluthilfe für die Moschee gab“ (de). pnp.de (2023-yil 20-sentyabr). 2024-yil 29-avgustda asl nusxadan arxivlangan. Qaraldi: 2024-yil 29-avgust.
  3. ↑ „Gründung & Struktur“ (de). Ditib Deggendorf e.V.. Qaraldi: 2024-yil 29-avgust.
  4. ↑ „Schwarzbau: Minarett muss gekappt werden“ (de). merkur.de (2016-yil 1-iyul). Qaraldi: 2024-yil 29-avgust.
  5. ↑ idowa, Straubing Germany. „Moschee in Fischerdorf muss warten“ (de) (2014-yil 24-oktyabr). Qaraldi: 2024-yil 29-avgust.
  6. ↑ „Selimiye-Moschee, Deggendorf - Architekturobjekte“ (de). www.heinze.de. Qaraldi: 2024-yil 23-noyabr.

Havolalar

"https://ziyosfera.uz/index.php?title=Salimiya_masjidi_(Deggendorf)&oldid=753859" dan olindi