Ruslan Alekhno
| Ruslan Alekhno | |
|---|---|
| Руслан Аляхно | |
 Alehno 2012-yilda | |
| Tavalludi |
1981-yil 14-oktyabr |
| Kasbi | xonanda, artist |
| Faoliyat yillari | 2001–yildan hozirgacha |
| Mukofotlari | Fayl:Medal of Francysk Skaryna 2017 rib.png |
| Musiqiy faoliyati | |
| Veb-sayti | www.alehno.ru |
Ruslan Fyodorovich Alekhno (ruscha: Русла́н Фёдорович Алехно́, Ruslan Fyodorovich Alekhno, belaruscha: Русла́н Фёдаравіч Аляхно́, Ruslan Fyodaravich Alyaxno; 1981-yil 14-oktyabrda tugʻilgan) — belarus va rossiyalik xonanda.
Ruslan Rossiyaning Pop Idol loyihasi asosida yaratilgan Narodniy Artist — 2 tanlovida gʻolib chiqqanidan soʻng keng shuhrat qozongan. Alekhno 2019-yilda Fransisk Skorina medali bilan taqdirlangan[1].
Dastlabki hayoti
Ruslan Alekhno 1981-yil 14-oktyabrda Bobruysk, Belarus SSR, Sovet Ittifoqida (hozirgi Belarus) tugʻilgan. Xonanda harbiylar oilasida voyaga yetgan, otasi harbiy ofitser sifatida faoliyat yuritgan[2].
Alekhnoning faqat bitta ukasi boʻlishiga qaramay, u jami 23 nafar amakivachcha va xolavachchalari bilan birga ulgʻaygan[3].
Bolaligidan musiqaga qiziqqan Alekhno bayan va truba chalishni oʻrgangan. 16 yoshida Ruslan oʻzining ilk musiqiy asarini yaratgan. Oʻsha paytda uning yagona tinglovchisi va tanqidchisi onasi boʻlgan[4].
Alekhno Bobruysk davlat avtomobil-transport kollejini transportni rejalashtirish mutaxassisligi boʻyicha tamomlagan[5].
Shundan soʻng u Belarus armiyasi safiga chaqirilgan. Harbiy xizmat davomida uning qoʻshiq aytish isteʼdodini eshitgan yakkaxonlardan biri uni Belarus Qurolli Kuchlari akademik qoʻshiq va raqs ansambli tarkibiga taklif qilgan. Alekhno ushbu ansamblda toʻrt yil faoliyat yuritgan, keyinchalik esa yakka ijod bilan shugʻullanish maqsadida harbiy xizmatni tark etgan[6].
Faoliyati
Faoliyatining boshlanishi
2001-yilda Ruslan Alekhno Belarus televideniyesidagi Hit-Moment loyihasi gʻolibi boʻldi. 2003-yilda esa Belarusda oʻtkazilgan Crossroads of Europe festivalida Eng sof ovoz nominatsiyasida gʻolib chiqdi hamda Molodechno-2003 vokal tanlovining laureati boʻldi. 2004-yilda Polshada oʻtkazilgan xalqaro Malvy festivalida ikkinchi oʻrinni egalladi[4].
2005-yilda Narodniy Artist — 1 tanlovi gʻolibi Aleksey Goman bilan birgalikda Ikkinchi jahon urushidagi gʻalaba yilligiga bagʻishlangan This is My Homeland qoʻshigʻi bilan Vatanparvarlik qoʻshiqlari festivalida sovrindor boʻldi.
Ruslan Alekhno Rossiyaning Narodniy Artist — 2 teleloyihasida gʻolib chiqdi. Mazkur loyiha mashhur Idol formatining Rossiyadagi talqini hisoblanadi. Gʻalabadan soʻng u 2005-yilda oʻzining ilk studiyaviy albomi — Rano ili pozdno (Ertami-kechmi)ni chiqardi[4].
Eurovision 2008
2008-yilda Ruslan Alekhno Belarusning Eurovision qo'shiq tanlovidagi vakilini aniqlash uchun oʻtkaziladigan milliy musiqiy teleloyiha — EuroFest tanlovida gʻolib boʻldi[7].
Alekhno 2008-yil 22-may kuni boʻlib oʻtgan ikkinchi yarim finalda Hasta la Vista qoʻshigʻini ijro etdi[8][9][10].
Biroq u final bosqichiga yoʻllanma olish uchun yetarli natija qayd eta olmadi va tanlovni yarim final bosqichida yakunladi.
Manbalar
- ↑ „Лукашенко вручил орден Макею, наградил артистов и журналистов“. Belta.by. BelTA (2019-yil 11-yanvar). Qaraldi: 2021-yil 4-may.
- ↑ „Руслан Алехно“. Smotrim.ru. Russia-1. Qaraldi: 2021-yil 4-may.
- ↑ Vinogradov, Maksim „«У меня 23 брата и сестры»: Руслан Алехно показал, как проводил время в деревне“. Goodhouse.ru. Domashniy Ochag. Qaraldi: 2021-yil 4-may.
- ↑ 4,0 4,1 4,2 Ruslan Alekhno official biography on Eurovision Song Contest site Retrieved January 25, 2010.
- ↑ „Руслан Алехно“. Vokrug.tv. Vokrug TV. Qaraldi: 2021-yil 4-may.
- ↑ Andrianov, Sergey „Руслан Алехно служит в российской армии“. KP.by. Komsomolskaya Pravda. Qaraldi: 2021-yil 4-may.
- ↑ „Ruslan Alehno wins Eurofest 2008 tonight“. Oiko Times. 2010-yil 10-fevralda asl nusxadan arxivlangan. Qaraldi: 2010-yil 25-yanvar.
- ↑ Ruslan Alekhno live performance in the 2008 Eurovision Song Contest semi-finals on May 22, 2008. Retrieved January 25, 2010. [sayt ishlamaydi]
- ↑ Hasta la Vista official release (audio) Retrieved January 25, 2010. [sayt ishlamaydi]
- ↑ Esckaz.com: Interview with Ruslan Alekhno Retrieved January 25, 2010.